ثريد "
ابي انقل فيه تجربة لي ويشهد الله علي مابي الا اجر من الله ونقل هالتجربة اللي مليانه اشياء ماتنكتب مب لشي بس لان عقولنا اقل من انها تستوعب مثل هالاشياء وبنفس الوقت اللي جربها حرام مايحاول على الاقل ينقل شي منها ،
ابي انقل فيه تجربة لي ويشهد الله علي مابي الا اجر من الله ونقل هالتجربة اللي مليانه اشياء ماتنكتب مب لشي بس لان عقولنا اقل من انها تستوعب مثل هالاشياء وبنفس الوقت اللي جربها حرام مايحاول على الاقل ينقل شي منها ،
قصتي بدت بالظبط شهر ٣ عام ١٤٣٤ هجري . لي سنه متخرج من الجامعه وكل همي بالحياة وظيفة لدرجة صارت هاجس عظيم ومؤرق . ماخليت تقديم الا وقدمت فيه فعليا
يوم من الايام كنت سهران ومختم افلام لين ما قفل راسي . سكرت الشاشه وفتحت الجوال رسالة من شخص مايرسلي الا كل سنه مرة ( أجنبي عربي )
فتحت المقطع لقيته مقطع يتكلم عن الهموم والضوائق اللي تمر الانسان مقطع مدته اقل من ١٢٠ ثانيه ولكنه فعليا عمره ١٢ سنة ( وبوضحها بعد شوي )
المقطع عبارة عن كنز من ربي يقنعك وينتشل كل فكرة او رغبة عندك بابها مسكر . وعلى فكرة انا شاب مقصر جدا جدا بالدين
وكنت ما أخذ مقاطع من هالنوع باعتبار مهم الله المستعان . الا هالمقطع قرقع بقلبي وراسي وعجزت اتجاوزه كان اقسم بالله فيه صوت بداخلي يقول جرب هالباب جربه
المقطع كان يتكلم عن شي كان يمر على الف شخص ولاهو جديد
كان يتكلم عن صلاة الليل وعن قصص ناس تغيرت حياتهم من حال إلى حال بسببها بعد الله بس حنا مانصدق الا ماتقع عليه عيوننا ونعيشه ومستحيل نصدق القصص بسبب عمق احداثها اللي تصير وتسلسلها الغريب والغريب جدا
!
كان يتكلم عن صلاة الليل وعن قصص ناس تغيرت حياتهم من حال إلى حال بسببها بعد الله بس حنا مانصدق الا ماتقع عليه عيوننا ونعيشه ومستحيل نصدق القصص بسبب عمق احداثها اللي تصير وتسلسلها الغريب والغريب جدا
!
قررت من ذيك اللحظة اني ابدا اليوم وفعلا صليت اول ركعتين بحياتي فثلث الليل الاخير... اقسم بالله اقسم بمن احل القسم اني خُلقت من جديد وكل مابداخلي تغير شعور نفسي اكبر واعمق من انه ينكتب كان فيه اشياء كثير بصدرك انتهت وجاء محلها شي أقرب شي يوصفه كلمة ( طمأنينة )
يا ساتر يالراحة اللي بدت معي وعلى التغير اللي صارلي بنظرتي لكل هموم الدنيا كل شي حولي تغير اقسم بالله اني ابتسم لاشعوريا وكأني انخلقت من جديد بأفكار جديدة وروح اتعب واتعب كثير وانا اقول انها حية وفيها مليون شعور يبدأ براحة وينتهي براحة
ماوقفت جلست تقريبا شهرين مرتاح مرتاااااااااح فيه شي جميل جدا ينتظرني بيومي حبيت اللي انا عليه لأنه كأنه شعور يرفعك فوق عن الدنيا ولا يرجعك اقسم بالله يا جماعه اني احاول اختار كلمات مافيها مبالغة بس ماني قادر وتاكدوا ان كل كلمة تقرونها هي الوصف اللي احاول اوصل لكم نصفه
وقررت اني مع صلاة الليل اختار دعاء او ذكر اردده على لساني ووفقني الله ولزمت الصلاة على النبي لزمتها لزم ماتمر دقيقه الا وانطقها انساها اوقات نعم لكنها على لساني وقلبي بشكل مستمر بقوة واستمريت على هالحال إلى ....
إلى أن جاء يوم كل أحداثه عبارة عن انتشال انسان من على سطح الأرض وارتفاعه إلى مدى لايمكن ابد ابد وصفه يوم عشت فيه أقسى شعور رباني وأقوى درس تعلمته بحياتي وكأن كل وعود الله لعباده تسطرت فيه وكان كل قوى الارض اندثرت أمام قوة شي انا سويته ماستوعبت نتيجته ( استغفر الله عن هالشي )
اليوم المشهود توني طالع من صلاة الظهر جوالي يدق رقم ثابت غريب :
الو السلام عليكم فلان :
نعم تفضل
حياك الله معك فلان من الموارد البشرية التابعة ل ( جهة حكومية رواتبها ممتازة وكانت هالوظيفة أولى أحلامي . ) تعال اليوم الفلاني طابق بياناتك وترشيحك بعد ثلاث ايام مباشرة!!!!!!
الو السلام عليكم فلان :
نعم تفضل
حياك الله معك فلان من الموارد البشرية التابعة ل ( جهة حكومية رواتبها ممتازة وكانت هالوظيفة أولى أحلامي . ) تعال اليوم الفلاني طابق بياناتك وترشيحك بعد ثلاث ايام مباشرة!!!!!!
هنا انا ابي اقول شي ماقدرت ابي اتكلم عجزت عجزت ياجماعة لدرجة ان الرجال ينادي وبالقوة سحبت نفسي وقلت الحمدلله ( بس ) ولاذذكر وش رد علي انا هنا امشي وودي احس باطرافي واللي قاعد يصير حولي ماقدرت !! مدري شلون وصلت البيت اهلي يكلموني إلى هالحين احس اني بحلم ماني بالدنيا
هو صوت الشيخ اللي بالمقطع هو دعاي بسجود صلاة الليل هو صوت بداخلي يقول القوي العزيز القوي العزيز صدى أصوات بداخلي ماهب طبيعي!!!
مع هاليوم عجزت اترك صلاة الليل والصلاة على النبي افوت احيانا صلاة الليل يوم يومين بالكثير بس ارجع لها لاني ادري وش تخبي لي عموما انا قلت حاجتين هي الأقرب انها تتصدق ولو اقول وش حصل غيرها اخاف من ضعف بني آدم انه مايصدق والله والله انه شي مايوصف ولا يقال
قبل اختم كلامي انا كان تقديري الجامعي مقبول توظفت قبل ناس معدلها ٤ وشوي وكانت تهايط بالواسطة توظفت وترقيت هم لازالوا يبحثون
نصيحتي وبكل اختصار لاني ادري ان كثير تشبعوا وصار هالكلام مستهلك ولا يحرك فيهم شي ولكن اقسم بالله ان كل أحلامك موجودة بسجادة وصلاة اخر الليل وصلاة على النبي وانت حر اما تستمر على ما انت فيه او انك تقرب القدر والرزق بأقرب وقت من معجزة إلهيه تبكي عيونك فرح
وللعلم فيه اشياء روحية تجيك من صلاة الليل لو تحفر حياتك كلها ماتوصلها: الذكاء سرعة البديهة الحفظ الصحة وقبل كل هذا الملائكة تذكرك وتثني عليك وتققدك اذا مر يوم وماصليت يكفي ان الله جل جلاله يتباهى وهو الغني عنك بأنك تركت ملذة من ملذات الحياة وقمت قاصد وجهه الكريم
ختاما .. كلامي طويل جدا ولكن ورب محمد اني اختصرت قدر الإمكان وبختصر كلامي بكلمتين
قوة العزيز الجبار خلت جميع زملاي بلا استثناء يقولون لي بالحرف الواحد انت معك واسطة قوية ولا شلون توظفت قبلنا شلون !!! وبعضهم عرض علي مبلغ عشان اتوسط له .. كنت وبكل برود ارسل لهم صورة ( سجادة )
قوة العزيز الجبار خلت جميع زملاي بلا استثناء يقولون لي بالحرف الواحد انت معك واسطة قوية ولا شلون توظفت قبلنا شلون !!! وبعضهم عرض علي مبلغ عشان اتوسط له .. كنت وبكل برود ارسل لهم صورة ( سجادة )
انتهى كلامي ومانتهت رغبتي باني اوصلكم وشهي الأشياء الثانية اللي حصلت معي ولكن للأسف اني تجنبتها خوفا من اعتقاد البعض اني جالس احكى واسرد خيال مو واقع واقسم بالله .. وترى اللي حصل معاي اكبر واكبر من وظيفة وفلوس
( اللهم صل وسلم على نبينا محمد )
وعن عظيم قدرت الله تحدثت بالقليل .
( اللهم صل وسلم على نبينا محمد )
وعن عظيم قدرت الله تحدثت بالقليل .
جاري تحميل الاقتراحات...