تحت هذه التغريدة شرح لأنواع التحليل في كرة القدم و مميزات كل نوع و عيوبه و الدراسات و الكورسات المؤهلة لممارسة التحليل بشكل احترافي. الثريد هيكون طويل. افضلك تعمل bookmark للتغريدة لتتمكن من متابعة الثريد بشكل سليم. هذا الثريد رد وافي للسؤال التاريخي … ازاي اكون محلل كرة قدم؟!!
انا عايز ابقي محلل بيانات كرة قدم او محلل اداء اعمل ايه؟ السؤال ده وصلني اكتر من 100 مرة و في السطور دي هكتب شوية نصائح و انا هنا بقول نصائح لان كل واحد بيشق طريقه بنفسه و بطريقته فأنا هحكي تجبربتي الشخصية.
ممكن جداً يكون حد له طريقة معينه في التعليم او عايز يبدأ بطريقة مختلفة فأعتبر اللي جاي ده مجرد نصائح ممكن تعمل بها او متعملش او يكون لك وجهة نظر مختلفة ده عادي جداً.
كمان لازم تفهم اني بشارك معاك تجربة شخصية مش جاي انظر عليك و لا اعمل فيها محنك. وجب التنويه في الحتة دي عشان نبقي متفقين كده من الأول.
مبدأياً كده عشان تتعلم تحليل بيانات خاص بالكورة لازم تفهم كورة الأول و ده بيحصل لما تشوف مباريات كتير و تبدأ تكتب ملاحظاتك و تحاول تقرأ التكتيك الخاص بكل مدرب او فريق وده هيساعدك جداً لما تبدأ تتعلم تحليل بيانات
لان هيكون عندك دراية باللي انت عايزه و علي الأقل فاهم انت عايز تحلل ايه بالضبط و الأرقام في الحالة دي هيكون لها معني و مدول بالنسبة لك.
طيب ايه هي أنواع التحليل؟
أنواع التحليل في ناس بتقسمهم الي قسمين تحليل فني و تحليل رقمي لكن انا بفضل اني اقسمهم الي ٣ اقسام تحليل فني و فيديو و رقمي. طيب يعني ايه فني و فيديو و رقمي؟
أنواع التحليل في ناس بتقسمهم الي قسمين تحليل فني و تحليل رقمي لكن انا بفضل اني اقسمهم الي ٣ اقسام تحليل فني و فيديو و رقمي. طيب يعني ايه فني و فيديو و رقمي؟
التحليل الفني بيكون في شكل تقارير مكتوبة ناتجة عن مشاهدة المباراة سواء في الملعب او علي التليفزيون. التقرير بيحتوي علي نقاط القوة و الضعف و ملاحظات عن التكتيك و افضل اللاعبين و التغيرات و ملاحظات الضربات الثابتة الي اخره.
تحليل الفيديو بيكون في شكل مقاطع من المباراة تبرز طريقة اللعب و التكتكيك و الضربات الثابتة و التحولات و طريقة الضغط علي المنافس و في العادة بيكون في رسومات تبرز كل ما سبق.
التقرير ده بيلخص التحليل الفني و بيكون سهل الفهم بالنسبة للمدربين او اللاعيبة علي حد سواء و يفضل انه يكون قصير و مباشر بقدر الإمكان
ممكن تسمي نوعين التحليل دول مع بعض تحليل أداء – عادي جداً الموضوع ده مدارس و مذاهب لكن المسميات مش قضية خالص و لا بتعمل اختلاف.
التحليل الرقمي و ده بيعتمد علي جمع و تدوين البيانات و كل مباراة بيكون عدد الاحداث اللي بيحصل فيها وبيتم جمعها تدوينها ما بين ٣ الي ٤ الاف حدث و الحدث هنا معناه كل حاجة بتحصل في المباراة.
التقرير بيكون في صورة رسومات إحصائية و اشكال هندسية يقدر المدرب اذا كان عنده خلفية كويسة و عينه مدربة انه يفهم اللي حصل في المباراة في ثواني و في اقل وقت ممكن.
ممكن برضو تلم الثلاث أنواع دول و تقول عليهم تحليل أداء عادي جداً خالص بكل تأكيد و مفيش أي اختلاف
طيب ايه مميزات كل نوع من التحليل؟
التحليل الفني – بيكون نابع من خبرة المحلل و خبرته و الخبرة هنا تقاس بعدد المباريات اللي المحلل شاهدها و قدرته علي التحليل و سرد الاحداث في المباراة بشكل مباشر و دقيق.
التحليل الفني – بيكون نابع من خبرة المحلل و خبرته و الخبرة هنا تقاس بعدد المباريات اللي المحلل شاهدها و قدرته علي التحليل و سرد الاحداث في المباراة بشكل مباشر و دقيق.
في العادي النوع ده من التحليل قادر انه يبرز نقاط ميقدرش يشوفها من خلال التحليل الرقمي او الفيديو
زي مثلاً السمات القيادية للاعب معين و طريقة تعامل اللاعبين مع بعض و تفاعل المدرب مع لاعبية و روح اللاعبين و اذا كان الفريق بيتعامل مع بعضه و بيكلموا بعض في الملعب وطريقة تواصلهم مع بعض ده بالإضافة الي كل ما سبق شرحه فى نقطة أنواع التحليل.
تحليل الفيديو – يتميز بقدرته علي إيصال نقاط يسهل شرحها و فهمها من خلال رسومات التتبع و الاشكال التوضيحية في الفيديو او الصور اللي بيتم عرضها في التقرير.
نوع التحليل ده له كورسات بتعلمك ازاي تعمل تحليل الفيديو اللي هو زي ما اتفقنا لازم يكون عندك خلفية كويسة في الكورة و فاهم اساسات التحليل و التكتيك و مراحل اللعب المختلفة.
التحليل الرقمي - يتميز بالدقة و قدرته علي سرد تحليلات سواء لمباريات او مواسم او لاعبين بعينهم او نقاط خاصة زي مثلاً الخرائط الحرارية او ارقام جودة الفرص المتاحة لكل فريق xG.
التحليل الرقمي بيحتاج مجهود كبير و في الأندية الكبيرة بيكون في اقسام خاصة مهمتها و شغلها كله مرتبط بالتحليل الرقمي. التحليل الرقمي يقدر يلخص و يعطي نتائج علي نطاق واسع جداً.
يعني مثلاً ممكن اعرف جودة الفرص اللي اتيحت لفريق معين خلال موسم كامل او موسمين او ثلاثة مادامت البيانات متاحة و نقدر نعرف قيمة كل لاعب في الفريق و مقارنته باللاعبين الاخرين في نفس الدوري او دوريات اخري علي مدار مواسم و مباريات او حتي أشواط.
في بعض الشهادات هنا عشان تشوف شكلها و عشان تقدر تحدد انت عايز ايه بالظبط مش عشان المنظرة و لا تنظير عليك. نكمل الثريد في وقت اخر .. و هنتكلم عن ازاي تكون محلل كورة فاهم.
انا افضل انك تبحث و تختار الكورسات بنفسك لكن انا هقولك علي بعض الكورسات اللي تقدر تدرسها سواء للتحليل الفني او الفيديو او الرقمي.
التحليل الفني – في كورسات تقدر تدرسها في مصر او اونلاين او خارج مصر
１- كورس التحليل من كوراستاتس – الكورس في مصر و مش غالي و قبل كورونا كان بيقدم في اكاديمية كوراستاتس في مدينة نصر لكن الان تقدر تحضر الكورس اونلاين عشان ظروف كورونا.
１- كورس التحليل من كوراستاتس – الكورس في مصر و مش غالي و قبل كورونا كان بيقدم في اكاديمية كوراستاتس في مدينة نصر لكن الان تقدر تحضر الكورس اونلاين عشان ظروف كورونا.
الكورس مقدم بالتعاون مع الاتحاد الأسترالي لكرة القدم و في نظري هو اشمل الكورسات المتاحة سواء داخل او خارج مصر. الشرح في الكورس بيكون كويس و تقدر تسأل المحاضر زي ما انت عايز و هتدرس حاجات لها علاقة بأدراة النادي و أنواع التحليل و كل نوع و مميزاته و عيوبه
و في مقدمة كويسة اوي و تمارين لعمل التحليلات لمباريات و كمان في بعض النصائح عن دور المحلل و طريقة تعامله مع المدربين. الكورس باللغة العربية.
２- كورس التحليل من برشلونة هب Barca hub – الكورس ممتاز جداً لكنه نظري فقط و بيكون في مقدمات كويسة عن أنواع التحليل و بيكون في هوم ورك لازم تعمله عشان تاخد درجات معينه تقدر بها تدخل الامتحان. العيب الوحيد في الكورس انك متقدرش تتفاعل المحاضر و هتقرأ كتير اوي
في بعض الفيديوهات لكنها قصيرة و مش مفيدة اوي و بتكون في العادة مقدمة للشابتر. وجهة نظري يعني في الأخير اسم برشلونة قوي و مسمع تمام بس الاستفادة بتكون محدودة شوية لانك مش قادر تتفاعل مع المحاضر و مش بيكون في حوار كويس. هم طبعاُ تقدر بتعتلهم ايميل و بيردوا عليك.
３- كورسات رابطية الكشافين البريطانية للمحترفين – الكورسات ممتازة و فيها معلومات قيمة جداً و هي اونلاين لأول مستويين و المستوي الثالث بيكون في شكل محاضرات لازم تحضرها في الكلاس روم. الحلو في الكورسات دي انها متشعبة
تقدر تدرس تخصصات مختلفة زي مثلاً التحليل الفني وكالة اللاعبين و اكتشاف المواهب و مقدمات التحليل الرقمي. هتلاقي شكل الشهادة فى الصور
تحليل الفيديو – في كورسات كتير لكنها مرتبطة بالبرامج اللي بتستخدم في المجال ده
１- كورسات DartFish الكورسات دي تقدر تدرسها في اكاديمية كورا ستاتس في مصر الكورس كمان بيعلمك تعمل ما يسمي بال tagging يعني انتاج بيانات الاحداث في المباريات بناء علي موديل معين (بتتعلم تعمل الموديل ده في الكورس برضو) الكورس بالعربي و بيكون اونلاين و تقدر تتفاعل مع المحاضر.
２- كورسات كليب درو – بتعمل نفس الكورسات لكن باستخدام برنامج مختلف الكورسات هنا بالانجليزي و مش مترجمة
３- كورسات اناليستا – نفس موضوع كليب درو و بالانجليزي برضو
ممكن تقضي ١٥ دقيقة سيرش علي جوجل هتلاقي في كورسات كتير جداً
３- كورسات اناليستا – نفس موضوع كليب درو و بالانجليزي برضو
ممكن تقضي ١٥ دقيقة سيرش علي جوجل هتلاقي في كورسات كتير جداً
طيب انت كده عرفت أنواع التحليل و مميزات أنواع التحليل فى الجزء الاول والكورسات اللي تقدر تدرسها عشان تفهم كورة. نقدر كده بالمقدمة دي نتكلم عن التحليل الرقمي و هو في نظري الأصعب و ايه اللي انت محتاج تدرسه و تكون كويس في عشان تكون محلل رقمي في كرة القدم.
نكمل الثريد بكرة ان شاء الله
شرحنا فى التغريدات السابقة أنواع التحليل و مميزات كل نوع منهم والكورسات اللي تقدر تدرسها عشان تفهم كورة!! نقدر كده بالمقدمة دي نتكلم عن التحليل الرقمي و هو في نظري الأصعب و ايه اللي انت محتاج تدرسه و تكون كويس في عشان تكون محلل رقمي في كرة القدم. #تكنولوجيا_الملاعب
مبدأياً لازم تفهم التخصصات لان الموضوع ده في حاجات كتير و شرحها ممكن ياخد كتب. لازم كمان تعرف ان مش كل نادي بيكون عنده الفريق ده و ان الأندية الصغيرة بيكون الفريق ده مكون من فرد او فردين.
ممكن فرد واحد يشتغل كذا تخصص في بعض و ده بيعتمد علي حجم النادي و استعداده علي الصرف و تحديد ميزانيات للتخصصات دي 👇👇
بعض الأندية مبيكونش موجود عندها القسم ده من الأساس و بيعتمدوا علي التقارير الجاهزة اللي بتيجي من الشركات سالفة الذكر في بداية الثريد.
１- الكشاف الفني هو راجل عنده خلفية فى كرة القدم كمحلل (محلل الاداء هو شخص شغلته تحليل اداء الفريق او الخصم باستخدام مجموعة أدوات و خبراته والأدوات دي بتكون مجموعة ملاحظات و تحليل الفيديو و لازم يكون بيكتب تقارير كويس).
２- الكشاف التقني مش لازم يكتب لغة برمجة شغلته مراجعة البيانات الواردة من شركات جمع و تدوين البيانات زي اوبتا و فى مصر زي كوراستاتس مثلاً. البيانات دي بتكون Event Data زي مثلاً عدد التسديدات و التمريرات و الافتكاك و هكذا. و بعدين يقارنها بتقارير محلل الاداء
３- محلل البيانات شغلته تلقي البيانات من شركات جمع و تحليل البيانات و عمل تقارير خاصة للمدير الفني حسب طلبه لان مش كل التقارير اللي بتيجي جاهزة تلبي طلبات الجهاز الفني. من ضمن مواصفات الرجل ده انه لازم يكون بيكتب كود وقادر انه يربط بين التقارير و تقارير الفيديو
４- عالم البيانات وده بئا الامهر بينهم و لازم يكون بيكتب كود (لغة برمجة) و جهبذ في الرياضيات وعلم الإحصاء و فاهم كورة الى حد ما. الرجل ده يقدر يعمل حاجات كتير لكن فى الأندية الكبيرة شغلته بتتقسم الى كام شغلانة.
لازم كمان يكون جامد فى لغة python و على قدر كبير من المهارة فى استخدام R يعني كده تقدر تقول ان الراجل ده هو الأساس في كل حاجة. الشغل بيبدأ من عنده و هو اللي بيبدأ الأبحاث و يحدد اساسات الإحصاءات اللي انت بتشوفها زي xT, xG ... الي اخره.
لو ده مش كفاية حاول تبحث عن حلقة لؤي فوزي "اريد ان افتح المساحات" علي يوتيوب هتلاقي فيها شرح وافي للشغلانة و تطبيقها.
５- مصمم البيانات في العادة بيكون مهندس حاسبات. مهمته تصميم الأنظمة والبنية التحتية اللي يستخدمها قسم البيانات. يقدر يحافظ علي كفاءة عمل قواعد البيانات و من مهامه ربط قواعد البيانات بشركات جمع و تدوين البيانات زي كورا ستاست و انستاست و اوبتا و ستاتس بومب و باقي الشركات.
و كمان يحافظ علي جدول ضخ البيانات من الشركات الي قاعدة البيانات الخاصة بالنادي و انظمة الكشافة.
６- ال Modeller مش لاقي لها ترجمة. شغلته هي ترجمة كل حاجة الي معادلات رياضية تقدر تعطي معلومات. يعني تقدر تقول عليه مساعد لعالم البيانات و بيساعده فى وضع موديل التقييم الخاص بالنادي. هتفهم الكلام ده بعدين متستعجلش.
７- مترجم البيانات شغلته شرح الإحصاءات الرقمية و المرئية للمدربين و مساعدتهم على فهم عمل باقى الناس اللي شرحتها فوق. الراجل ده تلاقيه فى الاندية الكبيرة فقط. شغلته هي قراءة التقارير و شرحها للجهاز الفني.
الاجهزة الفنية مش بتفهم التحليل الرقمي بسهولة و بيكون عندهم اسئلة كتير و الراجل ده هو همزة الوصل بين قسم التحليل و الجهاز الفني و في احيان كتير بيكون شغله تحت ادارة الجهاز الفني مش قسم البيانات.
نكمل بكرة ان شاء الله .. هجمع كل اللينكات للكورسات و الكتب فى تويت لاحق ان شاء الله. دمت فى سلام.
قبل ما تقرأ عن كورسات التحليل الرقمي اسمع الكلمتين دول مني الأول ... الأفضل بالنسبة لاي مبتدأ هو تحديد التخصص و درساته دون التطرق الي تخصصات اخري (كل التخصصات تقريباً موجودة في الثريد 👆👆).
يعني اللي اقصده انك تكون جامد شوية في تخصص واحد و بعدين هتلاقي نفسك بتتعلم التخصصات الأخرى مع الوقت. هتلاقي في الصور الشهادات اللي بتحصل عليها بعد دراسة بعض الكورسات الخاصة بالتحليل الرقمي.
التحليل الرقمي له مستويات في دراسته يعني لازم تفهم رياضيات و اساسيات الإحصاء و برمجة وكورة عشان تجمع الكلام ده في خدمة تحليلاتك.
المهارات المطلوبة بالنسبة للتحليل الرقمي
１- مهارات الرياضيات و (الفيزياء مش لازم تبقي جهبز فيها) لكن هتنفعك
２- مهارات الإحصاء
３- مهارات البرمجة (python, R, Database Management)
４- مهارات عرض التقارير
５- مهارات البحث و التطوير
１- مهارات الرياضيات و (الفيزياء مش لازم تبقي جهبز فيها) لكن هتنفعك
２- مهارات الإحصاء
３- مهارات البرمجة (python, R, Database Management)
４- مهارات عرض التقارير
５- مهارات البحث و التطوير
الكورسات اللي ممكن تدرسها
１- كورسات التحليل كما سبق شرحها
２- كورسات قواعد الإحصاء و التحليل (Data Analysis Essentials) و دي كورسات اساساية و لاغني عنها لانها أساس كل تحليل هتعمله بعدين
１- كورسات التحليل كما سبق شرحها
２- كورسات قواعد الإحصاء و التحليل (Data Analysis Essentials) و دي كورسات اساساية و لاغني عنها لانها أساس كل تحليل هتعمله بعدين
３- كورسات البرمجة و دي منتشرة في كل حتة و تقدر تدرسها اونلاين او علي يوتيوب
بتحتاج تدرس Python بشكل أساسي او R ودي لغة أساسية برضو بس ممكن تختار بين الاتنين
بتحتاج تدرس Python بشكل أساسي او R ودي لغة أساسية برضو بس ممكن تختار بين الاتنين
４- كورسات عرض البيانات و دي هتستخدمها في عرض نتائج التحليل بتدرس مبادئها مع لغة البرمجة لكن لها كورسات مخصوصة و اهما Tablue كبرنامج مخصوص للعروض المرئية لكن في كمان كورسات خاصة ل package اسمه Matplotlib ودي ادوات بتستخدم مع python
５- كورسات البحث و التطوير مش هتحتاج تدرسها غير لو تخصصت و بقيت جهبز في كل ما سبق
６- كورسات علم البيانات و دي كورسات متقدمة و مش هتحتاجها برضو لو انت مبتدأ. لكن هتحتاج تدرس رياضيات و تكون جامد فيها
６- كورسات علم البيانات و دي كورسات متقدمة و مش هتحتاجها برضو لو انت مبتدأ. لكن هتحتاج تدرس رياضيات و تكون جامد فيها
７- كورسات مبادئ التحليل الخاص بكرة القدم و دي بتقدمها شركات التحليل الكبيرة زي اوبتا و ستاتس بومب هتلاقي شكل الشهادة في الصور
هنفترض انك اخدت الكورسات دي كلها و بقت عندك كل المهارات دي. هل كده انت بقيت محلل جامد؟ لا خالص بالتأكيد و قطعاً باتاً. لازم تمارس التحليل و تكتب كود بشكل مستمر و لو سهيت عن نفسك شوية هتلاقي نفسك نسيت حاجات كتير.
الممارسة سهلة لو انت عندك المهارات و ممكن تعملها بنفسك. هات أي بيانات من علي kaggle و العب بيها زي ما انت عايز. انا شخصياً لو فاضي ساعة بكتب شوية كود و بعمل حاجات زي اللي انت شايفها في الصور كده. اهم حاجة ان ايدك تفضل شغالة في الموضوع.
شغل التحليل مش محتاج انك تكون في النادي او انك تكون موظف في المؤسسة و بتروح الشغل كل يوم زي أي موظف اخر. انت كل اللي بتحتاجه هو البيانات و اكسس علي قاعدة البيانات بتاعة النادي او المؤسسة اللي هتشتغل فيها
تقدر تعمل شغلك من أي حتة في الدنيا فمش بعيد خالص انك تلاقي شغل في شركات او اندية في أوروبا و انت اعد في مصر.
اخر حاجة ... حصولك علي الشهادات لا يعني انك تبقي جامد في كل حاجة. الشهادة عبارة عن ورقة بتثبت انك عملت الكورس و تحصلت علي العلوم الموجودة في الكورسات لكن ممارستك هي اللي تخليك جامد في التخصص اللي انت درسته.
انا مثلاً ممكن اكون اكثر مهارة فى بعض الامور اللي لم ادرسها و مش بقول علي نفسي محلل مع اني حاصل علي كل الشهادات دي. لكن انك تدرس تخصصات قريبة من تخصصك بتخليك فاهم الناس اللي انت بتتعامل معاهم عايزين منك ايه و أهمية اللي هم محتاجينه من وجهة نظرهم و بتعمل شغلك بطريقة اكثر احترافية
في كورس اكثر من ممتاز بيعمله حسن بلتاجي و يتفوق في حتة انك بتعمل كل حاجة بأيدك حرفياً @BeltagyHassan حسن محلل منتخب المانيا و مدرب فريق باريس سانجيرمان عن التحليل في كرة القدم. التفاصيل في الصورة هنا 👇👇 فمش هتلاقي حاجة اجدع من كده
متهيألي انا كده جاوبت علي السؤال التاريخي المكرر و اللي بيوصلني باستمرار. ازاي ادخل مجال التحليل و ادرس ايه؟
ممكن تشوف اسم الكورس و جهة الدراسة في الشهادات فوق 👆 علاوة علي كده كل ما الاقي كورس كويس هيكون في الثريد هنا باللينك بتاعه
في كمان مصادر كويسة تقدر تستخدمها زي قناة friends of Tracking علي يوتيوب و اللي بيحاضر فيها استاذة التحليل الرقمي في العالم كله زي ديفيد سمبتر و لاوري شو و ويليام سبيرمان. وهتلاقي محاضرة كنت عملتها معاهم كمان
اعتقد كده اي حد عنده سؤال عن التحليل تم الرد عليه … ممكن تعمل bookmark للثريد او تجمعه علي @rattibha في pdf ظريف كده تقدر تقرأ في اي وقت. شكراً جزيلاً 🙏🙏
جاري تحميل الاقتراحات...