نجاح الموجي «هرم» السينما الذي رسب في «اختبار القدرات الفنية» وصادرت الرقابة أول شريط كاسيت له
- صح، بس هانكر..
أكيد سمعتها بصوته، أيوة«نجاح الموجي» اللي عاش زي باقي الخلق ومات زيهم، حلت ذكرى وفاته من كام يوم ومفيش حد افتكره يمكن لأنه مجرد شخص عادي👇
- صح، بس هانكر..
أكيد سمعتها بصوته، أيوة«نجاح الموجي» اللي عاش زي باقي الخلق ومات زيهم، حلت ذكرى وفاته من كام يوم ومفيش حد افتكره يمكن لأنه مجرد شخص عادي👇
1-تخيل"الواد مزيكا"في مسرحية المتزوجون ولا"عبد الله"في فيلم الحريف ولا"الهرم"في فيلم الكيت كات ولا ولا ولا ورغم عدم سعيه للبطولة في أعماله الفنية لكنه بقى واحد من العلامات البارزة في تاريخ السينما المصرية واحد من ملوك الإفيهات اللي ما بتتنسيش لكن ما حدش بيجيب سيرته في أي حاجة 👇
2-وما اتكرمش لا وهو عايش ولا حتى بعد ما مات وله حوار قديم قال فيه بإنه اتظلم في الجوايز اللي ما أخدهاش وشايف إن لجان التحكيم في مصر لها فكر غريب مش مفهوم، هو صحيح مش بطل ولكنه جزء من تاريخ الفن، أصله ما كانش له شلة عشان يتكلموا عنه وهي دي المشكلة عاش موظف وفنان بدرجة إنسان.👇
3-اتولد يوم11يونيو1945م في قرية ميت الكرماء التابعة لمركز طلخا-محافظة الدقهلية،أسرة فقيرة أوي لأب معدم إسمه "محمد الموجي"شغال دويق دخان مهنة انقرضت خاصة بيدوق المعسل بتركيز المعسل المستخدم في الشيشة،اتجوز بنت عمه وخلف منها 14طفل وطفلة عاش منهم3كان من ضمنهم"عبد المعطي محمد الموجي"
4-أيوة اسمه الحقيقي كدا،انتقلت أسرته للعيش في حي حدائق القبة في القاهرة وهناك قضى طفولته وسط أولاد الشارع عيل سفيف ورفيع وبيلعب معاهم في شارع"علي شعراوي"بيتسحبوا فوق أسطح العمارات عشان يتفرجوا على عروض السينما الصيفي،سينما "الهونولولو"الشهيرة كان لسة الشعب مثقف والناس غير الناس.
5-السينما دي كانت في الأساس مسرح أنشأته الممثلة"دولت أبيض"سنة1944م واتحول لسينما بعد سنتين من الإفتتاح بقت أشهر سيما شعبي،الترسو،اتخصصت لمحدودي الدخل والبسطاء من الكادحين حرفيين،عمال،صنايعية وكان الواد "عبمعطي"أو"قرقر"يطلع فوق العمارة يراقب الجو ويصفر لأصحابه لما يبقى الطريق خالي
6-كانت الحفلة بتعرض 3أفلام متتالية وكانت بتعرض أفلام أجنبي جانب العربي وتلاقي كل سكان العمارات قاعدين في الشبابيك والبلكونات يتفرجوا على الأفلام، متعة ما بعدها متعة.
وبعد العرض تنزل شلة العيال ويلعبوا في الشارع ويتفرجوا على "قرقر"وهو بيقلد الأفلام 👇
وبعد العرض تنزل شلة العيال ويلعبوا في الشارع ويتفرجوا على "قرقر"وهو بيقلد الأفلام 👇
7-وبعدين يرجع على البيت عشان يحكي اللي شافه لأخوه الكبير القعيد، أخوه دا بقى اللي اسمه"نجاح الموجي"كان أكبر منه ب10 سنين ومصاب بضمور في العضلات وما بيتحركش ولكنه كان الأقرب ليه ودرس"عبمعطي"في المعهد العالي للخدمة الإجتماعية وحصل على درجة البكالوريوس 👇
8-وحاول بعدها يرضي شغفه بالتقدم للمعهد العالي للفنون المسرحية أكتر من مرة لكنه رسب في الإختبارات وفي كل مرة يرجع ما يلاقيش غير أخوه "نجاح" يشكي له همه، لأنه كان الوحيد اللي بيشجعه إنه يعمل الحاجة اللي بيحبها، إنه يمثل وفضل ماشي ورا حلمه ومصدقه ✋👇
9-ولكنه سعى إنه يكون ممثل قدم على ورش واختبارات كتيرة لحد ما بدأ حياته مع ثلاثي أضواء المسرح،دور هامشي في مسرحية حواديت سنة 1967م وبعدين أسند ليه المخرج "محمد سالم"دور مهم في مسرحية"فندق الأشغال الشاقة"سنة 1969م بترشيح من الفنان"جورج سيدهم"وهنا قرر إن اسمه الفني يبقى على اسم أخوه
10-هو كان عايز يبقى ممثل وعايز الخلود والشهرة لإسم أخوه عرفان له لدعمه وتشجيعه دايمًا،حاجة في منتهى العظمة والوفاء يعني وفضل عايش يخدم أخوه دا لحد ما مات سنة 1986م.
واتجوز السيدة "عائشة فريد عوض" من خارج الوسط، لأنه أصلًا كان مش مختلط بالوسط أوي ومالهوش شلة 👇
واتجوز السيدة "عائشة فريد عوض" من خارج الوسط، لأنه أصلًا كان مش مختلط بالوسط أوي ومالهوش شلة 👇
11-هو بس بيعمل الحاجة اللي بيحبها وبيلاقي فيها نفسه وعشان كدا ما سابش شغله في الوزارة لحد ما بقى وكيل أول وزارة الثقافة وفي سنة 1981م اشترك في أول دور يعرف الجمهور بيه،دور "الواد مزيكا"في مسرحية المتزوجون،كان عبارة عن 14 جملة بس ولكنه في لقاء برنامج "يا تليفزيون يا" 👇
12-قال إن ما لقاش تعاون على النجاح زي اللي لقاه من"سمير غانم"و"جورج سيدهم"فكان بيخرج عن النص ويرمي إفيه يضحك الناس،كان الاتنين بيخدموا عليه ويفرشوا له لقول الإفيه تاني يوم، عايزين النجاح وبس، مفيش نفسنة ولا غيرة من اللي بنلاقيها اليومين دول..👇
13-زي مثلًا لما سأله "جورج": قولي ياض يا مزيكا، أنت بتفهم في السياسة؟ فرد عليه الموجي:" أفهم في السياسة، أنا الشعب"،فسأله جورج سيدهم: "إيه رأيك ياض يا مزيكا في سياسة الوفاق"، فأجاب:يعني يا بخت من وفق راسين في الحلال، ليجيب عليه جورج سيدهم قائلاً:" دي سياسة أمك دي" 😂👇
14-قدم بعدها برنامج في الإذاعة إسمه "مسرح الكاريكاتير"وأخيرًا اقتنعوا وقبلوه في المعهد العالي للفنون المسرحية، وخلاص بقى فيه ممثل معروف إسمه "نجاح الموجي"اتميز بطابع خاص خلى الجمهور يعشقه ويحبه له قبول وتلقائية تدخل القلب ويحسيك بالونس والقرب، كأنه من باقي عيلتك أو حد صاحبك 👇
15-أو معرفة من زمان،مألوف ليك وطبعه خفيف وحسه طيب وودود،ظهرت موهبته وفرضها بعد أول دروب مهني يتعرض له بعد ما أنهى عمله في مسرحية "المتزوجون"كان من أشهر أبطالها وانهالت عليه العروض من كبار المنتجين والمخرجين واتعرضت عليه بعدها رواية "عيل وغلط"اتسرع وشارك فيها عشان يثبت نفسه لوحده
16-قال إنه في كل ليلة عرض مابيلاقيش جمهور وكان بيبكي كل ليلة بعد تقديمها بكا يكفيه 5 سنين،قال إنه حس بالغرور واتعلم واعتبرها أول وآخر فشل في حياته،وبعدها قدم دور عبقري في فيلم "الحريف"سنة 1984م،دور"عبد الله" وفيه مشهد عبارة عن مباراة تمثيلية تقيلة قصاد "عادل إمام"👇
17-سرق الكاميرا فيه من الجميع وقدر يظهر قدراته كممثل تقيل،كان بيقدم الشخصيات ببساطة يحسد عليها وفي نفس السنة عمل فيلم "شوارع من نار"مع "نور الشريف"وفيه غنى أغنية "حنكورة":"حنكورة حكى لنا حكاية هتقلب حالنا حوشونا حرام"ودي كانت من تأليفه وبيغنيها أيام المعهد👇
18-وبمناسبة الأغاني المونولوجات دي له أغنية "اتفضل من غير مطرود" اللي غناها مع "نور الشريف"برضو بس المرة دي في فيلم"أيام الغضب"سنة 1989م ودوره دا المرة الوحيدة اللي أخد عنه جايزة في مهرجان دمشق وقتها كان خلاص بقى متواجد بقوة، خصوصًا لما قدم دور "أحمد السريع" قبلها بسنتين 👇
19-في فيلم"أربعة في مهمة رسمية"مع العبقري"أحمد زكي"سنة1987م.
المهم،جمع شوية المونولوجات دي في شريط كاسيت هوب جات الرقابة اعترضت عليه وقالت له لأ واتسحبت النسخ من السوق ورفضت توزيعه وكان بيقدم مسرحية"لا مؤاخذة يا منعم"اتريق على المطربين وقتها منهم المطربة أنغام اللي قال عنها ألغام
المهم،جمع شوية المونولوجات دي في شريط كاسيت هوب جات الرقابة اعترضت عليه وقالت له لأ واتسحبت النسخ من السوق ورفضت توزيعه وكان بيقدم مسرحية"لا مؤاخذة يا منعم"اتريق على المطربين وقتها منهم المطربة أنغام اللي قال عنها ألغام
20-قدمت فيه بلاغ سب وقذف واستمرت حكايته الفنية بين مطبات ونجاحات لحد ما شارك في فيلم"الكيت كات"مع"محمود عبد العزيز" وقدم دور"الهرم"صاحب الإفيه التاريخي اللي اتصدر كوميكس الأيام دي،لما سأله لواء من قطاع المخدرات:أنت ياض بتتاجر في المخدرات قطاعي صح ولا هتنكر؟فرد عليه:"صح، بس هانكر
21-وهو من أشهر أدواره الخالدة اللي قلبت الدنيا مع عرض الفيلم سنة 1991م مأخود عن قصة حقيقية،في فيلم "صاحب الإدارة بواب العمارة"أبدع الموجي أمام الفنان الراحل عادل أدهم، عندما قال له:"أنا مروحش للحرام"،ليرد عليه: حرام إيه يا جدع.. إحنا مبنروحش للحرام، الحرام هو اللي بيجي لحد عندنا
22-وفى أحد مشاهده المضحكة قال فيها فى أحد أعماله"سيبك منه دا اجزخانجى بمخ جزمجى بالك أنت دا عايز العيان لا يخف ولا يموت علشان يفضل زبونه"
في حوار صحفي له في نوفمبر 1996م اتكلم عن نظرته لذاته وتقيمه لنفسه وقال:"خضت تجربة أفلام المقاولات وشعرت بعد مشاهدتي لها بمدى تفاهة ما أقدمه 👇
في حوار صحفي له في نوفمبر 1996م اتكلم عن نظرته لذاته وتقيمه لنفسه وقال:"خضت تجربة أفلام المقاولات وشعرت بعد مشاهدتي لها بمدى تفاهة ما أقدمه 👇
22-وأن نهايتي ستكون على يدها وعندما قاطعتها اتُهمت بالغرور والمغالاه في الأجر قبل أن يستعيد السينمائيون ثقتهم في مرة أخرى"وتابع:"دارت العجلة من جديد وقدمت أدوارا أثبتت فيها أنني ممثل أصلح لأي دور وأي لون حتى لو كان بعيدًا عن الضحك والكوميديا".👇
23-قدم نجاح الموجى قرابة 150عملا خلال حياته الفنية وآخرها مسلسل "فى بيتنا كنز"
عاش حياته موظف وفنان وزوج وأب لبنتين شيماء وأيتن الموجي المذيعة،اللي تقريبًا مفيش غيرها بيحيي ذكرى وفاة وميلاد أبوها حاليًا وكانت هي الشاهد الوحيد على مشهد النهاية😢👇
عاش حياته موظف وفنان وزوج وأب لبنتين شيماء وأيتن الموجي المذيعة،اللي تقريبًا مفيش غيرها بيحيي ذكرى وفاة وميلاد أبوها حاليًا وكانت هي الشاهد الوحيد على مشهد النهاية😢👇
24-لما رجع من المسرح أثناء تقديم دوره في مسرحية"مولد سيدي المرعب"ليلة 25 سبتمبر 1998م حس بضيق تنفس وتعب ووقف في الشباك مستني عربية الإسعاف ساعتين زي أي مواطن عادي بيموت عشان ما لقاش اللي يسعفه وهو واقف عند البلكونة وبيقول: "يا رب"وهي آخر كلماته، لفظ بعدها أنفاسه بالبطيء 👇
25-وكانت معاه"آيتن"اتصلت بعربية الإسعاف لكنها كانت عطلانة واتصلت بغيرها كان سواقها في إجازة،ما لقتش مفر من النزول عشان تدور له على دكتور، وزوجته اتصلت بالنجدة ولكنه لم ينتظر وفارق الحياة لأنه كان بيعاني أزمة قلبية حادة ولما رجعت بنته لقت السر الإلهي طلع..مات "الموجي"عن عمر 53 سنة
26-مات في سكوت، بدون شوشرة وشيعت الجنازة في يوم الجمعة من مسجد رابعة العدوية بمدينة نصر،مات بالقلب لأن قلبه كان بيعاني من تجاهل الجميع لموهبته وعدم ثقة المنتجين فيه وحتى لجان التحكيم كانت بتختار الجوايز على حسب الأسامي👇
27-مات الموجي ولكنه عاش في ذهن وقلب كل الجماهير البسيطة اللي هو منهم، عاش في وجدان الشعب، اللي للأسف ما بيفتكرش غير اللي بيضحك عليه وبس، لكن اللي بيضحكهم دايمًا بيتنسي للأسف.. الله يرحم "عبد المعطي الموجي"
جاري تحميل الاقتراحات...