اخي الناخب :
لإختيار صحيح وتصويت أمثل يرجى اتباع الارشادات التالية في عملية التصويت .
* لتنطي صوتك لوحدة منقبة ولابسة چفوف او لابسة جبة ماروني مقلمة برصاصي وربطة بيجية إطلاقا" .
* دير بالك ثم دير بالك تنتخب سيد او شيخ معمم .
* دير بالك تنتخب شيخ عشيرة صار شيخ وره ٢٠٠٣ ( يتبع )

* لتنطي صوتك لمرشح عليه او على أولاده وبناته حچاية مو حلوة او سمعة مو طيبة .
* لاتنطي صوتك لإعلامي يرشح للإنتخابات ، وإذا تسأل ليش گدامك النواب الاعلاميين شوف بعينك واحكم بنفسك .. ولتگلي مو كل اصابعك سوه ..
* لاتنطي صوتك لمرشح هــــواه ( ايراني ، خليجي ) ..

* لتنطي صوتك لرجل دين مهما يكون دينه لان رجل الدين مكانه الجامع والحسينية والكنيسة والمعبد فقط ، ودخوله بمعترك السياسة معناهه يريد يلغف ويبوگ .
* لتصير حيوان وتنطي صوتك بناء" على فتوى دينية او توصية من رجل دين أو من أحد معتمديه وأتباعه ...

* لتنطي صوتك لواحد عنده جنسية اجنبية او جان خارج العراق او عائلته خارج العراق ..
* لتنطي صوتك لمرشح تعرفه جان حافي وجانت گرصة الخبز حسرة عليه وهسه گام يلعب بالفلوس لعب .
* لتنطي صوتك لسياسي باعك وباع محافظتك وعافك وانهزم لعمان واسطنبول وأربيل وخلاك ساكن بمخيمات اللجوء والنزوح

* إذا جابولك صوبة ، او انطوك ١٠٠$ وإخذوا بطاقتك او حلفوك بالعباس إنك تصوتلهم وتقبل بهالشي مراح أگلك غير إنه كل نفس بريئة تموت بمستشفى بسبب نقص علاج وكل طفل و مرية فقيرة تشوفها ،وكل مصيبة شفناهه إنت چنت أحد أسبابها وشيصير بيك وباولادك يطبكم ألف مرض وأنعلبوكم لابو اليگعد وياكم بعد