بمناسبة تسريبات اوراق باندورا، ده ثريد سريع عن أهمية التسريبات ديه في المطلق، وفضايح زي باناما اللي قبلها، وازاي اغنياء العالم بيحبوا فلوسهم عشان يتجنبوا ضرائب عليها، او ازاي المنظمات الاجرامية بتستعملها عشان تغسل الأموال. وليه هي شرعية واستعمالاتها الشرعية برضه.
انهاردة في تسريبات اوراق باندورا كان العنوان عن ملك المغرب، انه بيمتلك اصول وعقارات قيمتهم ١٠٠ مليون دولار عبر شركات وهمية.
فيه ١٠٠ ميلياردير متورطين في التسريبات ديه انهم بيخبوا اصولاتهم واموالهم عموماً. ازاي ده كله بيحصل؟
فيه ١٠٠ ميلياردير متورطين في التسريبات ديه انهم بيخبوا اصولاتهم واموالهم عموماً. ازاي ده كله بيحصل؟
اي شركة بتدفع ضرايب عن الربح. الربح بإختصار هو الباقي بعد خصم كل التكاليف من الإيرادات.
كـ مثال بسيط، شركة بتخدم منتج او خدمة معينة؛ مصاريفها ١٠٠ جنيه (بيروحوا مرتبات، ايجار او مواد خام وخدمات محتاجينها). بيدخلها ايرادات ب ١٢٠ جنيه. ف الربح بتاعها ٢٠ جنيه، بتدفع عليهم ضرايب.
كـ مثال بسيط، شركة بتخدم منتج او خدمة معينة؛ مصاريفها ١٠٠ جنيه (بيروحوا مرتبات، ايجار او مواد خام وخدمات محتاجينها). بيدخلها ايرادات ب ١٢٠ جنيه. ف الربح بتاعها ٢٠ جنيه، بتدفع عليهم ضرايب.
كل دولة لها قوانين ضرايب، فيه دول وولايات قوانين الضرايب بتاعتهم بتشجع على ان الناس تعمل شركات فيهم. مثلا ممكن دولة تاخد ٣٠٪ ضرايب من الربح ودولة تانية تاخد ٣٪.
شركة زي آبل مثلا بتتهرب من جزء كبير من ضرايبها ازاي؟
بتعمل شركة تانية في دولة ضرايبها قليلة.
شركة زي آبل مثلا بتتهرب من جزء كبير من ضرايبها ازاي؟
بتعمل شركة تانية في دولة ضرايبها قليلة.
بتبيع للشركة التانية ديه براءات اختراع اللي عملوها وهما بيصنعوا ال iphone مثلا. بالتالي لما يصنعوا ال iphone هما محتاجين يدفعوا فلوس للشركة ديه عشان ياخدوا رخصة منهم انهم يصنعوا ال iphone، الفلوس ديه بتتحط في خانة التكاليف. ف بدل ما الربح كان ٢٠ج هيتدفع عليهم ضرايب في امريكا
بقيت ١٥ جنيه هيدفع عليهم ضرايب امريكا، و ٥ جنيه في بلد مش بتاخد ضرايب تقريبا. فيه ثغرات كتير شركات كبيرة وافراد بيستعملوها بتستعملها عشان يقللوا الضرايب عليهم، وديه منهم.
ومن هنا بييجي مصطلح "الشركة الوهمية" او بالإنجليزي اللي هتقروه كتير انهاردة والاسبوع الجي "Shell company".
ومن هنا بييجي مصطلح "الشركة الوهمية" او بالإنجليزي اللي هتقروه كتير انهاردة والاسبوع الجي "Shell company".
هي بتبقى شركة في بلد من اللي بيتسموا بالملاذات الضريبية، عادة بتبقى بلاد ضرايبها قليلة جدًا وبتكفلك قوانين حماية وخصوصية. الشركات ديه ملهاش عنوان، ملهاش موظفين. ملهاش غير تسجيل. احيانا بيبقى فيه موظفين اداريين ملهمش اي صوت، مش بيعملوا غير انهم بينفذوا طلبات صحاب الشركة الحقيقيين.
صحاب الشركة الحقيقيين بيبقى الوصول ليهم صعب.
ليه؟ عشان ممكن تعمل شركة وهمية، هي تعمل شركة وهمية في بلد تانية، تقوم عاملة شركة وهمية في بلد تالتة تشتري فيلا في البلد اللي اللي انت فيها، وبعدين مثلا تأجرهالك ب ١٪ من تمن الايجار الطبيعي بتاعها، او حتى تشتريها ب ٥٪ من ثمنها.
ليه؟ عشان ممكن تعمل شركة وهمية، هي تعمل شركة وهمية في بلد تانية، تقوم عاملة شركة وهمية في بلد تالتة تشتري فيلا في البلد اللي اللي انت فيها، وبعدين مثلا تأجرهالك ب ١٪ من تمن الايجار الطبيعي بتاعها، او حتى تشتريها ب ٥٪ من ثمنها.
الشركات الوهمية سهل جدًا تتعمل، فيه خدمات اونلاين بتخليك تعملها حتى مقابل مصاريف ادارية بسيطة جدًا. فيه طرق كتير تخليك تحول فلوس ليها بطرق شرعية او غير شرعية وبعدين تستردها بشكل مختلف زي عقارات وغيره. ممكن جدًا حتى تستعملها عشان تخبي بس امتلاكك لحاجات مش عايز حد يعرف انها بتاعتك.
مثلا مشهور ان ناس بتستعملها عشان خاطر تخبي فلوس عن شركائهم، بحيث لو حصل طلاق التسوية متبقاش على كل املاكهم.
فيه شركات بتبقى عايزة تشتري شركات تانية، من غير الشركات اللي هيتم شرائها تعرف ان دول اللي بيشتروها، ف ممكن يستعملوا شركة وهمية برضه وده قانوني.
فيه شركات بتبقى عايزة تشتري شركات تانية، من غير الشركات اللي هيتم شرائها تعرف ان دول اللي بيشتروها، ف ممكن يستعملوا شركة وهمية برضه وده قانوني.
في النهاية، بيبقى فيه ملايين الشركات الوهمية اللي صعب توصل لصحابهم الحقيقيين، والشركات ديه بتمتلك اصولات واموال بمليارات الدولارات مستخبية. فجأة بيحصل تسريب لأوراق شركة من الشركات اللي بتبيع خدمات انها تعملك شركة وهمية، وبعديها بيحصل مجهود تقني واستقصائي رهيب من صحفيين وتقنيين
في محاولات منهم انهم يعملوا ربط البيانات والشركات ببعضها عشان يوصلوا لأصحابها الحقيقيين، وعادة بيطلعوا شركات كبيرة او افراد غنية جدًا.
في نهاية اليوم الناس الوحيدة اللي بتدفع ضرايبها بشكل منتظم هما الأفقر.
بلد زي سويسرا ٦٠٪ من الأموال اللي فيها بتمتلكها شركات وهمية.
في نهاية اليوم الناس الوحيدة اللي بتدفع ضرايبها بشكل منتظم هما الأفقر.
بلد زي سويسرا ٦٠٪ من الأموال اللي فيها بتمتلكها شركات وهمية.
هل السيناريوهات اللي فوق ديه قانونية؟ الحقيقة اه، محدش ارتكب جريمة. تجنب الضرايب بإستعمال الثغرات مش جريمة. طبعا فيها ناس بتستعمل الشركات الوهمية عشان تغسل اموال جاية بطرق غير شرعية وده غير القانوني.
بس لما تلاقي ناس سياسيين كبار كلهم مخبيين فلوسهم عشان يقللوا الضرايب، مثلا:
بس لما تلاقي ناس سياسيين كبار كلهم مخبيين فلوسهم عشان يقللوا الضرايب، مثلا:
الملك عبدالله ملك المغرب المحامي بتاعه طلع قال انهاردة ان الملك مش بيدفع ضرايب كدة كدة، وانه له الحق انه يشتري حاجات عبر شركات وهمية عشان يحمي خصوصيته. بس مفيش نفي لان ملك بلد بتاخد معونات شاري املاك مستخبية ب اكتر من ١٠٠ مليون دولار.
او رئيس وزراء التشيك اللي المفروض امواله كلها ٣.٤ مليون دولار، لقوه شاري حاجات ب ٢٢ مليون دولار عن طريق شركات وهمية. ف التحقيق هيحصل وهيطلع يا مختلس، يا اما ديه فلوس شرعية فعلا بس هو مخبيههم عشان ميدفعش ضرايب، ميدفعش ضرايب للبلد اللي هو رئيس الوزراء بتاعها.
في تسريبات باناما كان فيه كلام كتير عن ممتلكات بوتين رئيس روسيا شاريها عبر شركات وهمية، وتسريبات باندورا وباناما بتطلع الملكة او العائلة المالكة البريطانية عندهم ممتلكات ب مئات الملايين عبر شركات وهمية.
طوني بلير رئيس وزراء فرنسا ومراته وفروا نص مليون دولار مدفعهمش ضرايب
طوني بلير رئيس وزراء فرنسا ومراته وفروا نص مليون دولار مدفعهمش ضرايب
الملك عبدالله ملك الأردن مش المغرب*
وطوني بلير بتاع انجلترا مش فرنسا
عموما انا كتبت بعد ما قريت بفترة عشان كنت بشتغل وكسلت افتح اتاكد من بلاد الناس ف سامحوني 😂
عموما انا كتبت بعد ما قريت بفترة عشان كنت بشتغل وكسلت افتح اتاكد من بلاد الناس ف سامحوني 😂
جاري تحميل الاقتراحات...