معنديش معلومات كافيةعن سبب انتحارالبنت واي كلام هقوله هو مجرد تخمين ..انما اللي اقدر اقوله( احتووا ولادكم)الاحتواء والتقبل حتى لو أجرموا..مهما اختلفتم معاهم وضحولهم احترامكم لرأيهم..الفلوس والنجاح والمظهر الاجتماعى مش اهم من ( التواجد في وقت احتياجهم) مهما كان اختياجهم تافه!

في الفترة الأخيرة لاحظت..ان اغلب الاباء معتقدين ان ولادهم عايزين منهم( احتياجات مادية فقط) يا جماعة الماديات مهمة طبعا لكن مش اهم من التواجد الخقيقي، تكون موجود وقت فشله وانهياره و تحضنه الاول قبل ما تلومه، الاحتياج انهم يتشافوا من جوا قبل برا.. الاباء مش شايفين غير سلوكيات

اب يكتشف ان ابنه بيدخن/يشرب/يسرق يقوم مركز مع السلوك ده و ليل نهار يهزأه او يهمله.. انما مش بيحاول يوصل لابنه انه كأب محتاج يطمن عليه ويحميه من الأذى!! وام شافت بنتها مصاحبة ولد، تقوم تتعامل معاها غلط وتركز عالتصرف بدل ما تبحث ايه احتياجها وراء سلوكها دا !!

لغة التواصل بين الاباء والامهات من جهة وبينهم وبين ولادهم من جهة تلاشت و استُبدلت ب الأوامر و اللوم والنقد والسخرية .. وردود باردة و مقارنات..
محتاجين نتواصل بجد ..مش بس نتكلم ونسمع!! انما نشوف الاحتياجات و نقر بالمشاعر ونصدق عليها... الزواج والخلفة مش صدفة محتاجين نتعب شوية!

مش هبطل اتكلم عم اهمية التواصل الحقيقي الفعال بين افراد الاسرة ..اللي استُبدل بتواصل زائف غير واقعي..
اشباع الاحتياج ده من وجهة نظرى مش مختاج لا وقت ولا فلوس!!محتاج أب وأم متواجدين،مهتمين بنفسهم و صحتهم النفسية اولا ..أب وام عارفين يختلفوا بوعى وبالتالي يا يكملوا يا ينفصلوا بوعى