رتبها

ثريد : الضغط النفسي و القلق و علاقتهم بألم الرقبة.
في ناس كتير بكون عندها ألم رقبة و كتفين بدون اي سبب طبي زي غضروف، وقعة قوية ،ضربة ،عملية سابقة.. إلخ، ففي علاقة قوية بين العامل النفسي و الألم ده، نشوف يلا

رقبتك فيها العضلة الواسعة دي trapezius، و العضلة هي المسؤولة انها ترفع رأسك و تثبتو مكانو و تتلفت و هكذا ، لمن تكون مقلق أو خايف أو مضغوط بحصل انو دماغك - للأسف مرات بسوي حاجات بدون يستشيرك- برسل إشارة انو العضلات تنقبض و تكون في حالة تأهب لأي شي ممكن يحصل..

عضلاتك بتتشد، الدم الداخل ليها بقل، خشمك ببقى ناشف، عضلات الفك بتتشد مرات "بتكرج" بسنونك عديل.. دي كلها اسمها حالة ال Fight or flight.. و بتكون مصاحبة لموضوع القلق و ال anxiety شديد. فتخيل معاي إنك طوالي انتا في حالة عضلاتك منقبضة كدة بسبب التنشن و التفكير و ده حصل و ده حيحصل..

لمن العضلات يحصل ليها كدة بتبقى oxygen starved و بتتكون فيها مادة ال lactic acid كمنتج ما بعد الانقباض ده، و اليافها بتقصر و الدم الداخل بقل بسبب الضغط الهائل الناتج من القبضة القوية دي، بتكون عقد عضلية trigger points عشان تخش في طور حماية، احساس انو لو اتقصرت حركتها حتقل

و ما حتتفاقم الحالة، فدي رسالة عضلاتك انك ترتاح، تبطل الضغط الكتير ده و ترخي جسمك ،لأنها عارفة كيف ممكن تخلص من الانقباض ده
زي ما قال البروف ده هنا.

في دراسة تانية في ألمانيا جابوا ٤٤٨ شخص عندهم إكتئاب، قلق، الم رقبة عشان يشوفوا العلاقة بين الاتنين.. رغم انو كان في limitations and bias probality انو الناس دي بتعاني من ضغط شغل، أو بتشتغل أشغال بتتضمن وضعيات متعبة للرقبة الا إنو لقوا علاقة قوية بين الحالة النفسية و ألم الرقبة

و وصوا إنو ألم الرقبة إذا طول شديد و ما اتعالج فممكن to consider a deep dive into الحالة النفسية للزول.
فاكتر مكان بتأثر بالحاجات هو منطقة الرقبة و الكتفين حتى بسموهو tension triangle.
ده لينك البحث :
pubmed.ncbi.nlm.nih.gov

pubmed.ncbi.nlm.nih.gov/19171034/

شي تاني هو ضغط الشغل، اكمل ال task الفلاني، أفضل قاعد في كرسي بقابل عيانين ٨ ساعات و رافع راسي، بعاين في لابتوب الكاشير اليوم كلو و.. الخ، رأس الزول وزنو يقارب ال ٥ كيلو، فلمن تختو في وضعيات ما ياها و تضطر رقبتك تقيف معاك عشان تنجز موضوعك ده فهي حتفضل كل مرة تنقبض تنقبض تنقبض..

لحدي ما يحصل تغيير في ألياف العضلات زاتا و تبقى قصيرة.
عمنا Steven Wolf a physiotherapist and neurophysiologist قال كدة :

إذا جبتا وزن ٥ كيلو ساي و ختيتو في يدك و حاولتا تمد يدك و تخليها كدة ممدودة مسافة حتتعب يدك، ما بالك برقبتك؟؟.. هي بس عشان مصممة إنها تمسك الوزن ده ما معناها تضغط عليها شديد.

مثال للتغيير التدريجي ده adaptive change هي ال Boxer Neck، هي ممكن يكون فيها bias لاختيارها كمثال عشان بتمرنوا عليها كتير ،لكن الفكرة إنو هم برفعوا كتوفهم عشان يحموا رأسهم بين الأكتاف و اليدين قدام الوش، في التمرين، في التسخين ،في المباراة، قدام المراية.. إلخ.
Here is the legend

فلو رقبتك بتألمك و بتحس بتنميل يدين و رعشة كهربائية ده موضوع تاني، قابل دكتور.
إذا رقبتك بتألمك بعد قعاد اللابتوب حركها كل شوية و اقعد صاح.
إذا ماري بفترة سيئة حاول اطلع منها - ما عندي نصايح given..لكن إنتا ادري بنفسك و ممكن تسوي شنو عشان تخفف عليها و تكون متزن.

يا ريت ما تربط الم رقبتك - إذا في يعني - باكتئاب و تشخص روحك براك مع موجة الاكتئاب الحايمة بدون تشخيص و مقابلات دي، لأنو الاكتئاب كلمة كبيرة و ما هظار.. فإذا ما عندك حتعيش روحك في وهم من صنعك و تبدأ تصدقو.

إذا الألم شديد شوف بتاع علاج طبيعي حيرخي ليك العضلات و يخفف الألم و يوريك تمارين تحافظ بيها على رقبتك كويس، حيستعمل معاك طرق كتيرة من إبر جافة، حجامة،أجهزة ، علاج يدوي.. حسب الحالة أنسب شي ليها شنو.
و إذا حابي مرحب بيك في عيادتنا.