1\11
العصر الذهبي للبنان: نمو الصناعة 1000%
بأكتر من ثريد فرجيت بالأرقام والوقائع كيف "لبنان الزمن الجميل" كان كذبة كبيرة لتسويق فكرة النظام الحاكم (يللي هو عبارة عن تشابك مصالح إحتكارية وسياسية وعصاباتية). بس للحقيقة، كان في زمن ذهبي للبنان، بس ما بيخطر على بالنا.
العصر الذهبي للبنان: نمو الصناعة 1000%
بأكتر من ثريد فرجيت بالأرقام والوقائع كيف "لبنان الزمن الجميل" كان كذبة كبيرة لتسويق فكرة النظام الحاكم (يللي هو عبارة عن تشابك مصالح إحتكارية وسياسية وعصاباتية). بس للحقيقة، كان في زمن ذهبي للبنان، بس ما بيخطر على بالنا.
2\11
في 1966 إنهار بنك إنترا ومعه القطاع المصرفي (ثريد مخصوص عن هالموضوع لاحقاً). ومن بعدا صارت حرب 1967 يللي وقفت التدفقات المالية المسروقة من قبل الأنظمة العربية العكروتة بسبب الأزمة السياسية بوقتا. السياحة والمصارف أكلوها بالعتيقة بوقتا كمان.
في 1966 إنهار بنك إنترا ومعه القطاع المصرفي (ثريد مخصوص عن هالموضوع لاحقاً). ومن بعدا صارت حرب 1967 يللي وقفت التدفقات المالية المسروقة من قبل الأنظمة العربية العكروتة بسبب الأزمة السياسية بوقتا. السياحة والمصارف أكلوها بالعتيقة بوقتا كمان.
3\11
الدولة اللبنانية طبعاً ما عملت شي، لا إيام شارل حلو ولا إيام سليمان فرنجية، ومتل العادة تركت الناس تدبّر حالا، وهيك صار. قدروا الصناعيين اللبنانيين (مش على شكالة فادي عبود) من خلال المبادرة الفردية يقيموا بالحمل، وإنتعشت الصناعة اللبنانية خلال فترة قصيرة، وكان نمو مرعب.
الدولة اللبنانية طبعاً ما عملت شي، لا إيام شارل حلو ولا إيام سليمان فرنجية، ومتل العادة تركت الناس تدبّر حالا، وهيك صار. قدروا الصناعيين اللبنانيين (مش على شكالة فادي عبود) من خلال المبادرة الفردية يقيموا بالحمل، وإنتعشت الصناعة اللبنانية خلال فترة قصيرة، وكان نمو مرعب.
4\11
في الواقع، ما بين 1968 و1974، نمت الصناعة اللبنانية بنسبة 1000 بالمية، نعم ألف.
أول سبب حسب الرواية الرسمية: جهود الدولة: كذبة كبيرة. شبه الدولة ما عملت شي.
السبب التاني: حرب 1973 وغلاء النفط من بعد ما دول الخليج منعت النفط عن الدول يللي ساندت العدو الصهيوني.
في الواقع، ما بين 1968 و1974، نمت الصناعة اللبنانية بنسبة 1000 بالمية، نعم ألف.
أول سبب حسب الرواية الرسمية: جهود الدولة: كذبة كبيرة. شبه الدولة ما عملت شي.
السبب التاني: حرب 1973 وغلاء النفط من بعد ما دول الخليج منعت النفط عن الدول يللي ساندت العدو الصهيوني.
5\11
صحيح غلاء النفط ساهم في نمو أسواق الخليج وسمح للصناعيين اللبنانيين يستغلوا الفرصة، بس هالأثر صار بآخر سنة أو سنتين من العهد الذهبي. وكمان، لبنان كان بلش يصدر بشكل كبير لأوروبا وكتير أسواق تانية غير الخليج. فنعم، غلاء النفط وطفرة الخليج ساعدت، ولكنها ما كانت السبب الرئيسي.
صحيح غلاء النفط ساهم في نمو أسواق الخليج وسمح للصناعيين اللبنانيين يستغلوا الفرصة، بس هالأثر صار بآخر سنة أو سنتين من العهد الذهبي. وكمان، لبنان كان بلش يصدر بشكل كبير لأوروبا وكتير أسواق تانية غير الخليج. فنعم، غلاء النفط وطفرة الخليج ساعدت، ولكنها ما كانت السبب الرئيسي.
6\11
السبب الحقيقي، صدقوا أو لا تصدقوا كان إنهيار المصارف. نعم، وهالشي مش خرافة. لما نهارت المصارف، صارت رؤوس الأموال تروح على الصناعة كحل بديل (لأن المستثمر آخر همه مع مين عم يشتغل، المهم يعمل شغل ويربح). وهيك صار. قبل الإنهيار، كانوا قلال يسترجوا يستثمروا بالصناعة.
السبب الحقيقي، صدقوا أو لا تصدقوا كان إنهيار المصارف. نعم، وهالشي مش خرافة. لما نهارت المصارف، صارت رؤوس الأموال تروح على الصناعة كحل بديل (لأن المستثمر آخر همه مع مين عم يشتغل، المهم يعمل شغل ويربح). وهيك صار. قبل الإنهيار، كانوا قلال يسترجوا يستثمروا بالصناعة.
7\11
وبالنتيجة، الصناعة اللبنانية إزدهرت بشكل غير مسبوق والمصارف اللبنانية لعبت لأول مرة دور طبيعي في عجلة الإقتصاد بدل ما تخنق الإقتصاد وتركّز رؤوس الأموال والأرباح بين أياديها. وعلى فكرة، رغم هالنجاح، الدولة اللبنانية ما عملت شي لتدعم الصناعيين وتركتن يدبروا حالن مع الناس.
وبالنتيجة، الصناعة اللبنانية إزدهرت بشكل غير مسبوق والمصارف اللبنانية لعبت لأول مرة دور طبيعي في عجلة الإقتصاد بدل ما تخنق الإقتصاد وتركّز رؤوس الأموال والأرباح بين أياديها. وعلى فكرة، رغم هالنجاح، الدولة اللبنانية ما عملت شي لتدعم الصناعيين وتركتن يدبروا حالن مع الناس.
8\11
بالنتيجة، مشكورين الصناعيين على يللي عملوه بس هالشي ما حل مشاكل البلد. البطالة ضلت عالية فوق الـ 30% خاصة بين الشباب. الزراعة ضلت آكلة هوا متل العادة. والفقر مع إنه نخفض بس ضله عالي عند 22% وتزايدت أحزمة البؤس حول المدن، خصوصي بيروت.
بالنتيجة، مشكورين الصناعيين على يللي عملوه بس هالشي ما حل مشاكل البلد. البطالة ضلت عالية فوق الـ 30% خاصة بين الشباب. الزراعة ضلت آكلة هوا متل العادة. والفقر مع إنه نخفض بس ضله عالي عند 22% وتزايدت أحزمة البؤس حول المدن، خصوصي بيروت.
9\11
وصحيح معدل الدخل الفردي تضاعف خلال هالفترة من $400 لـ $1415 ولكن هالرقم مضلل، لأن الأجور بشكل عام ضلت بين $200 و$400، مما يعني بأنه الوضع تحسن شوي بس الثروة ضلت مركزة عند قلة قليلة (الصناعيين صاروا أغنيا متل التجار والمصرفيين مش أكتر) بس معظم الناس تحسنت حالتا شوي.
وصحيح معدل الدخل الفردي تضاعف خلال هالفترة من $400 لـ $1415 ولكن هالرقم مضلل، لأن الأجور بشكل عام ضلت بين $200 و$400، مما يعني بأنه الوضع تحسن شوي بس الثروة ضلت مركزة عند قلة قليلة (الصناعيين صاروا أغنيا متل التجار والمصرفيين مش أكتر) بس معظم الناس تحسنت حالتا شوي.
10\11
الخلاصة: ما يتفلسفوا السلطة والمصارف إنو يابا الحق على الناس حطت المصاري بالبنوك وما ستثمرت بالصناعة والزراعة. لما المصارف تحتكر رؤوس الأموال، تلقائياً الصناعة والزراعة بيختنقوا، وتلقائياً الناس بتبلش تعيش من الدين وعالدين. بلا أكل هوا، كاشفينكن، والحق عليكن.
الخلاصة: ما يتفلسفوا السلطة والمصارف إنو يابا الحق على الناس حطت المصاري بالبنوك وما ستثمرت بالصناعة والزراعة. لما المصارف تحتكر رؤوس الأموال، تلقائياً الصناعة والزراعة بيختنقوا، وتلقائياً الناس بتبلش تعيش من الدين وعالدين. بلا أكل هوا، كاشفينكن، والحق عليكن.
11\11
فما بقى حدا يكذب علينا بخصوص النموذج اللبناني الناجح. هيدا يمكن تالت أو رابع ثريد عن الموضوع وكل ما بتعمّق أكتر بكتشف قديش حجم الكذبة. بلبنان ما بحياتنا كان عنا دولة. كان عنا هيكل تنظيمي لإدارة المصالح. أما الناس يللي منضل نلومن على كل مصايبن، فكانوا متروكين لله، وبعدن.
فما بقى حدا يكذب علينا بخصوص النموذج اللبناني الناجح. هيدا يمكن تالت أو رابع ثريد عن الموضوع وكل ما بتعمّق أكتر بكتشف قديش حجم الكذبة. بلبنان ما بحياتنا كان عنا دولة. كان عنا هيكل تنظيمي لإدارة المصالح. أما الناس يللي منضل نلومن على كل مصايبن، فكانوا متروكين لله، وبعدن.
@antoinephaddad1
هيدي إلك يا فتى المصارف الأغر 😇😇
هيدي إلك يا فتى المصارف الأغر 😇😇
إضافة أخيرة: ما في إقتصاد من دون قطاع مصرفي. ولكن شتان بين قطاع مصرفي يكون في خدمة الإقتصاد والمجتمع (ويربح ألف صحة على قلبه) وبين قطاع مصرفي يكون مهيمن على الإقتصاد والمجتمع والدولة وحياة الناس. الفرق كتير كبير متل الليل والنهار.
جاري تحميل الاقتراحات...