طيب حككي القصة حقت متحرش الأطفال الطلع براءة مقابل قروش لكن حتجنب ذكر الأسماء عشان حنعمل إستئناف و لو طلع براءة تاني وقتها ما حيكون عندي خيار غير "التشهير" بالمجرم ياه لسة عندي شوية أمل بالقانون ..
القصة بدت قبل عيد الأضحى بكم يوم أخوي كان بلعب قدام العمارة مع شفع الحلة ..
القصة بدت قبل عيد الأضحى بكم يوم أخوي كان بلعب قدام العمارة مع شفع الحلة ..
بعدها سيد العمارة و هو راجل ستيني للأسف محترم و موقر و ماف زول كان متوقع منو حاجة زي دي.. نادى أخوي العمروا ١٠ سنين و عرض عليه قروش رفض فرسلوا الدكان يشتري ليهو بارد و اخوي رفض يشتري لنفسوا جاب للراجل بس بعدها بقى يقول ليهو أرح نبقى أصحاب و بتاع و أنا داير رأيك في حاجة ي صديقي..
و هو صدق فساقوا تحت سلم العمارة و قال ليهو أنا عايز أفتتح هنا مكتبة للقراءة بعدين كلكم تجو تذاكروا فيها اها برأيك أخت الكراسي وين و الرفوف و بتاع و أخوي بتناقش معاه و يقترح أفكاره بكل براءة قام فجأة دخلوا المخزن و باسو في فمو و الخدود و شال يد اخوي لمس بيهو البنطلون حقو من قدام..
و قال ليهو أوعى تكلم أحد وقتها أخوي خاف و قدر أنو يشرد و يجي البيت و طوالي كلمنا في نفس اللحظة أخواني كانوا ماشين يدقوا الراجل لكن خفنا يدق يموت لأنو عجوز و ديل شباب فقلنا أخير نجيب حقنا بالقانون في نفس اليوم مشينا شرطة الطفل و رفعنا القضية لين وصلت المحكمة و النيابة..
و الزول دا بعد أخوي شرد منو حاول يستدرج أصحاب أخوي و قال ليهم تعالوا احرسوا لي الحديد دا عشان الحرامي و بتاع و لو اليوم داك شركة الطفل ما اعتقلتوا كان شكلوا ناوي يعمل حاجة في الشفع ديل الله يكفينا شروا راجل عجوز زي دا شكلوا قضى عمروا كلو كدا الله يقرفوا
و بصراحة شرطة الطفل ما قصروا معانا أبداً اهتموا بالقضية و كان بمدحوا أخوي و بيشجعوه و شكرونا لأنو الأهالي في القضايا دي قاعدين يعفوا فيها عن المتحرشين و ما بوصولها المحكمة زاتو مخافة الفضيحة أو عشان القروش او مجرد تصغير ليها و دا غلط طبعاً لأنو حتى لو ما لحق يعمل شي لولدك ..
و الله ستر عليه دا ممكن يعمل حاجات في أولاد الناس و لو لحق ي غ ت ص ب ليهو شافع إحتمال كبير بعد يكبر يبقى زول نفسية و منحرف و شاذ جنسياً و متحرش هو كمان عشان كدا في قانون السودان التحرش أقل عقوبة ليها ١٥ سنة ل ٢٥ و الإغتصاب عقابوا الإعدام عديل لأنو ديل حثالة المجتمع بالجد
و في كل المراحل كان بستجوبوا أخوي بطرق مختلفة و في كل المرات الرواية حقتوا متطابقة تماماً في حين انو الجاني كان بيغير في قصتوا و في النهاية حاول يغير عمروا لوول عشان ما يتسجن و لمن يأس حاولوا يرسلوا لينا ناس يقنعونا نعفوا عنو مقابل القروش العايزنها لكن رفضنا طبعاً دي قضية شرف ..
و بطريقة ما الزول دا قدر يتواصل مع أهلنا في البلد و وقف فينا الأجاويد للأسف من ناس مقربين يعني حاجة حزينة م عارفة حجم المبلغ البيخليك تقيف مع متحرش أطفال شنو و برضو طبعاً رفضنا الواسطة لأنو عايزين نبقيه عبرة لغيروا..
و الزول دا اتسجن كان يوم أشتكيناه لمدة ٢٤ ساعة لكن ولدوا جا كفلوا و تم حظروا من السفر طبعاً هو مغترب سعودية و كان جاي للعيد و مسافر لكن بسبب الشكوى قاعد لهسي لكن يمكن يسافر بعد دا ما معروف لكن حتى لو سافر حنستمر في القضية و يتقبض يجي راجع بأي طريقة ما حنستسلم..
فبس انتبهوا لشفعكم و علموهم انو ما يقبلوا هدايا من غرباء و يكلموكم بكل صغيرة و كبيرة هسي لو لا قدر الله اخوي قبل هدايا و قروش الراجل و سمع كلامو و ما كلمنا يمكن كان تعرض لأشياء بشعة و تعلمها فبس الحمدلله أنو القدرة الإلهية حفظتوا و احنا حنشيل حقو عشان بعد يكبر يتذكر الحاجة دي..
جاري تحميل الاقتراحات...