ارتفاع الدين الخارجي في #مصر في ٢٠٢٠ الي ١٣١،٥ مليار دولار بنسبة ١٤٪ عن ٢٠١٩ (في ٢٠١٠ كان ٣٦،٧ مليار دولار)
انخفاض الاستثمار الأجنبي المباشر بنسبة ٣٥٪ ليسجل ٥،٩ مليار دولار (في ٢٠١٠ كان ٦،٣ مليار $).
اغلب الديون تسدد علي مدد تتراوح ما بين ٣٠ الي ٤٠ سنة وهي ١٠٠٪ تخص القطاع الحكومي
انخفاض الاستثمار الأجنبي المباشر بنسبة ٣٥٪ ليسجل ٥،٩ مليار دولار (في ٢٠١٠ كان ٦،٣ مليار $).
اغلب الديون تسدد علي مدد تتراوح ما بين ٣٠ الي ٤٠ سنة وهي ١٠٠٪ تخص القطاع الحكومي
٤٠٠ مليون دولار فقط اقترضهم القطاع الخاص المصري وفي اخر سنتين الحكومة لاتضمن اي قروض للقطاع الخاص صفر! التقرير الكامل نشره #البنك_الدولي منذ ساعات بسيطة ومتاح هنا 👈 openknowledge.worldbank.org
المشكلة مش بس في إرتفاع جنوني في الإقتراض من الخارج ولا في إرتفاع نسب اذون الخزانة الخرافي اللي وزارة المالية بتبصم مجلس النواب لاعتماد قروض بهيستريا بال$ و € وبنسب عاليه (العام المالي الحالي مجلس النواب اعتمدوا طرح اذون خزانة حتي ٧ مليار دولار بعد ما كانت ٥ مليار في ٢٠٢٠/٢٠٢١)
المشكلة الحقيقة ان نسب الاستدانة الرهيبه دي لا اعلم من اي موارد سيتم سدادها في المستقبل؟ الحكومة الحالية ما عندهاش حاجه تعملها غير تعدل قوانين علشان تزود الحصيلة الضريبية اللي بتلمها من المواطن في مقابل كلمات رنانة جماهيرية بوعود بمستقبل باهر مشرق بس انتظروا شوية وستروا ما يبهركم
والكلام ده إستحالة يحصل في ظل وضع القطاع الخاص وقطاع الصناعة ومن ثم التصدير بالمنظر البائس المهلل ده! تقريباً كل الاستثمارات المباشره في مصر في قطاع البترول والغاز. طب انت سمعت عن شركة عالمية جت تفتح سلسلة مصانع علشان تبيع في السوق المحلي وتصدر زي ايام محمد رشيد؟ أكيد طبعاً لأ!
طب سمعت حتي عن بنك عالمي اجنبي في العشر سنين اللي فاتوا قرر ينزل سوق فيه ١٠٠ مليون بنسبة زيادة ٢ مليون سنوياً، زي ما حصل ايام يوسف بطرس غالي وفاروق العقده اللي جاب من اول سيتي بنك ومريدي اجريكول لسوسيتيه چنرال لحد بنوك يوناني وعربي صغيره؟! طب كام بنك اجنبي فاضل منهم في #مصر الان؟
طب سمعت عن مصنع سيارات جديد فتح في مصر منذ ٢٠١٠ لتجميع وتصنيع سيارات للبيع في #مصر واستغلال موقع مصر الإستراتيجي المتميز وإستغلال كمية الإتفاقيات التجارية الهائلة اللي موقعاها مصر مع بلاد افريقية وعربية للتجارة الحره لتصدير الانتاج الي دول الجوار وحتي اسيا؟! طبعاً لأ ولا هاتسمع!
طب بلاش كل اللي فات! سمعت عن صندوق استثمار اجنبي ولا شركات سمسرة عالمية او اي شركة تداول اوراق ماليه اوروپية ولا امريكية ولا آسيويه جت تستثمر في البورصة المصرية في ال١٠ سنيين الاخيره؟! يعني ولا واحده؟!
طبعاً مافيش ولا هاتسمع ولا هاتشوف طول ما في استمرار في التنكيل بالقطاع الخاص
طبعاً مافيش ولا هاتسمع ولا هاتشوف طول ما في استمرار في التنكيل بالقطاع الخاص
الامم تبني بالقطاع الخاص اللي القطاع المصرفي بيتصمم لخدمته في الدول الديمقراطية الحديثة والحكومة بتعتني بشكل خاص بصغار رواد الأعمال والشركات الصغيرة والمتوسطة.
كل شركات الFMCG الاجنبيه اللي فتحت مصانع من سنة ٢٠٠٠ واللي تبعتها بنوك اجنبية وسلاسل تجارية وشركات دعاية تخدم عليها….
كل شركات الFMCG الاجنبيه اللي فتحت مصانع من سنة ٢٠٠٠ واللي تبعتها بنوك اجنبية وسلاسل تجارية وشركات دعاية تخدم عليها….
الشركات دي شغلتنا والمحظوظ فينا لسه مكمل فيها لحد النهارده، برغم السطو علي سوق الدعاية والاعلان بكل وسائله اللي كلنا شايفينه من ٢٠١٤، هم دول المستقبل وهم دول عماد الاقتصاد الوطني لان بيشغل ناس ويستثمر في عماله محليه وكمان بيغنيك عن الاستيراد وبيحسن المنتج المحلي فتتعلم مصانع مصري
ولما تتعلم المصانع المصري من المستثمر الاجنبي تقوم تكبر وتفتح مصانع مصرية تقدر تنافس في السوق المحلي وتحسن جودة المنتج وتقدر تنافس في الاسواق العالمية وتصدر وتبقي عندك شركات مصري تبقي عالمية، وهكذا الامر في كل قطاع من الابره للصاروخ دايماً بيبدا بشركة اجنبيه جت واتعلمنا منها
الدولة قفلت الاستيراد تقريبا في كل شيءٍ وبتجتهد بكل الطرق لاختراع عقبات في كل يوم لعرقلة الاستيراد من اول نصباية قانون ٤٣/٢٠١٦ بتاع سجل المصدرين الي اخر بدعه وهي شهادة حلال لجميع المنتجات المستورده وكمان المحلية حتي لو مشروبات غازية، اللي بيحضروه دلوقتي. ماشي طيب والتصنيع المحلي؟
عملت ايه علشان تدعم الصناعة المصرية في الخمس سنين الاخيره؟! وزراء التجاره موظفين حكومة لا ليهم لا في الطور ولا في الطحين! واولهم ماما ستو اللي فاكره الصناعه اننا نعمل معارض لورش الخزف والاعمال الفنية لبيع التريكوه ودباديب اطفال وسجاجيد وجلبيات زي معوض تراثنا اللي عاملينه ده كده
نظره دونية لرجال وسيدات الأعمال في #مصر علي انهم كلهم حرامية وجملة واحده مافيش غيرها دايرة في البلد "ياما نهبو يا فندم لازم يدفعوا دلوقتي سعادتك عشان مسر".
لازم نفهم ان مصر ماعندهاش حاجه تلم بيها الديون اللي عماله تتاخد دي غير بنهضة القطاع الخاص الحر في اقتصاد حر! وده مش بمزاجك!!
لازم نفهم ان مصر ماعندهاش حاجه تلم بيها الديون اللي عماله تتاخد دي غير بنهضة القطاع الخاص الحر في اقتصاد حر! وده مش بمزاجك!!
كمان لازم نفهم ان من هنا ورايح التقييم الائتماني لمصر هايتغير وياخد منحدر تاني خالص لو الامور فضلت بالمنظر ده! وان اخر قطاع فيه الروح وهو القطاع العقاري في #مصر بيحضروله كوكتيل قوانين حالياً عشان نهيبه جديدة ناوينها، وكالعاده هايجيبوا عاليها واطيها قريب! سنة ٢٠٢٢ هاتكون سنة غدارة
جاري تحميل الاقتراحات...