الكتاب بالنسبة لى مكنش جزء من دراسة .. الكتاب نفسه ومحاضرات هيرب كوهين كانوا أحد أهم الأحداث اللى غيرت تفكيرى فى الدنيا .. تقريباً لازم أقرأ الكتاب مرة كل سنة .. بعتقد إنه بالنسبة زى سوفت وير محتاج أحمله كل فترة .. مهما كانت شخصيتك وعن تجارب مع ناس الكتاب ده كفيل بتحسينها جداً
الكتاب ده من قيمته كان أول كتاب يكون الأكثر مبيعاً فى أمريكا من غير ما يكون رواية أو مذكرات سياسى الكتاب بيمزج بين علم التفاوض والتجارب الشخصية للمفاوض الأول فى العالم وأمريكا هيرب كوهين .. ومع ده بيقدم لك تعديل فى طريقتك فى التفكير وترتيب أولوياتك وإزاى تحدد أهدافك ومنين تحققها
خلونى أوضح لكم قيمة مؤلف الكتاب Herb Cohen هو رئيس سابق لقسم التفاوض بجامعة هارفارد وكمان طلب منه يكون المفاوض الأول للحكومة الأمريكية فى فترة بوش الأب والإبن ورفض .. واخيراً هو الوحيد فى العالم اللى قدر ياخد خصم من مول ستيرز الشهير فى أمريكا ونشر ازاى قدر يعمل ده فى الكتاب
يعنى ببساطة قدر ياخد تلاجة بخصم عن سعرها المعلن فى مول مثلاً زى كارفور وبعد نشر الواقعة فى الكتاب حاول الناس يعملوا زيه فإدارة المول حطت مجموعة لافتات مكتوب فيها No discounts allowed unless you are Herb Cohen
جاري تحميل الاقتراحات...