رتبها

اللغة المصريه
اللغه المصريه هي اللغه الي احنا بنتكلم بيها دلوقتي و من ايام المصريين القدماء وازاي اتحدثت لغاية مابقت بالشكل الي احنا بنتكلم بيه ده
اول حاجه
1👇

(الهيروغليفي)
بيتعرف علي انه نوع من انواع الكتابه الي مابتتنطقش علي اللسان و انه كان بيتكتب بيه المخطوطات الملكيه و الرسميه وده الى مكتوب دلوقتي في المعابد و المقابر المصريه القديمه
2👇

(الهيراطيقي)
وده بيبقي بنفس الكتابه بس مكتوب في مخوطوطات دينيه او كهنوتيه و بصورة اقل تفصيلية عن الهيروغليفي
3👇

(الديموطيقي)
و ده كان نفس الكتابه بس بصورة مبسطه و اسهل في تفاصيل الحروف وده كانت بتستخدمه العامه في جواب من شخص لشخص او اتفاق او وثيقة بيع مثلا و كده
4👇

علشان ابسطها عامله كده زي الرقعه و الكوفي و النسخ و الديواني و العثماني بس الحقيقه ان الي بيوصفه علي انه كتابه غير منطوقه ده غريب جدا
هو المصرين القدماء ماكنوش بيتكلمو مع بعض
يعني لو واحد عاوز يقول حاجه للتاني مكانش بيعرف يعبر بلسانه وكان التواصل بينهم بس عن طريق الكتابه؟
4👇

اكيد لاء و اكيد انها كانت لغة بيتواصلو بيها والطبيعي انهم عملولها كتابه
بس الترجمه بتاعت الهيروغليفي لما جم يترجموها ترجمو من علي حجر رشيد و مايقابلها من حروف اللاتيني الي مكتوب علي نفس الحجر و بنفس اصوات وقواعد اللاتيني
5👇

لان وقتها كانت اللغه العربيه دخلت مكان القبطي و بدأ الحكام العرب يمحو الهويه المصريه و بدأو بتعريب الدوله و مسح كل السجلات و الدواوين المكتوبه بالقبطيه
6👇

و خلو كتابة الدواوين و المراسلات الرسميه بالعربي لغاية ما وصلو بعد كده بمنع الكلام باللغه القبطيه في الشوارع بين الناس و في البيوت و في الحياه اليوميه
وهتكلم في باقي الموضوع علي انها لغه علشان قناعتي بكده و علشان اعرف اشرح وجهة نظري
7👇

المفروض اننا كمصريين اتغيرت لغتنا من الهيروغليفي مرتين
المره الاولانيه للنطق باليوناني و دي فشلت
والمره التنيه للنطق بالعربي و دي نجحت
بس الحقيقه ان احنا المصرين غيرنا النطق بس و ماغيرناش
القاعده الثابته الي كنا بنتكلم بيها هيروغليفي
8👇

و زودنا عليه حروف هيروغليفي مش موجوده فيه و طلعنا اللغه القبطيه
بالمناسبه علي الماشي
قبطي يعنى مصري و كلنا اقباط لان كلنا مصريين وده وصف للجنسيه بتاعتنا و المكان بتاعنا ده
مش معتنق الديانه المسيحيه خالص
و الدليل علي كده ان مافيش مسيحي في العالم بيتقال عليه قبطي
9👇

بس بيتقال عليه ( كريستيان = مسيحي ) و احنا لما بنقول مسيحي معناها معتنق الديانه الانجيليه و بننسبه للسيد المسيح ابن مريم ( سيدنا عيسي ) فبنقول مسيحي
و لما بنقول نصارى بنوصف او بننسب لنصرة سيدنا عيسي لانهم نصروة و بننسبهم للحواريين
10👇

يَا أَيُّهَا الَّذِينَ آمَنُوا كُونُوا أَنصَارَ اللَّهِ كَمَا قَالَ عِيسَى ابْنُ مَرْيَمَ لِلْحَوَارِيِّينَ مَنْ أَنصَارِي إِلَى اللَّهِ ۖ قَالَ الْحَوَارِيُّونَ نَحْنُ أَنصَارُ اللَّهِ ۖ فَآمَنَت طَّائِفَةٌ مِّن بَنِي إِسْرَائِيلَ وَكَفَرَت طَّائِفَةٌ ۖ
11👇

فَأَيَّدْنَا الَّذِينَ آمَنُوا عَلَىٰ عَدُوِّهِمْ فَأَصْبَحُوا ظَاهِرِينَ (14)
سورة الصَّف
نرجع لموضوعنا
الحقيقه ان احنا عملنا كده في العربي برضو دخلنا العربي في المصري و خلناه بالقواعد بتاعتنا الهيروغليفيه و بقت ( اللغه المصريه ) بتاعتنا دلوقتي
12👇

تاني حاجه
الفرق بين اللغة و اللهجه
اختلاف اللغه هو اختلاف قواعد اللغه
اما اختلاف اللهجه هي اختلاف لفظ الكلام لقاعده لغويه واحده ثابته وده زي اللهجات الى عندنا
لهجه القاهره و المدن و لهجه القري و اللهجة الاسكندراني و اللهجة الصعيدي و الهجه البور سعيدي و الدمياطي كده
13👇

ايه الي يثبت كلامك ده و ايه هي القواعد المختلفه الي تثبت ان اللغه المصريه مختلفه عن اللغه العربيه و انها مش لهجه ؟
اللغه المصريه اتطورت لغاية ما خدت شكلها بتاع دلوقتي و استوعبت كلمات زي
‌‌جمبري ، چيبه ، اوضه بالعربي = روبيان ، تنوره ، غرفه
14👇

كمان اللغه المصريه بتتفوق على العربى بانها لغه ديناميكيه بتتطور على طول و بتدخلها مفردات جديده ماكانتش فيها قبل كده وده بيحصل فى فترات قصيره
النطق
اللغه المصريه عادة لما بتتكتب بتبقى بالحروف العربى بس بنطق مختلف عن اللغه العربى
زي مثلا ( ذ ، ث ، ظ )
15👇

ذُبابه = دبانه ، ظلام = ضلمه ، ثُعبان = تعبان
ذره = دره ، ظِل = ضِل ، ثانويه عامه = سانويه عامه
و في حروف بتتخفف في النطق و بتتفخم زي
ظ = ز مفخمه
ق = ق او ء علي حسب
القاهره = القاهره ، قوس = قوس ، قمر = أمر
قرنبيط = أرنبيط قصر = أصر
16👇

في حروف بتزيد
( چ ، پ ، ڤ )
چ > بنطلون چينز ، ڤ > لونه موڤ ، پ > اطلب الپوليس
ده كده النطق ندخل بقي على
القواعد
17👇

الضماير الاولانيه
انا ، انتي ، انتا ، انتو ، احنا
الضماير التانيه
هوا ، هيا ، هما
ضماير ملكيه اولانيه متصله
عشان بتملك الافعال و الاسماء و الحجات ليه
ي مع الاسماء > مراتي ، جوزي ، كتابي
ني مع الافعال > شغلني ، فسحني ، اكلني
18👇

َك/ ِك > عربيتَك (للولد) ، عربيتِك (للبنت)
كو > عربيتكو ، اوضتكو
نا > عربيتنا ، اوضتنا
ضماير ملكيه تانيه متصله
و / ه > عربيتو او عربيته
ها > ميكياچها ، شنطتها
هم > محلهم ، ارضهم
19👇

هكمل باقي الموضوع فى ثريد تانى بليل ان شاء الله

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

نسخ سلسلة