رأي غير شعبي: يدخل الى لبنان حوالي ٤ مليار دولار سنوياً كتحويلات للمغتربين، يعني حوالي ٣٣٣ مليون دولار شهرياً. من فترة اعلنت ادارة ال OMT ان معدل التحويل الواحد هو ٣٠٠ دولار. يعني بعملية حسابية بسيطة هنالك مليون و مئة و احد عشر الف تحويل بالشهر الواحد (٣٣٣ مليون قسمة ٣٠٠). (١/٦)
طيب اذا اعتبرنا ان كل تحويل هو لعائلة، يعني في فوق المليون و عشرة الاف عائلة تحصل على ٣٠٠ دولار نقدي بالشهر. طيب اذا معدل العائلة المقيمة ٣ تما نقول ٤ على اساس واحد "منتشر" ، و اذا سعر الصرف للدولار ١٥،٠٠٠ ل.ل (علما انو كان اعلى من هيك لفترات ) (٢/٦)
يعني بعملية حسابية بسيطة ثانية في على القليلة ثلاثة ملايين و ثلاثمئة الف لبناني (يعني مينيموم ٥٥٪ من الشعب) يحصل على ٤،٥٠٠،٠٠٠ ل.ل بالشهر. طيب كيف نسبة الفقر بتكون ٨٠ بالمية كما هو رائج؟؟؟؟ (٣/٦)
هيدا بعد ما احتسبنا يلي بيقبض بالدولار فريش، و يلي بيقبض من عمليات السوق السوداء و التهريب و العمالة الغير منتظمة!!! انا ما عم قول ما في فقر او ما تغير نمط حياتنا و استهلاكنا ، انا اقول انو المعالجة يلي بتقارب موضوع الانهيار اللبناني انو موضوع فقر هي مقاربة خاطئة و لا تفيد.(٤/٦)
يلي انهار هو الاقتصاد و الطبقة الوسطة، يعني المعالجة يجب ان تكون معالجة تقارب موضوع النمو و خلق فرص العمل و تأمين الخدمات، و المدخل الى ذلك هو حتماً اعادة هيكلة المصارف (و منها كل موضوع البنك المركزي) لأنو بلا مصارف ما في دورة اقتصادية و لا من يحزنون.(٥/٦)
يأتي بعدها او تزامناً موضوع الكهرباء و المدارس. غير هيك منكون عم نضيع وقت . (طبعاً كل هيدا بدو يتزامن مع تغيير سياسي و دولة مش دويلة). #كلن_يعني_كلن #لبنان_ليس_بخير #١٧تشرين
جاري تحميل الاقتراحات...