عاوز اقولكم ازاي مطاعم مصر المشهورة(امريكانا-ماكدونالدز -برجر كينج-موري سوشي..وغيرهم) بيشغلو عمالة ببلاش وغير مكلفة وانتو بتساعدوهم من غير ما تعرفو(عن واقع عيشته)....بص يا سيدي.(١)
من كام يوم واحدة قريبتنا بنتها (ثانوي سياحة وفنادق) عملت تنسيقها عالنت وحطت اول اختيار (كلية سياحة وفنادق حلوان-تعليم تبادلي)
ونقف هنا عند يعني ايه تعليم تبادلي..المهم قريت بسرعة عن الموضوع ودخلت على ويبسايت الشركات المذكورة لقيتهم كاتبين ده في مواقعهم ..(٢)ا
ونقف هنا عند يعني ايه تعليم تبادلي..المهم قريت بسرعة عن الموضوع ودخلت على ويبسايت الشركات المذكورة لقيتهم كاتبين ده في مواقعهم ..(٢)ا
ان التعليم التبادلي ده ان هم بياخدوا الطلبة يشغلوهم في مطاعمهم طول ايام الاسبوع ماعدا يوم واحد بيروحوا فيه الجامعة ياخدو محاضرة وبيفضلوا كده طول الاربع سنين في سبيل انهم ياخدو بكالريوس في الاخر..طب ايه المشكلة ؟؟!!(٣)
روحنا النهاردة بورقة الترشيح مقر جامعة حلوان للسياحة والفنادق جنب القصر العيني (كطبيعة اي حاجة في مصر مش في مكانها) زينا زي معظم الطلبة كله واقف مش فاهم حاجة وعمال يسأل بعضه وطبعا كلم رايحين من بدري.المهم اضطريت اني اسيبهم لانهم قالو الموضوع هيطول لحد المغرب (٤)
فقولت اروح الشغل وارجعلهم..خلصت يومي وروحتلهم قبل المغرب ..حكولي بقى ان كل شركة من دول باعتين مندوب ينقي شوية طلبة بعدد معين وكان الطلبة بالالاف وكل اللي طالبينه حوالي ٣٠٠ فرد للشركات كلها وكل شوية يطلعو الطلبة ادوار كتير في مباني مختلفة عشان يقابلو مندوب الشركة..(٥)
وكل شركة تقولك اكتفيت بالعدد بعد ساعات ويعلمو للطلبة على ابليكيشن ان هو (مرفوض) وشوفت بعيني واحد من شركة امريكانا مجمع ورق الطلبة كلهم وعمال ينده على اسم اسم ويبلغه ان هو مرفوض والعيال عمال تنهار وتعيط وتصرخ لان مصيرهم بع رفضهم من ٣ شركات متتاليه انهم يوجهوهم لمعهد سنتين(٦)
طب بسؤال الطلبة اللي نجحت قالو ان هم بلغوهم ان مرتباتهم من ٧٠٠ال ١٢٠٠ جنيه..ودول حضراتكم لما بتروحو اي فرع لماك او برجر كينج او اي شركة من اللي مذكورة بتشوفوهم غير اللي في المطبخ مبيتشافوش..يعني شركة فاتحة فروع وبتكسب ملايين بتشغل عيال في سن صغير بفلوس لا تذكر(٧)
بحجة انهم في الاخر هيدولهم بكالريوس ومش هيتبهدلو في المعاهد السنتين.وكان فيه كمية عجرفة وزعيق وشخط طبعا مقولكمش والهي مايحكم فيكم حد من المطاعم المذكورة(٨)
بجانب عياط وانهيار البنات (اللي طبعا اثر فيا) اكتر حد شوفته واثر فيا هو شاب صغير جاي لوحده من اول اليوم مالوش اصحاب تقريبا ولا معارف جايين معاه شوفته في اخر اليوم طالع يختم الورقة بعد رفضه من ٣ شركات منهار من العياط ودموعه بتنزل عالورقة وبينشفها بهدومه عشان الورقة متبوظش(٩)
لان الورقة لو باظت او ضاعت مصيره هيتعلق ولازم يحافظ عالورقة ويروح بيها معهد السنتين عشان يقبلوه ودي حاجة غريبة جدا!(١٠)
بالنسبة للأخ اللي شكك في الثريد وقال كذب وافتراء عشان محصلش كده مع ابنه (انا عامله كوت بالمناسبة عندي) من ضمن المناظر اللي شوفتها امبارح اب مع بنته..بنته منهارة من العياط وهو واقف باصص في الهوا وماسك ورقتها عشان يختملها الورقة وعينيه كلها قهر لانه مش عارف يعمل حاجة لبنته(١١)
جاري تحميل الاقتراحات...