محدش مهتم
دايمآ فكر نفسك ان محدش مهتم
محدش شاغل باله بيك
حرر نفسك من نظرة الناس واحكامهم
نجحت والناس باركولك وفرحولك
مجرد ما رجعوا بيتهم خلاص هينشغلوا بنفسهم وبحياتهم ونجاحهم هما
محدش عنده الطاقه والوقت انه يشغل باله بحياتك طول الوقت
لذلك انشغل انت كمان بنفسك
وحرر نفسك

متخليش الحافز الاساسي جواك انك تشوف الرضى و الانبهار و الاعجاب ف عيون الناس
الناس مش مضمونين
لعيب الكوره الجمهور بيرفعوه للسما لما يكون هداف ومع اول غلطه بينسوا كل ده و يشتموه !
الاهم من انك تنول اعجاب الناس
انك تنول اعجاب نفسك
اكسب نفسك واخسر ناس
احسن ما تكسب ناس وتخسر نفسك

تخيل لما تتحرر من الافكار دي
هتلاحظ انك كنت معطل نفسك
عامل زي سواق باص كل ما يمشي كيلو
ينزل يسأل الركاب ايه رأيكم في السواقه بتاعتي !
لو هتقف كل شويه عشان عايز دفعه معنويه وتسقيف وتشجيع مش هتمشي
لان مش كل مره هتسمع حاجه تعجبك
ممكن تسمع حاجه تحبطك
امشي صح
والدعم هيجي لوحده