مساء الخير جميعاً ، كثيرين بيسالوني كيف خلصت ساعاتي المحاسبية بما اني تمويل عشان ادخل اختبارات الزمالة في هذا الثريد راح اشرحلكم الطريقة.
اولاً لازم تشوفوا كم مادة محاسبية موجودة في السجل الاكاديمي، رمزها لازم يكون Acc اي مادة ثانية ماراح يقبلوها.الخطوة الثانية لازم تحسبو كم عدد الساعات لي عندكم وعلى اساسها تقرروا
ثالثاً عندكم طريقين لاستكمال الساعات . اولاً عن طريقة دورات الهيئة ( المحاسبة، المراجعة ، الزكاة والضريبة) يجب اخذ الثلاثة مواد لاحتساب ٩ ساعات محاسبية ، ماينفع تاخذو مادة او مادتين لازم كلها عشان تنحسب لكم.
ثانياً عن طريق الجامعات يوجد عدة جامعات تعطي مواد لطلاب السوكبا وبعضهم حتى اون لاين مراعاة انو طلاب السوكبا اغلبهم موظفين
أيضا أنوه عند اخذ مواد من الجامعة يرجى التاكد على عدم تكرار المواد ، بمعنى ماينفع تاخذ مادة مبادئ المحاسبة وانت اصلا ماخذها بالجامعة لازم مواد جديدة وغير موجودة بالسجل الاكاديمي
كمان أكدد على موضوع انكم تحسبو ساعاتكم صح ، يعني ممكن تاخذو مادتين من الجامعة ويبقى لكم ساعات ناقصة . لازم تخلصو ٢١ ساعه محاسبية وعشان تعرفوا كيف تحسبوها لازم رمز ACC موجودة بجانب المادة.
جاري تحميل الاقتراحات...