حديث من نسج الخيال حول التحقيق في تفجير #مرفأ_بيروت:
- التحقيق ومسار التحقيق الذي يقوم به #القاضي_بيطار سرّي، يعني تقنيا لا أحد يدري ما في طيّاته.
- بس مسيّس.
- بس ما هو سرّي، كيف بتعرف مضمونه وإذا مسيّس؟!
- هو القاضي مسيّس!
١/٤

- كيف يعني؟ أساسا القاضي بيطار بعد ولا مرّة طلع حكي ولا كلمة، ولا طلّة إعلاميّة ولا شي!
- بس واضح إنو مسيّس.
- طب نوّرنا..
- كل يلّي عم يستدعيهم من جهة سياسية واحدة.
- المستقبل والحزب والحركة والمردة ودياب هم جهة سياسية واحدة؟!
- لا مش هيك، بس كلهم إلهم مكانتهم بالسياسة.
٢/٤

- طب هو شو ذنبه إذا السياسيين هنّي أكثر المسؤولين عن هالإجرام يلّي صار، ما بيبعت وراهم يعني؟
- يبعت ويحقّق، بس ما لازم يكون مسيّس. بعدين ليش ما بعت ورا المسؤولين الأمنيين؟!
- كيف ما بعت، بعت وكتّر وما ردّوا عليه!
- لأنّو مسيّس.
٣/٤

- يا أخي شو ذنبه هو إذا الأمنيين أزلام رجال السياسة؟!
- ما ذنبه.. بس مسيّس.
- والحل؟
- يفرجينا شو عنده لنصدّق.
- ما التحقيق سرّي!!
-مظبوط. بس مسيّس.
🤦‍♂️🤦‍♂️