كنت في مشوار وفلوسي خلصت قعدت ادور علي Atm في المكان اللي انا فيه لقيت اتنين واحده زحمه والتانيه عليها اتنين واقفين روحت عليهم واحد ملقاش فلوس ومشي والتاني قال المكته دي مش فيها فلوس وهو حد بسيط يمكن يادوب بيعرف يقرأ الأرقام وسحب الفيزا بتاعته فعلا ومشي ومن الحظ كنت مركزه معاه
علي سبيل اساعده لو احتاج مني مساعده وشوفته وهو بيضرب الرقم المهم هو مشي فأنا قلت اجرب انا يمكن الاقي ولسه هدخل الفيزا بتاعتي لقيت مبلغ طالع من الماشين فخدتهم وعديتهم لقيتهم نفس الرقم اللي قبلي ضربه قعدت ابص عليه راح فين اندهله أعطيه فلوسه ملقتوش ومين بقي اللي واقف وواخد باله
من اللي حصل اللي كان قبلنا لقيته جاي وبيقولي الفلوس دي بتاعتي وقعد يعلي صوته ويزعق ظننا منه هخاف واعطيهاله وبعد الناس ما اتلمت طبعا لاني متأكدة أنها مش فلوسه واللي يقولي انتي ازاي تقبليهم حرام عليكي واللي يقول صاحب الحق صوته عالي وكل واحد قال كلمه وانا مصدومة انتم ازاي صدقتوه
ومكذبيني مع أنه مفيش حاجة تثبت انه صاحبها غير صوته العالي وطوله لسانه المهم قلتله قولي انت كام المبلغ اللي انت سحبته وانا هعطهولك غير كده ملكش حاجه عندي لو هنروح قسم الشرطه لأن متأكدة أن صاحب الفلوس هو اللي بعدك وكان شاب قمحاوي وشعره طويل واسود وفي عمر ال40 ولابس جلابية بيضا
لكن انت نصاب وحرامي وانا هوديك في ستين داهية علي تهجمك عليا ده وهطلب تفريغ الكاميرا اللي يثبت كلامي وفي أثناء كلامي لمحت الشاب راجع رايح علي الAtm اللي قصادنا وكان ياعيني لسه بيدور علي مكان يسحب منه فلوس قعدت أنادي عليه فالشباب اللي واقف راحو جابوه قلتله انت كنت بتسحب كام
من الماشين دي قال 5 آلاف طلعت الفلوس من الشنطه وعطيتها لحاج كبارة كده قلتله عد دول ياحاج لقاهم نفس المبلغ قلتله دي فلوسك والراجل ده مسك فيا وكان عايز ياخدهم بس لاني متأكدة أنها فلوسك لاني شوفتك تمسكت انه ميخدهاش فما كان من الشاب صاحب الفلوس إلا وهو ماسك في رقبة النصاب
عفوا 4الاف
مش علشان الفلوس لكن علشان اتهجم عليا وشتمني وقعد يضرب فيه ويقوله فلوس ايه ياحيوان اللي تتهجم علشانها علي بنت ولا واحده ست مكنش زعلان علي فلوسه وزعل ورجولته اتحركت علشان اهانتي
بجد انا الموقف أثر فيا اوي واتاكدت وقتها
بجد انا الموقف أثر فيا اوي واتاكدت وقتها
أن فعلا من يراعي حدود الله في العباد بيحرسه الله ويحرس ماله رب العباد وان ازاي ربنا سخرني للراجل ده وخلاني ركزت معاه رغم أني عمري ما بشغل بالي من اللي قدامي
جاري تحميل الاقتراحات...