مافيه افضل من الوضوح مع الذات
الوضوح يعني مسألتين :
١- الاخرين يعرفون حدودك
٢- ادراك طبيعتك
لاتمثل للاخرين انك وسيع بال وانت خلاف ذلك وتخليهم يتجاوزون عليك بحجة انك فرفوش، احسم هالموضوع كيف احسمه؟ بوضوحك معاهم
وخلونا ندخل للعمق اكثر ليش الناس تخاف تكون واضحة مع اللي حولهم؟ 👇🏻

غالبا يكون بسببين:
١-الخوف من الخسارة
٢-الخوف من الاحكام
يخاف لما يكون واضح يخسر هالنوعيات اللي لسانها طويل والخوف الثاني يخاف لما يوقفهم عند حدهم ان الاخرين يحكمون عليه ويقولون عنه نفسية فيعيش هالتضارب بشخصيته وتمثيل انه وسيع بال وهو العكس تماما داخله عبارة عن مطبخ ناري متحرك

طيب كيف اغير طبيعتي واصير وسيع بال ؟
((لاتغير طبيعتك ))
ولاتقارن نفسك بغيرك هذي طبيعتك وتركيبتك دورك مو تغيرها دورك تتقبلها كما هي وتحميها، طيب كذا بخسر الناس كلهم؟ ماحد قلك صير وحش ولكن انت ابخص الناس بطبيعتك اذا المزح الزايد يتعبك ايش اللي يحدك تتحمله وتمارسه اعرف طبيعتك

بعد فترة من وضوحك ترجع شخصيتك للنضج وحتى انفعالاتك تخف لانك تشعر انك قادر تعبر بوضوح بالوقت اللي يريحك بدون تأنيب او خوف من الاحكام ..
مرة ثانية هذي ليست دعوة انك تكون وحش تهاجم اي شئ ولكن دعوة للوضوح مع الذات والتحرر من احكام الاخرين :)
محبتي ❤️