منقولة بس عجبتني اويييي😍😍
من الطف طرق المعاكسه شوفتها في سوبر ماركيت سعودي
ست تبدو في العقد السادس من عمرها و رجل يطلع مثلا اكبر بكام سنه لكن من النوع الفرفوش كده تحسه محب للحياه
لابس قميص ابيض نضيف و مكوي ومشمر الكمام
واخد تان
حاطط نظاره الشمس فوق علي شعر راسه و لابس جينز

وجسمه متماسك تحس انه رياضي
الست كانت جميله وكيوت كده
وقفت قدام ستاند الجبنه وكانت بتسال الراجل وحصل الحوار الاتي
انا عايزه امستردام
البائع:اولد امستردام يا فندم حاضر
لا امستردام بس منغير اولد
لا يا فندم هي اولد امستردام
صمت
يوووه انت صح انا اتلخبطت ما انا اولد بقي انا كمان

و ضحكت و البائع ابتسم
طبعا الرجل الانيق كان عند ستاند اللحوم و مراقب الموقف و واضح انه نمس قديم
لقيته راح جنبها و قال لها
اولد از جولد ماي ليدي
طبعا هي اتفاجأت بس واضح بردو انه فكرها بزمن الرومانسيه الجميل اللي كان سائد في شبابهم
الست ضحكت اوي
لا ما خلاص بقي

لا خلاص ايه ده لسه البدايه
و كركعوا ضحك و ابتدأ هو كنمس مخضرم يتكلم معاها عن انواع الجبن و بلاد نشأتها
مش عارفه ليه ضحكت و كمان اتبسطت
بس كان لازم امشي لان شكلي كان باين اوي اني متجسسه