في هذا الثريد بتكلم عن التطبيقات المفيده واللي ساعدتني في رحلتي لتعلم اللغه الصينية . واللي عنده تطبيقات مفيده يذكرها هنا كرما لتعم الفائده ❤️
١. تطبيق Pleco ؛ تطبيق جدا مفيد وبسيط ، اكثر فائدة استفدته منه انه ببساطه تحط البينين ويطلع لك الهانزات او تحط الهانزات ويطلع لك البينين ، طبعا يبين لك المعاني وفيه خاصية النطق للكلمه بعد . واحلى شيء انه عباره منصه محفوظ فيها المعجم هذا يعني ما يحتاج انترنت 😍
٢. تطبيق 百度翻译 ; هو عباره عن نسخة صينيه من مترجم قوقل ، ادق من قوقل كثير طبعا بحكم ان الشركه صينية ، افضل خاصيه فادتني صراحة هي خاصية المسح 😍 ، تصور اي قطعة من خلال التطبيق ويعطيك ترجمه كامله للقطعة بثواني معدوده 😍! شكرا 百度 ❤️!
٣. الشيخ 百度 ؛ طبعا هذا هو نسخة محرك قوقل الصيني ، تبي اخبار ؟ شروحات ؟ صور ؟ جغرافيا ؟ اي شيء تبي تعرفه عن الصين كله موجود هنا ، اللي عليك بس انك تبحث عن موضوعك بخانة البحث .
٤. تطبيق 微博 weibo ؛ باختصار هو تويتر حق الصينيين ، اخبارهم ومشاهيرهم وهوشاتهم ، اللي يبي يشوف المجتمع الصيني يغرد لا يدورهم هنا ، لأنهم كلهم هناك ولا يدرون عن تويتر 😅
٥ . تطبيق 优酷 youku ؛ بإختصار هذا اليوتيوب حقهم ، ممكن تلقون مقاطع تعجبكم وتوسع صدوركم
٦. هنا راح احط لكم تطبيقات المسلسلات الصينية اللي انا اشوف انها اكثر شي طورني وساعدني على تعلم اللغة والثقافه الصينيه ، وراح احط لكم بعض التوصيات على المسلسلات الصينية اللي اعجبتني 😁
تطبيقات المسلسلات اخترت لكم اثنين ، 腾讯视频 / 爱奇艺 كلها سهله وبسيطه وفيها انواع واشكال من المسلسلات وراح نذكر لكم المسلسلات المقترحه تحت هذي التغريده 😁
1.欢乐颂 ，2.我的体育老师 ，3.都挺好 ，4.温州一家人 ，5.我的姐姐 ，6.小爸爸 。
في الختام اتمنى انه كان طرح مفيد واذا عندكم تطبيقات مفيدة بعد لا تحرمونا من مشاركاتكم ❤️
جاري تحميل الاقتراحات...