تتذكر "البيوس BIOS"، هذا التطبيق الموجود على ذاكرة القراءة فقط ROM في كل الحواسيب والمسؤول عن تشغيل كمبيوترك. أبشرك أنه أخيراً تم تحديثه، والحين ما تحتاج تقعد تضغط على F2 أو F3 أو F9 أو خليط منهم في لوحة المفاتيح مثل المجنون لما تعيد تشغيل جهازك عشان بس تقدر تفتح البيوس. (يتبع)
طيب إيش هو البيوس الأول؟ هو برنامج لازم يكون المُصنع محمله على ذاكرة القراءة فقط ROM الموجودة على اللوحة الأم Motherboard لأي حاسوب عشان يخليك تتفاهم مع الكمبيوتر حتى بدون وجود أي نظام تشغيل محمل على الجهاز. (بتبع)
بالتالي إذا جيت تثبت نظام تشغيل جديد على جهاز فاضي، فتروح للبيوس وتقله وين يلاقي ملفات تثبيت النظام الجديد (اللي ممكن يكون على CD أو ذاكرة فلاش Flash Memory Stick أو غيره) فيقرر البيوس أنه "يقلع Boot" من المكان اللي انت حددته لين لما ينتهي من عملية التثبيت. (يتبع)
وبعد تثبيت نظام التشغيل على القرص الصلب HDD أو SSD، فالبيوس هو اللي بيقول للجهاز أول ما يبدأ أنه يشتغل وين يلاقي ملفات نظام التشغيل اللي مفروض يشغلها عشان يفتح الجهاز. وهو اللي يسوي فحص مبدأي على عناصر الكمبيوتر من شاشة ورام RAM وغيره، ويوقف تشغيل الجهاز إذا لقاها متعطلة. (يتبع)
طبعاً فيه خيارات Settings معينة ممكن تغيرها في البيوس وتحفظها بحيث ما تتغير لما تعيد تشغيل الجهاز. بالتالي فمن غير الدقيق إنا نقول أن البيوس موجود بالكامل في "ذاكرة قراءة فقط". من هذه الخيارات الساعة، ومن وين يقلع Boot في كل مرة تشغل الجهاز. (يتبع)
إسم ال"بيوس" هو إختصار ل"نظام الإدخال والإخراج الأساسي" Basic Input/Output System (BIOS). عشان يقوم البيوس بعملية الإقلاع، فهو يبحث عن مجموعة بيانات في المكان اللي محدد أنه يقلع منه (في العادة يقلع من القرص الصلب لأن نظام تشغيل يتخزن هناك، لكن ممكن تخليه يقلع من ماكن ثاني).(يتبع)
مجموعة البيانات اللي يبحث عنها البيوس تأتي ضمن تقسيم خاص Partition بأقراص التخزيم يُعرف بسجل الإقلاع الرئيسي Master Boot Record أو إختصاراً MBR وراح أشرحه في تغريدة منفصلة مع الفرق بينه وبين غيره. (يتبع)
شكل البيوس قبيح وكثير منا يتذكره بهذي الشاشة الزرقاء. ويشتغل البيوس هذا بنفس الأسلوب دون تحديث من أيام أنظمة الدوس MS-DOS (أيام لما كان التعامل مع الكمبيوتر يتم بس من شاشة سوداء دون صور). (يتبع)
البيوس كان يحتاج لتحديث من زمان لأنه فيه عيوب راح نرجعلها تحت، بالتالي طورت شركة أنتيل Intel مواصفات متطورة للبيوس عام 1998 وسمتها واجهة التطبيقات القابلة للتوسع Extensible Firmware Interface (EFI) وثبتتها شركة أبل في أجهزة الماك Mac عام 2006 لكن بقية المصنعيين ما تبنوها. (يتبع)
المشكلة أن البيوس يحتاج تعاون من عدة مطورين وهم مصنعيي اللوحات الأم Motherboard والمعالجات، بالتالي لازم يكون بينهم إجماع. وهذا تحقق عام 2007 (اللهم لك الحمد) بين أنتل Intel و AMD ومايكروسوف وغيرهم على مواصفات جديدة للبيوس. (يتبع)
تمت تسمية المواصفات الجديدة بواجهة التطبيقات القابلة للتوسع الموحدة Unified Extensible Firmware Interface أو إختصارا UEFI. لاحظ أن كلمة "بيوس" ليست إسم لمفهوم، بل إسم للتكنولوجيا اللي راح يتم إستبدالها. فالمفروض إني إستخدم كلمة UEFI في بقية هذا الثريد. (يتبع)
لكني مثل معظم الشركات راح أستعمل كلمة بيوس BIOS لأن الغالبية تعود عليها. طبعاً تم البدء بدعم البيوس الجديد (الUEFI) في أنظمة مايكروسوف إبتداءاً من ويندوز فيستا Windows Vista وهو الرائج في أغلب الحواسيب الجديدة حتى اليوم. (يتبع)
ونظام البيوس القديم (اللي إسمه بيوس BIOS مثل ما وضحت فوق) تم إستبداله تماماً في كل شرايح أنتيل Intel اللي تم تصنيعها إبتداءاً من السنة الماضية 2020. الحواسيب الجديدة لسة تستخدم مصطلح بيوس BIOS عشانه أشهر للناس، مع إنها تحتوي علىUEFI وليس BIOS. (يتبع)
البيوس القديم كان فيه مشاكل، منها أنه ما يقدر يشغل نظام تشغيل (يقلع) من أقراص سعة تخزينها أكبر من2.1 TB. طبعاً هذا كان مقبول زمان، لكن اليوم فيه أقراص تخزين بمساحة أكبر من كذا. البيوس القديم كان يشغل المعالج على طور ال 16 بت Mode وله مساحة 1 MB بس من الرام مسموح يشتغل فيها(يتبع)
هذي الأمور خلته ياخذ وقت أطول عشان يفحص أجهزة الهاردوير المختلفة لما تشغل الحاسوب واللي بدوره يخلي عملية التشغيل أبطأ. بالمقارنة، فال UEFI يقدر يقلع من أقراص يصل حجمها حتى 9.4 زيتا بايت Zettabytes. (يتبع)
السبب اللي يسمح للحجم أنه يوصل لهذي الدرجة هو أن الUEFI يحتاج لنظام تقسيم لقرص التخزبن Partitioning إسمه المختصر GPT ويختلف عن نظام الMBR اللي يشتغل مع البيوس القديم. فمع تقسيمة GPT، البيوس الجديد UEFI بس يشغل تطبيق ال EFI (اللي ذكرناه فوق) عشان يبدء الجهاز الإقلاع. (يتبع)
ما فيه طريقة إنك تحدث البيوس القديم BIOS ل UEFI على حاسوبك لأن الهاردوير Hardware هو اللي لازم يدعم ال UEFI. بالتالي لا مفر من شراء عتاد جديد. لكن ال UEFI في معظم الحواسيب يقدر يحاكي البيوس BIOS القديم (Legacy Mode)، فتسوي كل اللي في خاطرك من خيارات الإقلاع وغيره. (يتبع)
من مميزات ال UEFI هو خاصية الإقلاع الآمن Secure Boot اللي تشيك على صلاحية نظام التشغيل وأنه ما فيروسات تلاعبت فيه قبل ما يبدء الإقلاع. لا تشوف أن التحديث من BIOS ل UEFI مجرد تحديث لبرنامج، بل هو أقرب لتحديث نظام تشغيل مستقل على شريحة خاصة. (يتبع)
وممكن تحط البيوس الجديد UEFI على ذاكرة فلاش على اللوحة الأم أو تشغله من قرص صلب أو تخلي الشبكة Network تشارك وتقرر عملية الإقلاع. ومن الميزات إنك تقدر تشغل البيوس الجديد من داخل نظام التشغيل نفسه (من قائمة إبدأ) كأنه برنامج كمبيوتر بدل معاناة الوصول له أثناء تشغيل الحاسوب. (يتبع)
مصنعي الحواسيب يحاولوا يخلوا عملية الإقلاع أسرع، بالتالي راح يتخلوا عن عملية دخول البيوس بإستخدام أزرار معينة (مثل F2 أو F10) أثناء تشغيل الحاسوب. لكن اليوم الكثير من المصنعين لسة داعمين لعملية دخول البيوس البدائية هذه بسبب تعود الناس عليها.
جاري تحميل الاقتراحات...