السلام عليكم.
انا الحمد الله وصلت لهدفي في القدرات بعد جهد (ما شاء الله).. وأقدر أقول لكم ان الاختبار جداً سهل إذا بذلتوا مجهود وذاكرتوا من المراجع الصحيحة. حبيت اني اكتب لكم ثريد بسيط انقل لكم به تجربتي و اذكر لكم اهم المصادر لتشقوا طريقكم لأعلى الدرجات بإذن الله❤️❤️
انا الحمد الله وصلت لهدفي في القدرات بعد جهد (ما شاء الله).. وأقدر أقول لكم ان الاختبار جداً سهل إذا بذلتوا مجهود وذاكرتوا من المراجع الصحيحة. حبيت اني اكتب لكم ثريد بسيط انقل لكم به تجربتي و اذكر لكم اهم المصادر لتشقوا طريقكم لأعلى الدرجات بإذن الله❤️❤️
اولاً تعريف بسيط لاختبار القدرات: هو عبارة عن قسمين لفظي وكمي (وضعت امثلة للأسئلة في الصور) اسئلته تشبه الالغاز، مدته تقريباً ساعتين وينقسم لأربعة اقسام اثناء وقت الاختبار كل قسم فيه ٢٤ سؤال ومدة القسم الواحد ٢٥ دقيقة. يتاح للطالب ٥ فرص، اما ٣ محوسب و٢ ورقي، او العكس.
اختبرت محاولة ورقي و٣ محاولات محوسب، وفي اخر فرصتين ولله الحمد حققت هدفي (ماشاءالله). اول محاولة لي كان الاختبار محوسب، كنت ضايعة، بحكم إني الكبيرة في البيت و خبرتي في مجال القدرات كانت شبه معدومة. لكني سمعت بكتاب المعاصر واشتريته ولكن كنت ضايعة ومو عارفة كيف اذاكر منه
لكني حاولت امر على أغلب الأفكار، واللي ساعدني كثير الحمدلله ان تأسيسي في الرياضيات كان جداً حلو، فرغم تعثري في المذاكرة الا إني حصلت على درجة مرضية لأول محاولة. لكن ماش، الدرجة هذي ما ارضت ريا، ريا تطمح لأعلى!
سجلت للمحاولة الثانية بعد اختباري الأول بشهر وكان الاختبار ورقي. في هذي المحاولة زادت خبرتي شويه، واكتشفت ان فيه دورات، لكن للأسف ما كانت اعرف افضلها، و دخلت دورة ما استفدت منها، وهنا لازم أقول لكم:لا تدخلون أي دورة للقدرات الا بعد ما تسألون، بعض الدورات تضييع للوقت و المال
دخلت الاختبار الورقي لأول مره، لكن تكررت درجة الاختبار الاول . هنا أحبطت جداً، وأتذكر إني من كثر ما كنت محبطة من تكرار الدرجة، غبت عن المدرسة! لكن الحمدلله، هذا الحزن والاحباط كان بمثابة دافع لي عشان ارفع درجتي و احقق هدفي !
اخذت بريك لمدة سنة من اختبار القدرات، وقررت في هذي السنه اني ازيد من ثقافتي في هذا المجال، و دخلت لعالم التليقرام، و صدقوني اذا انت او انتِ طلاب في الثانوي و ما عندكم تليقرام، بتضيعووون. كان التليقرام بعد توفيق الله، هو السبب في درجاتي العالية.
بديت اسأل وابحث لين ما وصلت لطريقة مذاكرة، اعتبرها انا طريق لكنز عظيييييم لتحقيق اهدافكم، لكن من الان أقول لكم: ابذلوا جهد و أعطوا وقت ، القدرات يبغاله جد! وزي ما قلت ترا الاختبار اسهل مما يبدوا عليه بعد التأسيس الصحيح و التدريب المكثف!
بعد ما سألت عن أفضل دورة، لاحظت انه تكرر علي اسم دورة انا اسطوري ، فقررت اني اجربها، و التجربة كانت ولله الحمد ناجحة، استفدت منها كثير. تأسيسهم للكمي واللفظي أكثر من رائع!
بعد ما انتهيت من الدورة، توجهت لنموذج ١٠٥ لفظي، بالنسبة للاختبارات المحوسبة انصحكم: احفظوا نموذج ١٠٥ لفظي من الجلدة للجلدة، لا يرهبكم عدد الصفحات صدقوني اغلبها متكررة و سهله بالتكرار و المراجعة. اختبرت اخر محاولتين بعد حفظي لهذا النموذج، وأقول لكم ان اغلب القسم منه!
بعدها، بديت تدريب على الكمي، و صدقوني التدريب اهم بكثير من التأسيس، اذا تأسستوا صح، انتقلوا على طول للتدريب، بتخفقون في بداياتكم، لكن باستمرار التدريب بيتحسن مستواكم! بالنسبة لمراجع الكمي بذكرها لكم في نهاية الثريد.
دخلت المحاولة الثالثة بعد انقطاع سنة، و كنت جداً خايفة من تكرار الدرجة. لكن توكلت على الله و دخلت. و سبحان الله انصدمت من سهولة الاختبار! اللفظي كان حرفياً نسخ لصق من ال ١٠٥، و بالنسبة للكمي كنت احل اغلب الأسئلة بسهولة. و الحمدلله جبت درجة عالية!!!!! ما تصدقون قد ايش كنت فرحانه!
لكن زي ما قلت، ريا تطمح للأعلى و الأفضل دائماً! و اذا لاحظتوا قلت كنت احل اغلب الأسئلة بسهوله و ليست جميعها، و هنا عرفت خطئي، و رجعت اذاكر مره ثانية، و تدربت اكثر و اكثر، و دخلت المحاولة الأخيرة.
بديت اخر محاولة، و الابتسامة شاقة وجهي من سهولة الاختبار، و لأول مره احل و انتهي من الحل قبل ما ينتهي وقت القسم ب ١٠ دقايق! أسئلة الكمي كانت جداً سهلة! و جبت درجة جداً عالية الحمدلله! اعلى من المحاولة اللي قبلها! و كذا اكون انهيت رحلتي مع القدرات! الحمدلله ❤️❤️
مصادر المذاكره:
كتاب المعاصر ٦ بلس
دورة انا اسطوري
نموذج ١٢٠
تجميعات سايفر دوجو
كتاب الوسام القسم الكمي
نموذج ١٠٥ لفظي
كهف الفيلة
تقفيلات المعاصر
القوانين اللي في اخر كتاب " الأول في القدرات العامة"
اختبارات موقع المعاصر
كتاب المعاصر ٦ بلس
دورة انا اسطوري
نموذج ١٢٠
تجميعات سايفر دوجو
كتاب الوسام القسم الكمي
نموذج ١٠٥ لفظي
كهف الفيلة
تقفيلات المعاصر
القوانين اللي في اخر كتاب " الأول في القدرات العامة"
اختبارات موقع المعاصر
و اهم شيء الستريبات اللي تنزل من قبل اختباركم بأسبوع لين ليلة اختباركم، تلقونها في قنوات التيلقرام:
-تسريبات رغد
-تسريبات سحاب
-قناة منارة
ادخلوا قنوات طلاب، بتفيدكم مره، اذا عندكم أي سؤال يردون عليكم بسرعة و يفيدونكم!
-تسريبات رغد
-تسريبات سحاب
-قناة منارة
ادخلوا قنوات طلاب، بتفيدكم مره، اذا عندكم أي سؤال يردون عليكم بسرعة و يفيدونكم!
وفي الختام اعتذر إذا طولت عليكم، مع تمنياتي لكم بالتوفيق، ولا تنسوني من دعواتكم❤️❤️❤️
جاري تحميل الاقتراحات...