احس عدينا بارت اهمية صلاة النافله ( الوتر، الضحى) وتأثيرها علينا بحياتنا نجي لبارت قراة القران وبالذات سورة البقره ..
قبل سنه تقريبا كنت نهاية كل يوم احط تلفوني وضع الطيران وادخل بغرفه فاضيه واصلي الشفع والوتر واقرى جزء من القران وادعي واستغفر لمدة تقريبا ٢٠ دقيقه او نص ساعه على حسب وقتي فكان هالوقت اسميه "خلوتي مع الله سبحانه وتعالى"
فكنت اقرى تقريبا كل يوم نص جزء من القران او اكثر على حسب قدرتي وبشهر او اكثر اختم القران وارجع اسوي نفس الشي يمكن ختمته ٣ او ٤ مرات كان تأثيره على حياتي من الناحيه النفسيه والعمليه فوق الوصف احس ماقدر اقولكم شكثر كنت مرتاحه نفسيا
بفضل هالخلوه اللي مدتها نص ساعه عشت مشاعر عظيمه عشت شعور بكاء الاستجابه شعور الراحه النفسيه شعور انه اموري تتيسير بدون ما اسوي شي كان تدبير الله محاوطني بكل مكان ووقت وكنت احس اني محظوظه حيل بهالشي
من عمق الراحه اللي كانت فيني ساعات لما ابي ادعي ما ادعي بشي يخص الدنيا لانه كل اللي دعيته عندي وبزياده بس كنت ادعي لاخرتي ، الغرض من هالكلام كله لاتهجرون كتاب ربي ماياخذ من يومكم شي
لو احد فيكم قرى هالكلام وحاول انه يجرب ترى بالبدايه بتتكاسل عن الشي انا كنت جذي كانت تجيني ايام اصلي الشفع والوتر واتكاسل اقرى قران وايام اصلي بدون ما اخشع بس اقول اني صليت لي ما قريت كلام لصالح المغامسي "اذكر الله بالرخاء يذكرك بالشده"
بما معناه علاقة البعض بربه علاقة مصلحه لا مرض او احتاج شي من الدنيا يركض لله يصلي ويتصدق ويستغفر ولا حصل هالشي ابتعد عن الله وانشغل بالحياة كلام المغامسي يقول يا بني ادم اذكر ربك بايام رخائك اذكره واستغفرله وانت مو محتاج اله المغفره والعفو
علشان بايام شدتك يكون حولك ويحميك ويمسح على قلبك برحمته ٢٠ دقيقه من يومك تفرغ فيها نفسك لربك ولاشي ترى المفروض طول يومك يكون له احرصو على قيام الليل والقران وخلك من الناس اللي لا دعا ربه الملائكه تعرف صوته من كثر ما انت محافظ على قيام الليل
وبالنهايه هالكلام عن تجربتي انا شي من سنه وشي محافظه عليه وقاعده اشوف اثر كبير على حياتي من كل النواحي فقلت اشاركه معاكم يمكن كلامي يفيد احد فيكم ..
جاري تحميل الاقتراحات...