1\9
ينابيع الموت في قطعة سما
في 2010 كنت مع فريق من أهم خبراء سلامة الغذاء في لبنان، وكان عنا مشروع زغير: نبرم لبنان كله ونفحص سلامة مياه الينابيع والأنهر ومياه عابري السبيل. ضلينا شهر عم نتقبّر مع وزارة الطاقة (المسيو جبران باسيل العظيم) ليعطينا لائحة بالينابيع.
ينابيع الموت في قطعة سما
في 2010 كنت مع فريق من أهم خبراء سلامة الغذاء في لبنان، وكان عنا مشروع زغير: نبرم لبنان كله ونفحص سلامة مياه الينابيع والأنهر ومياه عابري السبيل. ضلينا شهر عم نتقبّر مع وزارة الطاقة (المسيو جبران باسيل العظيم) ليعطينا لائحة بالينابيع.
2\9
المهم، بعد صراع طويل، تحنّن علينا مدير عام الوزارة باللائحة السرّية مع الإصرار على إنه هيدي لائحة سرية ولا يمكن بأي حال من الأحوال إنها تطلع على العلن لأسباب تتعلق بالأمن القومي (مش عم بمزح). اللائحة كانت عبارة عن ورقة مقلعطة بتشبه وراق رياض سلامة، مكتوبة باليد
المهم، بعد صراع طويل، تحنّن علينا مدير عام الوزارة باللائحة السرّية مع الإصرار على إنه هيدي لائحة سرية ولا يمكن بأي حال من الأحوال إنها تطلع على العلن لأسباب تتعلق بالأمن القومي (مش عم بمزح). اللائحة كانت عبارة عن ورقة مقلعطة بتشبه وراق رياض سلامة، مكتوبة باليد
3\9
وفيها أسامي حوالي 10 ينابيع نصن إختفى عن وجه الكرة الأرضية.
قررنا نسعى بالتمويل وبلشنا نقدم على المنظمات الدولية والمحلية والحكومية. كل طلباتنا نرفضت لأن قال شو: ما في فايدة واضحة للمجتمع ممكن تبرر صرف أية مصاري على المشروع. وفي جمعيات قالت إنه المشروع كتير زغير ومش خرج
وفيها أسامي حوالي 10 ينابيع نصن إختفى عن وجه الكرة الأرضية.
قررنا نسعى بالتمويل وبلشنا نقدم على المنظمات الدولية والمحلية والحكومية. كل طلباتنا نرفضت لأن قال شو: ما في فايدة واضحة للمجتمع ممكن تبرر صرف أية مصاري على المشروع. وفي جمعيات قالت إنه المشروع كتير زغير ومش خرج
4\9
أنا شخصياً كنت مكيّل كلفة المشروع بحوالي 7 آلاف دولار على سنة ونص. قال لأ، كتير قليل ما فينا نعطيكن. لازم يكون بالخمسين ألف وما فوق. أحد الأشخاص الواصلين عرض إنه نقدم طلب بـ 100 ألف، هو بياخد النص ونحنا مناخد النص، وطبعاً شحطناه على الفور.
أنا شخصياً كنت مكيّل كلفة المشروع بحوالي 7 آلاف دولار على سنة ونص. قال لأ، كتير قليل ما فينا نعطيكن. لازم يكون بالخمسين ألف وما فوق. أحد الأشخاص الواصلين عرض إنه نقدم طلب بـ 100 ألف، هو بياخد النص ونحنا مناخد النص، وطبعاً شحطناه على الفور.
5\9
في نهاية المطاف، موّلنا المشروع من جيبتنا، كل واحد حسب قدرته، مع مساهمة تقنية قيّمة جداً من الجامعة الأميركية (الفحوصات المخبرية وما شابه). قدرنا نخلّص المشروع خلال ستة أشهر بكلفة 5500 دولار لا غير. جمعنا العينات من 119 ضيعة من كل محافظة وقضاء ومن كل مدينة وضيعة كبيرة.
في نهاية المطاف، موّلنا المشروع من جيبتنا، كل واحد حسب قدرته، مع مساهمة تقنية قيّمة جداً من الجامعة الأميركية (الفحوصات المخبرية وما شابه). قدرنا نخلّص المشروع خلال ستة أشهر بكلفة 5500 دولار لا غير. جمعنا العينات من 119 ضيعة من كل محافظة وقضاء ومن كل مدينة وضيعة كبيرة.
6\9
خلال العمل الميداني، شفنا شوفات ما بتنشاف، خصوصي بضيع البقاع الشمالي وفي عكار وبالضنية. مآسي الفقر والتعتير على مد العين والبصر. وما حدا يسأل عن المي. الله أعلم هالناس كيف بعدن عايشين. وبعد أسابيع، طلعوا النتايج، والله لا يورّيكن شو طلع معنا.
خلال العمل الميداني، شفنا شوفات ما بتنشاف، خصوصي بضيع البقاع الشمالي وفي عكار وبالضنية. مآسي الفقر والتعتير على مد العين والبصر. وما حدا يسأل عن المي. الله أعلم هالناس كيف بعدن عايشين. وبعد أسابيع، طلعوا النتايج، والله لا يورّيكن شو طلع معنا.
7\9
عم نحكي قبل النزوح السوري. أكتر من 75% من مياه الينابيع والأنهر في لبنان غير صالحة للشرب بسبب بكتيريا الإيكولاي (الكاكا يعني)، بكل المناطق، المسيحية والإسلامية على حد سواء. بس الكوارث الأكبر كانت بالبقاع وبالضنية وعكار (مياه حتى الحيوانات ما بيسوى تشربا).
عم نحكي قبل النزوح السوري. أكتر من 75% من مياه الينابيع والأنهر في لبنان غير صالحة للشرب بسبب بكتيريا الإيكولاي (الكاكا يعني)، بكل المناطق، المسيحية والإسلامية على حد سواء. بس الكوارث الأكبر كانت بالبقاع وبالضنية وعكار (مياه حتى الحيوانات ما بيسوى تشربا).
8\9
الخلاصة، نشرنا المعلومات ونعرضوا على برنامج كلام الناس (مع سيء الذكر مارسيل غانم) وقامت علينا القيامة كيف عم نشوّه صورة لبنان الجميل وعم ندمّر السياحة ونطفّش المستثمرين. المهم، ما في مسؤول تحرّك ولا نهز، لا من وزارة الطاقة ولا من وزارة الصحة.
الخلاصة، نشرنا المعلومات ونعرضوا على برنامج كلام الناس (مع سيء الذكر مارسيل غانم) وقامت علينا القيامة كيف عم نشوّه صورة لبنان الجميل وعم ندمّر السياحة ونطفّش المستثمرين. المهم، ما في مسؤول تحرّك ولا نهز، لا من وزارة الطاقة ولا من وزارة الصحة.
9\9
بالخلاصة، هيك مواضيع متعلقة بحياة الناس لا بتهم الدولة ولا الجمعيات الدولية. أمور الناس متروكة لله. إذا ما في سرقة أو تنفيعة، ما حدا بيتحرّك، وبالنهاية، ومع غياب الدولة، لا المسلم ولا المسيحي واصله حقه، وحقوق الطوايف متل مية ينابيعنا، هي بالنهاية أكلة إيكولاي.
بالخلاصة، هيك مواضيع متعلقة بحياة الناس لا بتهم الدولة ولا الجمعيات الدولية. أمور الناس متروكة لله. إذا ما في سرقة أو تنفيعة، ما حدا بيتحرّك، وبالنهاية، ومع غياب الدولة، لا المسلم ولا المسيحي واصله حقه، وحقوق الطوايف متل مية ينابيعنا، هي بالنهاية أكلة إيكولاي.
جاري تحميل الاقتراحات...