حوار من فيلم ابيض وأسود بيت عمر الحريري و محمود مرسي
انت مين فيهم 5/1
- ايه ده ؟ روايه جديده لصموئيل بيكيت؟ انت لسه بتقرا في العبث. ولسه الراجل المتشائم ده مأثر عليك؟
= ده مش تشاؤم ده واقع صموئيل بيكيت بيقول ان الحياه عبث وكلام فارغ لان الحقيقه اننا عايشين علشان نموت

انت مين فيهم 5/2
- الموت مصير كل انسان
= ههه .. ايوه المصير المجهولز ايه فايده ملايين في ايدك لما يختفوا في لحظه و غصبن عنك !!
- اصرف فيهم يا أخي لغايه مايضيعوا... افرح انبسط. اعمل لدنياك كأنك تعيش ابدا و اعمل لأخرتك كأنك تموت غدا
= هه... اهي المشكله في كأنك دي

انت مين فيهم 5/3
- المشكله في الأيمان... اذا كنت مؤمن يبقي مافيش مشكله
= أنا مؤمن.. بس ليه ماعرفش. و مؤمن برضه اني هاموت.. ليه ماعرفش
- دي فلسفه انسان مش مؤمن. الأيمان الحقيقي اننا نعيش حياتنا و كل واحد يحاول يحقق اماله
= ايوه... و بعد مايحقق اماله !

انت مين فيهم 5/4
- يشوف أمل جديد يا أخي العلم بيحقق للأنسان فرص كتير للسعادهز العلم هايخلي حياتنا جنه لكن لازم نشتغل علشان نتمتع بيها
= هي دي ازمه الأنسان المعاصر اللي كشفها بيكيت. كل انسان متصور انه عايش وان حياته بتتطور الي أحسن. لكن الحقيقه هو بيقدم نفسه للموت بطريقه أو بأخري

انت مين فيهم 5/5
- مافيش حاجه من غير تمن ازمه الأنسان المعاصر ان الحياه بتفرض عليه العمل ليل ونهار علشان يعيشها وعلشان يأمن مستقبل أحسن لنفسه
= أحلام جميله. زي احلام التور اللي مغميين عنيه ورابطينه في الساقيه يفضل يلف ويدور لحد مايدوخ و يقع
- تفتكر كده ؟
= أفتكر اننا مش ممكن نتفق