10 أكتوبر 2021 .. محمد منير بيكمل 67 سنة، واليوم دة أنسب يوم عشان انزل الكلام دة .. عن الشيء اللي اتعمل من 40 سنة بيعدوا بالتمام والكمال في 2021
بعد ألبومين نزلهم محمد منير "أمانة يا بحر" وعلموني عينيكي، وإعادة توزيع أمانة يا بحر عشان يبقى بنتولد، كانت الانطلاقة الحقيقية لمحمد منير اللي أثبت بيها إنه مش مجرد صوت جديد على الساحة ولا صوت مختلف، وإنما هو مشروع أسطورة .. شبابيك 1981
مفيش مصدر يؤكد المعلومة أو ينفيها، لكن أغلب المصادر بتقول إن ألبوم شبابيك هو أكتر ألبوم باع عدد نسخ في تاريخ مصر (باع عدد نسخ مش حقق إيرادات) ودة ممكن يكون مفهوم لأن الفترة دي كان شبابيك شيء مختلف،
تجربة علموني عينيكي كانت مثيرة لفضول المستمع عشان يشوف مين الولد الجديد أسمر وشعره منكوش وبيغني للبحر وإيه موضوع يا عذاب نفسي ويا بلاد يا غريبة والرزق على الله؟ .. إيه بنتولد طاهرين دة وغريبة ومش غريبة ويا عروسة النيل وأكلم القمر؟ .. هايعمل إيه مع الناس اللي هايتعاونوا معاه دول؟
وفي الحقيقة الألبوم عشان يبقى متكامل كدة كان لازم فعلا يكون في تعاون مع أساطير تانية اشتغلت على الألبوم دة مع محمد منير عشان يطلع بالشكل المتكامل والرائد دة .. وهم
بعد بداية قوية مع هاني شنودة، ظهر اسم يحيى خليل مع محمد منير كموزع وملحن بجانب ملحنين زي أحمد منيب وبليغ حمدي وعزيز الناصر وحسين جاسر، وكلمات لعمالقة زي فؤاد حداد وعبد الرحيم منصور وشوقي حجاب وطبعا مجدي نجيب
..
..
مع وجود اسم قوي جدا ضمن فرقة يحيى خليل وهو فتحي سلامة، واللي هو الموزع الموسيقي المصري الوحيد اللي خد جرامي أوورد لأفضل ألبوم موسيقي عالمي معاصر بشغله مع السنغالي يوسو ندور
باختصار وقبل ما ندخل في التفاصيل، ألبوم شبابيك هو ألبوم معاصر ممكن يتعمل سنة 2021 عادي مش 1981 من أربعين سنة .. واتعمل وخلص في أقل من سنتين
طيب تعالوا نتكلم كتير عن أغنية أغنية، والبداية مع هيد الألبوم أغنية شبابيك
طيب تعالوا نتكلم كتير عن أغنية أغنية، والبداية مع هيد الألبوم أغنية شبابيك
(1)
شبابيك كتبها مجدي نجيب وهو في المعتقل، وكتير بيعتبروها بتعبر عن الحرية اللي منير بينادي بيها طول الوقت، ودة يمشي على الأغنية بشكل فقدان الحرية، لكن أنا بعتبرها أبرز عنوان للخذلان
حد/حاجة اديتها كتير وفي الآخر ماخدتش منها اللي أنت تستحقه فغصب عنك مابقيتش قادر تدي أكتر من كدة
شبابيك كتبها مجدي نجيب وهو في المعتقل، وكتير بيعتبروها بتعبر عن الحرية اللي منير بينادي بيها طول الوقت، ودة يمشي على الأغنية بشكل فقدان الحرية، لكن أنا بعتبرها أبرز عنوان للخذلان
حد/حاجة اديتها كتير وفي الآخر ماخدتش منها اللي أنت تستحقه فغصب عنك مابقيتش قادر تدي أكتر من كدة
مجدي نجيب مش بيقصد هنا حرفيا الشبابيك وإنما ما وراء الشبابيك .. اللي الشبابيك دي بتحرمه من إنه يشوفه ويعيشه، الدنيا (بتاعته) كلها شبابيك بتحرمه من إنه يشوف اللي برة .. والسهر والحكاية والحواديت من طول القعدة في السجن بقت كل دة دايرة عليك وأنت بعيد عني ورا الشبابيك،
الكلام كم (كان) عليك، لكن
اللي كان خايف عليك انتهى من بين إيديك
مابقيتش موجود بعد ما خذلتني
ماحدش شاف فين مكاني وأنا ورا الشبابيك
رغم إني كنت عاشق واحب يكون حلالي ورا الشبابيك
وبعد ما بعت الدموع والعمر
وفي النهاية جنانيني بدل ما طرحت زرع طرحت صبر
ورغم إني عاشق، سقوني المر
اللي كان خايف عليك انتهى من بين إيديك
مابقيتش موجود بعد ما خذلتني
ماحدش شاف فين مكاني وأنا ورا الشبابيك
رغم إني كنت عاشق واحب يكون حلالي ورا الشبابيك
وبعد ما بعت الدموع والعمر
وفي النهاية جنانيني بدل ما طرحت زرع طرحت صبر
ورغم إني عاشق، سقوني المر
الكلام موجه للوطن وللي سجنه لاختلاف رؤيته السياسية، لكن التعبيرات مع محمد منير دايما بتبقى رمزية
عن سجنك أيا كان حبيب شغل طموحات صديق
كنت عاشق ومابقيتش، لأن وأنت عاشق، هم سقوك المر بعد ما بعت الدموع والعمر
شوف سجنك فين والشيء اللي أخلصتله وأهملك، هاتلاقي الأغنية دي بتعبر عن حالك
عن سجنك أيا كان حبيب شغل طموحات صديق
كنت عاشق ومابقيتش، لأن وأنت عاشق، هم سقوك المر بعد ما بعت الدموع والعمر
شوف سجنك فين والشيء اللي أخلصتله وأهملك، هاتلاقي الأغنية دي بتعبر عن حالك
الحن والأوكسترا يحيى خليل وفتحي سلامة عملوا حاجة تخليك كل مرة تسمع الأغنية بصورة مختلفة
مرة بركز مع الوتريات في الخلفية، ومرة مع الآلات النحاسية
مرة بركز مع الوتريات في الخلفية، ومرة مع الآلات النحاسية
كمانجات ودرامز برتم جنوبي مع الدف وشغل جيتار وإليكتريك بانسجام وتناغم غير عادي سواء في دخلة الأغنية أو في الفرشة اللي قبل ما منير يبدأ يغني أو وراه وهو بيغني أو استلام آخر الكوبليه منه والفرشة قبل الكوبلية اللي بعده .. سيمفونية عظيمة
عن الذوبان اللي تشعر بيه بعد أول كوبليهين محمد منير بيستنى فيهم الموسيقى تخلص ويبدأ هو يغني، وبعدين في الكوبليه التالت بيبدأ يغني قبل ما الموسيقى تخلص ويقول أنا بعت الدموع والعمر، ثم في آخر الكوبليه سحبة "ورا الشبابيك" .. مذهل
(2)
من شبابيك نطلع على شجر الليمون
مش كل أغنية هاتكلم عن الوتريات والموسيقى، لكن الموسيقى هنا بتقف وقت ما المفروض تقف عشان تسمع منير لوحده
بيز جيتار عظيم مع درامز بيتصاعد وقت ما يحب يرفعلك الأدرينالين ويحسسك إنه فعلا مطحون لأن الدنيا دي رحاية بتطحن فيها لوحدي، وأنت فينك؟
من شبابيك نطلع على شجر الليمون
مش كل أغنية هاتكلم عن الوتريات والموسيقى، لكن الموسيقى هنا بتقف وقت ما المفروض تقف عشان تسمع منير لوحده
بيز جيتار عظيم مع درامز بيتصاعد وقت ما يحب يرفعلك الأدرينالين ويحسسك إنه فعلا مطحون لأن الدنيا دي رحاية بتطحن فيها لوحدي، وأنت فينك؟
خلينا نتكلم عن الكلمات مش الموسيقى، ليه شجر الليمون، ليه حد يختار الليمون عشان يغنيله، إزاي الليمون دبلان على أرضه، والمعروف عن الليمون إنه مش بيدبل بسهولة، فإزاي دبلان على أرضه؟ كتر الظروف الصعبة اللي اتعرض ليها خلته يبقى مطحون، وببساطة الأغنية بتتغنى لفلسطين
فلسطين بلد معروف بزراعة الليمون، فلما يبقى دبلان على أرض فلسطين تخيل الظروف الصعبة اللي البلد اتعرضتلها
كام عام ومواسم عدوا وهو دبلان على أرضه، دة حال شباب فلسطين
كام عام ومواسم عدوا وهو دبلان على أرضه، دة حال شباب فلسطين
الخلاصة .. بعاني من ظروف صعبة ومطحون والدنيا دي رحاية، ومن غيرك أنا مش عاقل ولا مجنون .. أنا كل شيء بينسرق مني وعمري وأيامي بيعدوا، والضي بيضيع من عيني .. وأنا بندهلك فهل أنت سامعني؟ أنت فين؟
اعمل اسقاط لدة على أي حاجة تاني خذلتك رغم كل الظروف الصعبة اللي أنت مريت بيها وطحنتك
اعمل اسقاط لدة على أي حاجة تاني خذلتك رغم كل الظروف الصعبة اللي أنت مريت بيها وطحنتك
(3)
وبعد أغنية اتكتبت في السجن لحب الوطن وخذلانه، وأغنية اتكتبت لظروف فلسطين الصعبة، نيجي لأغنية اتكتبت لمغازلة الوطن، عن نصر أكتوبر والعبور والتحرير، وهي أغنية الليلة يا سمرا، ودي الكلام عنها - زي شبابيك - يطول
وبعد أغنية اتكتبت في السجن لحب الوطن وخذلانه، وأغنية اتكتبت لظروف فلسطين الصعبة، نيجي لأغنية اتكتبت لمغازلة الوطن، عن نصر أكتوبر والعبور والتحرير، وهي أغنية الليلة يا سمرا، ودي الكلام عنها - زي شبابيك - يطول
خلينا نتكلم عن كلماتها اللي كتبها فؤاد حداد، واللي رغم إنه من عائلة سورية لبنانية، إلا إنه كان من أشهر شعراء العامية المصرية، واعتقل مرتين لآرائه السياسية
فؤاد حداد كان شاعر عامية سياسي قصائده كانت معارضة للنظام، كتب حاجات لسيد مكاوي وماكانش شاعر غنائي
فؤاد حداد كان شاعر عامية سياسي قصائده كانت معارضة للنظام، كتب حاجات لسيد مكاوي وماكانش شاعر غنائي
ليه حاجات مش كتير يعرفوا إنه اللي كتبها زي صلينا الفجر فين لعلي الحجار، والمسحراتي والأرض بتتكلم عربي لسيد مكاوي، ولكن البداية كانت مع منير اللي تعاون معاه في 3 درر أولها الليلة يا سمرا، ثم الفل والياسمين، والجيرة والعشرة، وغناله بعدها ناس تانية زي علي الحجار وحنان ماضي وغيرهم
حداد كان معتقل في الستينات مع أحمد منيب والمطرب محمد حمام، وفي عيد ميلاد الكاتب زكي مراد كان الأربعة مجتمعين في زنزانة فكتب القصيدة اللي لحنها منيب، وغناها حمام وبعد ما خرج سجلها في الإذاعة واتسمعت بس اتدفنت، لحد ما غناها منيب وسمعها يحيى خليل وطلبها لمنير، فماقدرش منيب يرفض
في الوقت نفسه عبد الرحيم منصور ومجدي نجيب كانوا بيعتبروا نفسهم من تلاميذ فؤاد حداد اللي ماكانش واخد حقه، فكانت الدفعة منهم عشان يدخل مجال الأغنية التجارية بعد ما كان معروف فقط في أوساط المثقفين، وخد منصور من ديوان فؤاد حداد رقص ومغنى أبيات من الليلة يا سمرا عشان منير يغنيها
الأغنية أصلا 7 كوبليهات غنى منهم منير أربعة بس في ألبوم شبابيك، ولما بعد كدة بعشر سنين نزل ألبوم مشوار وجمع فيه أبرز أغانيه بتوزيع مختلف، حط الليلة يا سمرا بتوزيع هاني شنودة، وغنى الكوبليهات التانية اللي ما غناهاش في ألبوم شبابيك،
وزي ما قلنا هي أصلا لمصر، وواضح من كوبليه البنت قالت فستاني منشور على الشط التاني خدني المراكبي وعداني، وبوضوح البنت دي مصر اللي بتقول إن فستانها على الشط التاني فعايزة من المراكبي اللي هو الجندي يعدي يجيبه عشان يسترها، تشبيه بسيط وبليغ جدا بيتكلم عن العبور للضفة الشرقية للقنال
(4)
هل منير اكتفى كدة باللمحة السياسية في الألبوم بأغاني شبابيك وشجر الليمون والليلة يا سمرا؟ لأ طبعا
من الأغاني اللي ماخدتش حقها تماما لمحمد منير أغنية ع المدينة، واللي بكل وضوح بتعبر عن الغربة شكلا وموضوعا
هل منير اكتفى كدة باللمحة السياسية في الألبوم بأغاني شبابيك وشجر الليمون والليلة يا سمرا؟ لأ طبعا
من الأغاني اللي ماخدتش حقها تماما لمحمد منير أغنية ع المدينة، واللي بكل وضوح بتعبر عن الغربة شكلا وموضوعا
اللي يسمع الأغنية ومايفهمش هي مقصود بيها إيه هايلمس دة من كلماتها، لفوا بينا قالوا بينا ع المدينة ولما جينا التقينا كل شيء فيها ناسينا، والفصول في كل عام فيكي تتغير قوام
إحساس الغربة هايتأكدلك لما تعرف إن الشاعر النوبي عبد الرحيم منصور كتب الكلام عن الغربة بالمعنى الحرفي، تهجير النوبيين لبناء السد العالي وغرق النوبة القديمة، ووعود الحكومة بمكان أفضل، لكن لقوا نفسهم في الجبل، وبعد ما اتقالهم بينا ع المدينة، التقوا كل شيء ناسيهم
وكالعادة في أغاني محمد منير المعنى مطاطي جدا وتقدر تطبقه على نفسك وتعتبر المدينة دي أحلامك اللي ماحققتهاش أو حبيب ودعك أو شغل استنيت فيه وضع أفضل، وفي النهاية اصطدمت بالحقيقة وهي إن القلق جوة العيون والمدينة وشها له ألف لون وإن إحنا في الآخر وحدنا
كان لازم اللي يلحنها حد عاصر التهجير زي أحمد منيب اللي عمل لحن تحس فيه بالشجن، ورغم إن ريتم الأغنية مش بطيء، لكن تحس بالحزن من الجو العام اللي خدمه توزيع مثالي، وخاصة الموسيقى في الخلفية تحس فيها بالكسرة ومسحة حزن واضحة جدا، وكالعادة تناغم وانسجام الكمانجات مع الجيتار غير طبيعي
(5)
نص الألبوم خلص وإحنا بنغني سياسي، أربع أغاني من تمانية، والأربعة الباقيين لو بصينا عليهم هانلاقيهم برضه مش كلهم غناء عاطفي، وأول أغنية هاتكلم عنها هي أشكي لمين، وهي أصلا مش أغنية محمد منير زي الليلة يا سمرا،
نص الألبوم خلص وإحنا بنغني سياسي، أربع أغاني من تمانية، والأربعة الباقيين لو بصينا عليهم هانلاقيهم برضه مش كلهم غناء عاطفي، وأول أغنية هاتكلم عنها هي أشكي لمين، وهي أصلا مش أغنية محمد منير زي الليلة يا سمرا،
أشكي لمين بتاعة محمد الحلو اللي صورها فيديو كليب من ألحان بليغ حمدي وكلمات ابن النيل وعبد الرحيم منصور، وهانعرف بعدين إن ابن النيل دة الاسم الحركي لبليغ حمدي اللي استخدمه بعد كدة وقت ما كان برة مصر هربان من قضية اتحكم بعدها ببراءته منها، وكتب بليغ حمدي فعلا كلمات كتير بالاسم دة
بليغ كتب جزء من مطلع الأغنية اللي شاركه فيها منصور ولحنها بليغ بنفسه وغناها محمد الحلو، وبعدها بسنتين طلب محمد منير من الحلو إنه يغنيها لأنها عجبته لما سمعها فوافق الحلو وبعد موافقة بليغ حمدي غناها منير بالشكل اللي طلعت بيه في 1981
في 2004 منير نزلها بشكل جديد في فيلم أحلى الأوقات باسم الدنيا ريشة في هوا اللي هي أغنية محمد عبد الوهاب
استخدم فقرة كمطلع للأغنية، وبعدها غنى آخر كوبليه من أشكي لمين دنيا تدور مهما تدور، وفي 2007 غنت أنغام أشكي لمين، لكن من غير آخر كوبليه اللي منير غناه في الدنيا ريشة في هوا
استخدم فقرة كمطلع للأغنية، وبعدها غنى آخر كوبليه من أشكي لمين دنيا تدور مهما تدور، وفي 2007 غنت أنغام أشكي لمين، لكن من غير آخر كوبليه اللي منير غناه في الدنيا ريشة في هوا
أغنية مش عاطفية، بتتكلم مش عن مصاعب الحياة وإننا تهنا سنين مش عارفين بكرة جايب إيه لينا، ولكن عن كيفية مواجهتنا لدة وإن لازم بينا بالفرحة قبل ما الزمان يسرق شبابنا
كالعادة توزيع مثالي وبصمة يحيى خليل واضحة خاصة آخر الأغنية وكيبورد فتحي سلامة عظيم في أول الأغنية وآخرها وأي وقت
كالعادة توزيع مثالي وبصمة يحيى خليل واضحة خاصة آخر الأغنية وكيبورد فتحي سلامة عظيم في أول الأغنية وآخرها وأي وقت
(6)
أغنية تانية مش عاطفية وهي يا زماني، وزي ما كان بليغ حمدي وعبد الرحيم منصور بصوت محمد منير بيرفضوا الشكوى من الدنيا في أشكي لمين، هنا مجدي نجيب بيطلب من الزمان نفسه يضحك، وعزيز الناصر عامل لحن هادي جدا، ولسان حاله إنه مش هايتلهوج في كلامه ولا هايكون عنيف وهو بيترجى الزمن
أغنية تانية مش عاطفية وهي يا زماني، وزي ما كان بليغ حمدي وعبد الرحيم منصور بصوت محمد منير بيرفضوا الشكوى من الدنيا في أشكي لمين، هنا مجدي نجيب بيطلب من الزمان نفسه يضحك، وعزيز الناصر عامل لحن هادي جدا، ولسان حاله إنه مش هايتلهوج في كلامه ولا هايكون عنيف وهو بيترجى الزمن
مجدي نجيب بيطالب الزمان يضحك رغم إن عنده أحزان وماوصلش لمرحة إن اللي كان خايف عليك انتهى من بين إيديك، لأنه ببساطة بيتكلم مع الزمان نفسه اللي فرشله أماني وبيترجاه يضحك أخيرا، يعني لسة ما فقدش الأمل
فحتى لو الليالي خدتك وسابتك وحدك، لسة عندك أمل وبتطالب الزمان يوعدك امتى يريحك
فحتى لو الليالي خدتك وسابتك وحدك، لسة عندك أمل وبتطالب الزمان يوعدك امتى يريحك
الجو العام ما بين يأس شبابيك وأمل أشكي لمين
في الحالتين في معاناة، لكن هاتتعامل معاها إزاي؟ هاتتحمل ومش هاتشكي لحد؟ ولا تنتهي من بين إيدين اللي كنت خايف عليه؟
مرحلة في النص حاسس بالمعاناة وبتصارح صاحب معاناتك وبتطالبه بعد ما خلاك في الغربة نسيت عنوانك، إنه يضحكلك وإياه ينساك
في الحالتين في معاناة، لكن هاتتعامل معاها إزاي؟ هاتتحمل ومش هاتشكي لحد؟ ولا تنتهي من بين إيدين اللي كنت خايف عليه؟
مرحلة في النص حاسس بالمعاناة وبتصارح صاحب معاناتك وبتطالبه بعد ما خلاك في الغربة نسيت عنوانك، إنه يضحكلك وإياه ينساك
موسيقى غربية كلاسيكية، هاتشعرك بالغربة وهاتفكرك بمعاناتك وكأنك شجر ليمون دبلان على أرضه، ولما تستوعب دة وأنت بتسمع الألبوم بالكامل هاتحس إنه متوازن ومتكامل مع بعضه، هايحطك في كل الحالات وهايحسسك بكل المشاعر، ودة ينقلنا للأغنية قبل الأخيرة واللي ممكن تكون عاطفية
(7)
الكون كله بيدور الظاهر إنها عاطفية، لكن بالنسبة لي مش شرط بالمرة، لأن زي ما قال بينا بالفرحة بينا وماكانش بيكلم حبيب، هنا بيتكلم بشكل عام إن الكون كله بيدور ومش شرط هنا يا حبيبي تكون للشخص أو للمحبوب وإنما لشريك الرحلة بشكل عام،
الكون كله بيدور الظاهر إنها عاطفية، لكن بالنسبة لي مش شرط بالمرة، لأن زي ما قال بينا بالفرحة بينا وماكانش بيكلم حبيب، هنا بيتكلم بشكل عام إن الكون كله بيدور ومش شرط هنا يا حبيبي تكون للشخص أو للمحبوب وإنما لشريك الرحلة بشكل عام،
ممكن الكلام يكون لنفسه أصلا إن أحلى بكرة لينا وهاتحلى الذكرى بينا لأن العمر أيام بيعدي زي حكاية، وإحنا كبني آدمين ماشيين وقمر ليالينا مراية مش عارفين هاتكون امتى نهاية رحلتنا، ولكن أخيرا ومع سابع أغنية تظهر أول "حبيبي" في الألبوم، اللي بالمناسبة مش باسرد أغانيه هنا بالترتيب
لحن الأغنية هو درس إزاي تمزج الجاز بالنوبي، لأن الأغنية أصلا أغنية نوبية اسمها أسمر شيردتو كتبها عبد الرحيم منصور للفنان النوبي خليل عبده صابر وغنتها فرقة البلابل السودانية في السبعينات قبل ما تبقى الكون كله بيدور بسنين، ولكن بعيدا عن دة كله، درس في تقديم النوبي على طريقة الجاز
(8)
آخر أغنية هاتكلم عنها في الألبوم واللي سايبها للآخر هي - أخيرا - أغنية عاطفية بوضوح مش بشكل ممكن وممكن زي الكون كله بيدور، وهي أغنية كريشندو، أو "قد وقد"
آخر أغنية هاتكلم عنها في الألبوم واللي سايبها للآخر هي - أخيرا - أغنية عاطفية بوضوح مش بشكل ممكن وممكن زي الكون كله بيدور، وهي أغنية كريشندو، أو "قد وقد"
قد البحر والسموات والأرض والحب والفراشات والورد ومد الأحباب اليد والدقات والنبض والأصوات والرد والشمس والأنهار والمد وشموس الغد والخير والعصافير .. حبيتك قد الحاجات دي كلها مع بعض .. دي كلمات الأغنية
كلمات شوقي حجاب سهلة وبسيطة جدا
الأغنية الوحيدة اللي بخلاف كونه موزع الألبوم كله، لحنها يحيى خليل بنفسه عشان تبقى أول أغنية جاز في تاريخ الغناء العربي، باعتباره صاحب أول فرقة جاز عربية أواخر الخمسينات وهو عنده 14 سنة كايروجاز كوارتيت ومزج الساكس بالدرامز بشكل شرقي
الأغنية الوحيدة اللي بخلاف كونه موزع الألبوم كله، لحنها يحيى خليل بنفسه عشان تبقى أول أغنية جاز في تاريخ الغناء العربي، باعتباره صاحب أول فرقة جاز عربية أواخر الخمسينات وهو عنده 14 سنة كايروجاز كوارتيت ومزج الساكس بالدرامز بشكل شرقي
إيه هو الكريشندو؟ هو التصاعد بشكل عام، في التمثيل الكريشندو هو تصاعد الأداء من الهدوء للانفعال الشديد، وفي الغنا هو طريقة عزف بتتصاعد فيها الموسيقى بسرعة أو بتتصاعد من طبقة واطية لطبقة عالية بشكل متسلسل، ودة اللي حصل في الأغنية دي، مع صولوهات درامز غير عادية وبطبيعة الحال الجيتار
قد وقد هي تقريبا أول أغنية جاز واضحة في تاريخ الغناء العربي، لحنها يحيى خليل ووزعها بحرفنة شديدة عشان يسيب بصمة واضحة على الأغنية دي لحد دلوقتي، ولسة اللي بيتعلم درامز أو جيتار هاتكون الأغنية دي مغرية جدا بالنسبة له
كريشندو أو قد وقد بكل دة معمولة من أربعين سنة
كريشندو أو قد وقد بكل دة معمولة من أربعين سنة
الخلاصة
ألبوم شبابيك هو أعظم ألبوم سمعته في حياتي، وهو معجزة حقيقية إنه يكون معمول في وقتها، والنهاردة بيعدي عليه أربعين سنة كاملة، وكأنه معمول النهاردة عادي جدا عشان ينزل في 2021 مش 1981
كل سنة وأنت طيب يا كينج @Mounirofficial ❤️
ألبوم شبابيك هو أعظم ألبوم سمعته في حياتي، وهو معجزة حقيقية إنه يكون معمول في وقتها، والنهاردة بيعدي عليه أربعين سنة كاملة، وكأنه معمول النهاردة عادي جدا عشان ينزل في 2021 مش 1981
كل سنة وأنت طيب يا كينج @Mounirofficial ❤️
جاري تحميل الاقتراحات...