معشر الأخوات عندي كلام لا أظنه يتوجّه لكنّ ابتداءً ، لكن احملنه لمن هن خلفكن من الفتيات ..
قبل المغرب بنص ساعة تقريبًا كنت رايح لمشوار وانا في الطريق شفت سيارة واقفة على طرف الشارع وقفة غريبة ، نزل منها شاب ضخم بسرعة ومعه شيء في يده توهّمت انه جوال .. قفل باب السيارة بقوة ورمى اللي بيده خلف سور ورجع بسرعة فتح باب السيارة
بهذي اللحظة انفتح باب الراكب ونزلت منه بنت ، واضح من هيئتها وزولها انها صغيرة جدًا ، نزلت بسرعة وركضت عكس اتكاه السيارة ونزل الشاب وراها بسرعة بعد ، ضربها ، سحبها من شعرها ، رجعها للسيارة .. كل هذا المشهد كنت اشوفه في مراية موتري ، ما قدرت اترك الامر يمر كذا فرجعت له من الحارة ..
على بال ما رجعت كانت سيارته اختفت ، ولا أثر له ، ولا للبنت ، ولا الشيء اللي رماه .. كل القرائن كانت تدل على ان فيه شيء مريب .. هيئة الشاب وسيارته وهيئة الفتاة أيضًا ! اتصلت بالشرطة وحاولت ابلغ ورحت لمبنى مجاور طلبت لقطات الكاميرا بالوقت اللي حصل فيه الأمر وحاولت بكل ما اقدر ..
لكن ما حصلت على شيء .. وصار البلاغ مسجّل ضد مجهول وحال الضحية كذلك.
هذا الامر والله يقهر يقهر يقهر ، ولا هو أول مرة أشوفه بعيني..منظر فتاة صغيرة جدًا برفقة شاب لا يمكن ان يكون محرم لها بوضع مريب صار يتكرر كثير ، ولا ادري هل تعي هذه الفتاة وش المخاطر اللي ممكن تتعرض لها بهالحال!
هذا الامر والله يقهر يقهر يقهر ، ولا هو أول مرة أشوفه بعيني..منظر فتاة صغيرة جدًا برفقة شاب لا يمكن ان يكون محرم لها بوضع مريب صار يتكرر كثير ، ولا ادري هل تعي هذه الفتاة وش المخاطر اللي ممكن تتعرض لها بهالحال!
يعني اذا تجاهلت الفتاة الحكم الشرعي وضعِف وازعها الديني وغابت عنها رقابة الأسرة وكل هالأمور .. ما يجي ببالها وش ممكن يسوي هذا الشخص؟ وش اللي ممكن يردعه عن اي فعل سيء؟ وش اللي ممكن يردّه عن ضرب او ايذاء او اغتصاب أو حتى قتل! هل تدرك هذه الفتاة انها تضع روحها بين يدي مجرم!
بيئتك اللي تظلمك وتعنفك او تتجاهلك ميب عذر ، زميلاتك اللي يطلعون ويروحون ويجون ماهم عذر ، الشاب اللي فجأة يطلعلك كملاك ينقذك من بؤس الكون ويهتم بك ويرعاك ويتغزّل بك مو عذر ، هذا المسلسل اللي ينتهي بخروج لن يُلام عليه إلا أنتي .. اي ضرر ممكن يلحقك فما أحد ينلام غيرك فيه
لانك انتي اللي تملكين خيار الردع ، خيار التجاهل ، خيار الاعراض ، من البداية ..
أنا هنا أتكلم وأنا أعرف كيف يفكر الداشر ، كيف ينظر للفتاة ، كيف يتعامل معها ، وش دوافعه للخروج ، وش غايته من ذلك .. تفكرين ان مو كلهم سوا ؟ فارسك الابيض مختلف ؟
أنا هنا أتكلم وأنا أعرف كيف يفكر الداشر ، كيف ينظر للفتاة ، كيف يتعامل معها ، وش دوافعه للخروج ، وش غايته من ذلك .. تفكرين ان مو كلهم سوا ؟ فارسك الابيض مختلف ؟
فعلاً .. مو كلهم ممكن يقتلونك ، لكنهم يتدرّجون من نظرة تسليعية استغلالية إلى أن يصل للاغتصاب والضرب والايذاء الجسدي .. هذا كله اذا تجاوزنا قضية الايذاء النفسي وما ينتج عنه من اكتئاب ونوايا انتحار وغير ذلك
مراكز الشرطة تعجّ بالقضايا والمآسي ، أرشيف مراكز الهيئات يطفح بقضايا الخلوة والابتزاز ، سجلات المرضى تفيض بحالات الاعتداء والاغتصاب ، المراكز النفسية تنبئ عن احصائيات محاولات الانتحار المتزايدة .. فلا تكوني الضحية القادمة.
جاري تحميل الاقتراحات...