#ثريد بأحكي لكم كيف بداية دخولي لعالم التصميم طبعًا تخصصي علوم الحاسب و لما تخرجت كنت متوقعة القى وظيفة على طول مااحكي لكم كيف كنت اضحك على نفسي اني بأتوظف وانها ممكن تتاخر الوظيفة سنة بالكثير للعلم انا اعتبر نفسي عصامية 😂 مدري اذا نفس اللي في بالي 😥
اقصد انا ما احب اطلب من احد فلوس 💸 حتى لو كنت محتاجتها صح ابوي مايقصر بس مااتذكر اني طلبته ابدا دائما اي شي ابغاه اخطط له لحالي كيف اجيبه فأول ماتخرجت ماعندي دخل وانا اسوي السيرة الذاتية حقتي ببرنامج الوورد طبعا 😂 ، فكرت اني ليش مااسوي للبنات واصير اصمم لهم
بما اننا كلنا متخرجين وعندي صديقات كثير اكيد بيجيني طلب واتذكر حطيتها بـ٣٠ عشان بداياتي وكذا 😂، هذا الكلام كان ٢٠١٨ وفعلا جاء تفاعل كبير بس الربح كان بسيط يمكن ٢٠٠ بالكثير و مااخفيكم الى الان تجيني طلبات تصميم سيرة ذاتية 🥺، بعدها دخلت مجال التدريب ..
دربت اساسيات الحاسب ومااخفيكم ان التدريس لعبتي من وانا طفلة ، بعدها درست في مدرسة لمدة سنة طلعت من المدرسة ٢٠١٩ حسيت اني ماني قاعدة اطور نفسي ابدا 😥، حسيت بإحباط ودخلت بدوامه لها اول مالها اخر افكر ايش شغفي وايش احب ، بديت افكر كثير بشكل مقلق عن مستقبلي 😭💔
مين انا ؟ ايش احب ؟ طفولتي ايش اكثر شي كنت اقضي وقتي فيه ؟ كنت كل شوي اسال امي😂😭، دخلت دورات في مجال تخصصي ، امن سيبراني ، دورة بايثون ، ودخلت غير تخصصي تصوير 🤳 واندمجت فيه ، دخلت الفوتوشوب عام ٢٠٢٠ بداية كورونا اتذكر كان توه بداية الحجر كنت مستمتعة فيه ..
كانت فترة الحجر افضل فترة اتعرف فيها على نفسي وايش احب ، بعدها جاني عرض عمل دورات تدريبية ادرب الفوتوشوب اسبوع والاليستريتور اسبوع ، قلت بس انا احب التدريس من وانا طفلة ودائما العب دور المعلمة و حبيت مجال التصميم وطقيت الصدر على قولة اخوانا الكوايته 😂.
الحين ياسلطانه تورطتي انتي تعرفين الفوتوشوب بس الاليستريتور!!😥🥲، وربي وقتها سخر لي دورة اليستريتور و عليها خصم قوي ياربي ياحبيبي😭، سجلت على طول فيها ، وكان وقت دورتي اللي اقدمها واللي سجلت فيها نفس الوقت بس كانت الدروس مسجلة اقدر ارجع لها فكنت اقدم دورتي
واروح على طول احضر دورة الاليستريتور ، بس صار شي ماكان في الحسبان 😓، الدورة المسجلة كان لها وقت وماعاد تفتح لي وانا ما كان عندي خبر ، وتقفلت علي وانا ماخلصت كل الدروس 😥، كلمتهم وحاولت بس مافيه حل 💔🥲 ، رحت لحبيبنا اليوتيوب المنقذ 😎.
بما ان عندي اساسيات كملتها وكان تحدي لنفسي بالنسبة لي والحمدلله تيسرت ، وجاني عرض عمل مع مدربة انقلش وانا كنت اتابع سناباتها واحب شغلها وشخصيتها اشتغلت معاها وصممت لها حساب معهدها والشهادات والحقائب التدريبية ومازلت اعمل معاها وكسبتها لانها من اجمل الاشخاص
اللي عرفتهم ملهمة وتعطي الشخص حماس ، بعدها دخلت دورة للانفوجرافيك و قرات عن التسويق و كتابة المحتوى وادارة الحساب و مازلت اعلم نفسي ، واخيرا الحين دخلت دورة الموشن جرافيك وعندي دورات عن التصميم اقدمها ..
اتعامل حاليًا مع ثلاث معاهد اون لاين ، معهد في الرياض ومعهد في جدة ومعهد في تبوك ، غير التصميم الحُر وانا فخورة بنفسي جدا و عندي رؤية مستقبلية بإذن الله وعونه راح احققها ..
اخيرا اللي حابة اقوله للبنات والشباب المتخرجين ، الحياة مو دائما وردية ، الناس مو دائما حاضرين معاك انت بس اللي قادر تحقق احلامك ، مااقولك كون سلبي بالعكس خليك ايجابي بس لاتنسى تكون واقعي ابني نفسك بنفسك انتشل نفسك من الفراغ والظلام اشغل نفسك قبل تشغلك ..
جاري تحميل الاقتراحات...