كلنا عدي علينا يوم فكرنا فيه انه مش هيطلعله شمس.. قلوبنا مش هتشوف نهار.. كلنا عشنا اللحظة اللي حسيناها أصعب لحظة ، اللي تصورنا عندها ان الحياة وقفت.. و ان الدنيا ضاعت هنا.. لحظة ما كل قوانين الكون خالفتك.. وكل احتمالات النجاة ضاعت منك ، وآمنت ان دي النهاية.
و لك ان تتخيل.....

اللحظة دي عدت واليوم دا خلص والشمس طلعت جايبة نهار جديد.
وفي ايام كمان نسيت اليوم دا اصلا.. كملت عشت ويمكن فرحت اكتر من اي وقت قبلها ، ولقيت حاجات ماحلمتش يوم حتي توصلها .
الخلاصة : الأصعب يوم دا كان مجرد اختبار ، بس مكانش آخر يوم.. كان صعب ، بس مكانش النهاية..

كان وجع بس مش موت.
طول ما لسه فيك نفس وقلبك بينبض.. كمل مشوارك بكل تفاصيله عشان محدش عارف النهاية فين او امتي.. عشان محدش عارف هيوصل ازاي او مع مين .
كل اللي عليك تسعي وتكمل بقلب وشغف مهما قابلت صعب .