مرة جابولي موظف أدربه .. قلت له بنبدأ نظري بعدين عملي .. وأعطيته القاعدة الأولى: لاتاخذ معك شغل للبيت.
طبعًا لم يلتزم بهالقاعدة الذهبية وصار ياخذ الشغل للبيت .. وكنت أدري إنه يسوي كذا وإن أخفى هالشي عنّي .. وسألته:

- صرت تسوّف بعملك لأن عندك وقت تكمله في البيت..صح؟
الجواب: نعم.
- صرت تسهر عشان تخلص شغلك .. صح؟
الجواب: نعم.
- ماعاد تستمع بالويكند وشايل هم الشغل .. صح؟
الجواب: نعم.
القاعدة هذي كانت نتيجة تجربة بالنسبة لي وأنصح بها كل موظف لكنهم يشوفونها عدم مبالاة بالإنجاز والعكس صحيح!

كونك تعمل بوقت معلوم يخليك تنجز أكثر .. تعرف إن بعد الساعة 2 مايمديك تسوي شي .. فتستغل كل دقيقة عمل.
وقت البيت للبيت .. تسترخي .. تعيش حياتك .. تشوف لك عمل يدر عليك أموال إضافية غير راتبك .. إلخ
لكن أن تكون تحت ضغط وظيفتك الأولى 24 ساعة شي متعب وضغط رهيب

نادرًا ما أجد موظف خدوم وحماسي مايعمل في البيت .. أغلبهم طايح في هالعادة الذميمة وصايرة حياته ملخبطة .. وأهم سبب للخبطة إنه مايدري كم مقدار الإنجاز اليومي اللي لازم يخلصه!
أنا كنت أدخل محتوى إنترنتي وكنت أظن يمديني أدخل 20 صفحة باليوم .. طلعت مقدر أكمل 5 صفحات!

لو كنت أعمل من البيت كان ألزمت نفسي بهالعشرين وضغطت على جدولتي وصرت أعمل شغل 4 أيام في يوم :)