رتبها

بقالي من زمان ما عملت ثريد ..✋
حاجة خفيفه كده بتمني تعجبكم ..🙈❤️
-خليك أنت الرحيم ✨
-رسالة محبه 💌
#سمرآ

قريت من شويه حكمة باللغة الهنديه القديمة خليتني أراجع نفسي..
الحكمة بتقول ( يا بني كنت تبكي حين ولدت بينما كان العالم مبتهجآ ..فعش حياتك بطريقة تجعل العالم يبكي عند رحيلك بينما تكون أنت مبتهجآ )
_فعلا أي واحد مننا يوم ما بيتولد بينزل يبكي وكل أهله فرحانين..

لكن لحظه الوفاة بعد عمر من المعاملة مع الناس قد تتضارب المشاعر ..
_ف واحد بيموت اللي حواليه بيبقي عادي "واحد مات "
_وف واحد بيموت الناس بتبقي "حزينة لفقدة "
_وف واحد بيموت الناس بتستريح "يوم موته"

أفتكرت حديث سيدنا رسول الله ف الصحيحين لأبي قتادة : يوم ما مر قدام رسول الله جنازة ( شايلين واحد ميت ) فقال عليه الصلاة والسلام "مستريحا أم مستراح منه" ..
فقلنا يا رسول الله ما مستريحا وما مستراح منه ؟؟

قال (ص) العبد الصالح "الشخص اللي كان طيب" يستريح من نصب الدنيا وهمها إلي رحمة الله..
والعبد الفاجر يستريح منه العباد والشجر والداواب..
مين اللي لما يموت هيكون مبتهج من رؤية جمال المصير وكل اللي حواليه حزين لفقدة ..

_ساعتها سيطر ع قلبي حكمة وحديث :
الحكمة بتقول (الرحماء هم نسيم الحياة وجنة الدنيا )
لما يكون ف رحيم ف محيطك كأنك عايش ف الجنه معاه..🥰
والحديث بيقول (أرحموا من في الأرض يرحمكم من في السماء)
الناس بتفتكر اللي كان حنين عليهم وقت ضعفهم..
واللي بيعذورهم عند الخطأ..

..واللي بيعينهم علشان يكملوا تقصيرهم..واللي بيدعمهم وقت إحتياجهم..
_وده ملخص الرحمة (والراحمون يرحمهم الرحمن)
أجمل ذكرياتك ع الإطلاق مع اللي رحمك وحن عليك..
وأصعب لحظات حياتك يوم ما عنيت من القسوة..✋

سيدنا آنس بن مالك بيقول :دخل النبي (ص) المدينه وأنا إبن 10 سنين فأضاء منها كل شئ❤️
ومات النبي (ص) وأنا إبن 20سنة فأظلم من المدينة كل شئ 💔
الكل بيبكي والنبي (ص) مستبشر لأنه رايح لربنا الرحيم ..لأن النبي قال ع نفسه إنما أنا رحمة مهداة..

ف الرحيم بيموت مستبشر والناس تحزن لفقدة..لأن العيشه مع الرحيم جنة..
"سيدنا قيص بن سعد بن عبادة" أحد الصحابه مرض ف محدش جه يزوره ..ف بيقول لمراته : أين الأصحاب؟ فقالت يا قيص يستحيون من الديون!!
كان مسلف الناس كلها والوقت بتاع رد الفلوس جه..
ف إتكسفوا يرحوا يزروه ..

( لحسن عيب نشوف ،، لحسن يسألنا ع الفلوس ولا حاجة) مكسوفين نشوفه.. 🤦🏻‍♀️
فقال : بإست الديون التي تمنع زيارة الأحباب 😊
لينادي المنادي إني قد وضعت عنهم الديون..✋
ف إنكسرت ف اليوم ده عتبة الدار من كثرة الزائرين ( الكل جه )😍 ب الحنين ووضع الديون اللي بعدت الناس عنه ..

_الرحمة شئ هين وجهه طلق وكلام لين ❤️
ساعتها لو كنت رحيم وعشت رحيم ف لحظة مفارقتك للدنيا إن شاء الله يصدق فيك قول الله بسم الله الرحمن الرحيم ( يبشرهم ربهم برحمة منه وجنات لهم فيها نعيم مقيم )
فتضحك وتستبشر حتي لو كل اللي حواليك بكي لحظة فراقك..لأنهم عاشوا ف رحمتك وعطفك..

_ع فكرة مش دايما ( الحي أبقي من الميت ) ف أموات بعييييييد عننا ف باطن الأرض والله عشنا ف رحمتهم أبقي ف حياتنا..
وذكريتهم معانا أجمل من ناس عايشه ياما عنينا من قسوتهم..😩
ب بيلخصها أمير الشعراء أحمد شوقي : الناس صنفان ماتوا ف حياتهم .. وآخرون ف باطن الأرض أحياء ..

" خليك أنت الرحيم" أرحموا من ف الأرض يرحمكم من في السماء..
علشان الواحد مننا ف الأرض وقته مفارقته للحياة.. يبقي مستبشر برحمة ربنا حتي لو الناس بتبكي..
فاللهم.. يا من لم تذر بنا برآ رحيمآ أيام حياتنا ..لا تقطع برك ورحمتك عنا أيام مماتنآ 🤲
بس كده اسفه طولت عليكم ✋🚶🏻‍♀️

@rattibha 🙏❤️🌹

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد