١- رسالة تراثية من ذاكرتي على لسان مغترب :
السلام عليكم. اخبركم اني بخير وعطا من ربي عساكم جميع بعافية ورخا
مقصدي من الخط هو اني انشد عنكم واخبركم عني وعن قولكم ان البنت سلمى خاطبها ولد عمها
وحبيت اقولكم توكلوا على الله الولد ولدنا والبنت بنتهم والحمدلله مادامه حريص على طاعة ربه.
السلام عليكم. اخبركم اني بخير وعطا من ربي عساكم جميع بعافية ورخا
مقصدي من الخط هو اني انشد عنكم واخبركم عني وعن قولكم ان البنت سلمى خاطبها ولد عمها
وحبيت اقولكم توكلوا على الله الولد ولدنا والبنت بنتهم والحمدلله مادامه حريص على طاعة ربه.
٢- هذا المقصد فعلموهم بالموافقة والله الله لايشق على نفسه لافي مهر ولافي مقاظي حي الله مايسرالله ولاعندنا شروط غير تقوى الله والحرص على طاعته اشتروا لها هدوم وعباة وغطوة وديرم ومكحله وكحل وخلاخيل ومعضد وسمور ومصخنة للماء ومثعوبة وموقعة وسحلة ومعدنة وقدر جريش وصحن وبريق ودله ومظرب
٣- ووساده ولحاف وصاع حنطه وصاع جريش وقربه وصميل ووزنة ودكه ونعطيه عنز يتمنحونها إلين الله يوسع في رزقه وعلميها كل شي الطبخ وحسن خدمة الرجل ومناظر خاطره ووالديه ترى رضاه واجب عليها وحطوا عند الوالدين واخوي وعمي خبر عن كل شي تسنعونه لازم يدرون عن كل شي ورايهم قادم علينا انتم خابرين
٤- انهم فيهم البركة والراي لهم
ايه وانتم ابخص مني في ذا الأمور ولونقص عليكم شي إياي وإياكم تقولون له عطنا ماكفى
عيب حنا نعين ونعاون دربها درب اخواتها انتم خابرين ماعمرنا طلبنا من المعرس قرش واحد
الي يمده فيه بركه شوين والاكثير
الرجال يشرى ماتهم الفلوس
الله يقنعنا منها بالمكتوب
ايه وانتم ابخص مني في ذا الأمور ولونقص عليكم شي إياي وإياكم تقولون له عطنا ماكفى
عيب حنا نعين ونعاون دربها درب اخواتها انتم خابرين ماعمرنا طلبنا من المعرس قرش واحد
الي يمده فيه بركه شوين والاكثير
الرجال يشرى ماتهم الفلوس
الله يقنعنا منها بالمكتوب
٥ -وخلوكم زاهبين من يوم آصلكم يعرسون ان شاءالله ونبيه عرس محفوف هو واهله واخواله وحنا والقريبين بس مافي المزاود والطهبله خير ابركه اهونه وانا ادور خويا يمكم أول من يسند لكم انا معه ان شاءالله وشريت بعض المقيظيات اللازمة وعسى الله يسهل ويوصلني لكم سالم والعرس نبي نحطه في حوش جارنا
٦-أبو حمدان الله يسلمه أوسع حطوا عنده خبر وانتم اطبخوا العشاء في حوشنا ثلاث ذبايح ان كان عندكم خرفان جزله والا اشتروا ترى الجزاله زينه ونقلطه عقب صلاة العصر وان تهيا قبله فنجال قهوة وعقبه بيالة حلو فزين والا الكل يبي يعذر
بس يكثر السمن على الجريش والقرصان علشان يكفي القلطة الأوله
بس يكثر السمن على الجريش والقرصان علشان يكفي القلطة الأوله
٧- والثانية والي عقبهم قلطة الباقين واهل الدار والصغار
والله ينثر فيه البركة
واجمعوا المواعين الي تحتاجونها من الجيران حسب العادة
وكلن يحط وسم على مواعينه لا تختلط
وانا ان شاءالله اذاخلص العرس وسلمت على الجميع واهل الديره
ابمشي ان شاءالله اسلم على بنيخينا في القراي كلهم حق وواجب
والله ينثر فيه البركة
واجمعوا المواعين الي تحتاجونها من الجيران حسب العادة
وكلن يحط وسم على مواعينه لا تختلط
وانا ان شاءالله اذاخلص العرس وسلمت على الجميع واهل الديره
ابمشي ان شاءالله اسلم على بنيخينا في القراي كلهم حق وواجب
٨- اسلم عليهم ومعي لهم صوغة حسبة لهم وانا ماشي
هذا مالزم خطه سلامي للوالدين وعمي واخوي
وبشروهم اني نويت الجيه خلوهم يفرحون واحرصي وحرصي سلمى على الدعاء ان الله يوفقهم ويجمع بينهم بخير ويكفيهم كل شر وان الله يرزق الباقين الأزواج الصالحين
وانا في السفر منيب ذخر ابي ادعو ربي للجميع
هذا مالزم خطه سلامي للوالدين وعمي واخوي
وبشروهم اني نويت الجيه خلوهم يفرحون واحرصي وحرصي سلمى على الدعاء ان الله يوفقهم ويجمع بينهم بخير ويكفيهم كل شر وان الله يرزق الباقين الأزواج الصالحين
وانا في السفر منيب ذخر ابي ادعو ربي للجميع
٩- والسلام عليكم كلكم الكبير والصغير وحافظكم ربي من كل شر ونشوفكم على خير إن شاءالله .
للإحاطة : هذه من رسائلي التراثية التي سبق وأن نشرت بعضها بالواس اب
و أخذها - البعض هداهم الله- وحذف اسمي ونشرها وعدل عليها وهي كلها من إعدادي
متصورا حال الأجداد رحمهم الله .
شكرا لكم مع تحيتي.
للإحاطة : هذه من رسائلي التراثية التي سبق وأن نشرت بعضها بالواس اب
و أخذها - البعض هداهم الله- وحذف اسمي ونشرها وعدل عليها وهي كلها من إعدادي
متصورا حال الأجداد رحمهم الله .
شكرا لكم مع تحيتي.
جاري تحميل الاقتراحات...