ليه بنقول على حاجة لوصف الحد الأدنى فيها = ( بالميت ) ؟!
وليه بنقول عن وصف فعل مزعج ومؤلم من أحد لنا ب =( طلع ميتين أبونا ) ؟!
تعال أقولكم في السهراية 😄
#يتبع
#عبارات_مصرية

كان العُرف المُتبع زمان عند أغلب الأُسر في مصر أن يتم دفن كبير العيلة في المنزل
فإذا أراد الشخص بيع المنزل لزنقة فهو أمام خيارين؛
إما أن يخرج جثة الميت ودي عملية مُكلفة وصعبة نفسياً ومادياً وفى هذه الحالة يمكن بيع البيت بسعر مُرتفع أو يبيع المنزل"بالميت" وكده هيكون سعره أقل بكتير

حتى بعد اختفاء ظاهرة الدفن في البيوت ظل مصطلح "بالميت" يعبر عن الحد الأدنى لسعر بضاعة معينة
يعني لو واحد مثلاً عارض أي حاجة للبيع بيقولك دى "بالميت" تجيب كذا معبرأ عن الحد الأدنى لسعر هي في الحقيقة تستاهل أكتر منه 😄
#عبارات_مصرية

ولما قرر الخليفة إلغاء عادة دفن الموتى داخل المنازل لمخالفتها تعاليم الدين وقرر "يطلع ميتين" هذه الأُسر ويدفنهم فى مقابر المسلمين ومراعاة منه لكبار الشيوخ قام بتحويل بعض منازلهم لمقابر عشان مايصحش "يطلع ميتينهم" لدفنهم في المقابر العادية بعيدأ عن البيوت
#عبارات_مصرية

وكانت عملية دفن الموتى داخل المنازل عُرف مُتبع وتقاليد صعب تغييرها بالنسبة للعامة فاستنكروا طبعأ تغيير هذا التقليد وقالوا إزاى يعنى يطلعوا ميتينا؟!
وظل المصطلح حتى الآن يُستخدم للتعبير عن السلوك الغير مقبول بمعنى أجبرونا نعمل حاجة مش عايزين نعملها غصب وقهر
#عبارات_مصرية