ده ثريد بعنوان "انا كنت غلطان"
انا دايما مقتنع ان المفروض محدش يبقى متيقن من رأيه لأن أي رأي ممكن يطلع غلط بل أن حتى لو الرأي مثبتش انه غلط او صح فانت شخصيا ممكن تغيره لما الزمن يعدي وتفكيرك يختلف او معرفتك تختلف
فانا هنا هكتب شوية حاجات انا اقتنعت مع الوقت اني كنت غلطان فيها 1️⃣
انا دايما مقتنع ان المفروض محدش يبقى متيقن من رأيه لأن أي رأي ممكن يطلع غلط بل أن حتى لو الرأي مثبتش انه غلط او صح فانت شخصيا ممكن تغيره لما الزمن يعدي وتفكيرك يختلف او معرفتك تختلف
فانا هنا هكتب شوية حاجات انا اقتنعت مع الوقت اني كنت غلطان فيها 1️⃣
كنت غلطان لما زمان نتيجة الحماس لخناقة ميسي رونالدو اني استهنت برونالدو، تخيلت ان لمجرد تسجيله اهداف بدون مشاركة اكبر في سير اللعب فهو مش لاعب عظيم كفاية وان لازم يبقى لك مشاركة كبيرة والا متبقاش لاعب مستوى اول، ليه غلطان؟ لأني استهنت بفكرة التسجيل نفسها وغزارتها وتوقيتها 2️⃣
لما عدى الزمن وشفت لاعيبة كتير بيضيعوا فرص كتير او بيسجلوا لكن بيضيعوا في الماتشات الكبيرة او بتحس في اوقات ان الحدث اكبر منهم عرفت ان اللي بيعمله رونالدو شئ مش سهل ولا هين ابدا واني كنت غلطان اني في وقت ما زمان اخدته for granted
3️⃣
3️⃣
كنت غلطان لما حملت كل مشاكل فرقة برشلونة لفالفيردي، مش لأني اكتشفت انه مدرب عظيم، لأ، هو مش مدرب بحجم برشلونة واسلوب الكرة اللي انتهجه كان النقيض لكل ما يمثله برشلونة ودي حاجات انا لسه مقتنع بيها لكن في نفس الوقت انا تجاهلت عنصر مهم جدا في المعادلة مكانش المفروض اتجاهله 4️⃣
ان الراجل معاه في الفريق لاعيبة غير قابلين انك تطوعهم تكتيكيا وفي نفس الوقت انت اضعف من انك تحرمهم من المشاركة، فالفيردي مش مسؤول لوحده عن اللي حصل، فالفيردي مش مدرب عظيم ولا مدرب لبرشلونة لكن مش بالسوء اللي تخيلته، او بمعنى ادق، مش معنى انه مش مدرب عظيم انه مدرب سئ في المطلق 5️⃣
ضعف فالفيردي امامهم هو نفسه ضعف سيتين هو نفسه ضعف اي مدرب كان هيدربهم، فالحقيقة فالفيردي اختار اسهل وأسوأ الطرق، لكن هل باقي الطرق كانت سهلة، لما تبص للسياق العام تكتشف ان الموضوع مكانش بالسهولة دي 6️⃣
كنت غلطان لما تخيلت في اوقات ان التدريب تكتيك ثم اي حاجة تانية، الحقيقة انه لأ، انت لو مش قادر تسيطر على الفريق فالتكتيك هيفضل في دماغك مش هيتنقل، لو اللاعيبة مش بتحبك ففي حاجز هيمنعهم من تنفيذ تعليماتك، لو النادي مش مستقر او الترتيب الاداري مش مضبوط فانت هتتدهس تحت الرجلين 7️⃣
فالتدريب مش تكتيك بس، فيه ظروف كتير في النادي لازم تكون موجودة ومهارات كتير لازم تجيدها عشان نبدأ بعد كل ده نشوف هل عندك تكتيك ولا لأ، بس انا كانت خبرتي قليلة ومكنتش فاهم كل ده، كنت غلطان 8️⃣
كنت غلطان لما حسيت ان اهدار رحيم ستيرلينج للفرص بيجرده من كل مميزاته، هو فعلا مستفز في النقطة دي، لكن سرعة رحيم في المساحات الكبيرة او الصغيرة ميزة لا يمكن اغفالها او اعتبارها عادية، رحيم متنفس طولي لفريقه واللي بيقدمه في الجزئية دي مش شئ سهل او بسهولة يمكن الاستغناء عنه 9️⃣
مقصدش اني لو كنت شايف شخص سئ جدا يبقى انا النهاردة شايفه اعظم واحد،مش شرط،كفاية اكتشف انه مكانش سئ للدرجة اللي تخيلتها عشان اقر اني كنت غلطان،طيب رأيي فيه دلوقتي؟ممكن رائع او عادي او معرفش،عكس السئ جدا مش شرط يكون رائع جدا، ممكن معرفش، مش متأكد، مش لازم يا ابيض يا اسود 1️⃣0️⃣
انا عارف ان كده كده الناس بتشوف ابيض واسود، احسن وأسوأ، عبقري ومعندوش فكرة، الناس بتشوف النقيضين بس، لكن كفاية جدا انك لو غيرت رأيك من فلان سئ لـ معرفش هو سئ فعلا ولا لأ تقول انا غيرت رأيي حتى لو رأيك الجديد هو معرفش، كتير مش هيفهموا النقطة دي انا عارف بس مهم اقولها برضه 1️⃣2️⃣
في النهاية عشان ده اطول ثريد في حياتي، انا كنت غلطان ولسه بغلط ولسه هغلط، ولما اغلط تاني مش هتكسف اقول، الموضوع بالنسبة لي مش محرج لأني مقتنع ان الشخص اللي مبيغلطش ابدا هو اللي مبيحاولش ابدا مبيتعلمش ابدا مبيتطورش ابدا، عايش لكن بعقل ميت
جاري تحميل الاقتراحات...