ثريد عن الملاحظات اللى ركزت عليها وفادتني جدا كـ Software Developer بعد حوالي ٣٠ انترفيو في شهر كامل يمكن تفيد أي حد بيحاول يلاقي وظيفة كويسة أو يعمل relocation لأوروبا (أنا بتكلم هنا عن اوروبا)
ملحوظة: السفر سهل والطلب عالي جدا، مش مطلوب منك غير انك لا تيأس من الرفض وتكون منظم
ملحوظة: السفر سهل والطلب عالي جدا، مش مطلوب منك غير انك لا تيأس من الرفض وتكون منظم
١- الرفض وحش أكيد، بس انا مع كل انترفيو عملته اتعلمت حاجة جديده فادتني في اللي بعده، بعد ٥-٦ انترفيوهات انت نفسك هتبقي عارف هتتسأل في ايه ومستواك هيتحسن في المقابلات وهتزيد جرأة .. لو فيه شركة في دماغك عجباك خليها في الآخر بعد ما تجرب، انا نفسي كان حد يقولي دا في الأول
٢- مبدأيا الـ CV ودا ليه مصادر كتير موجودة اونلاين، ودا مهم في عملية الـ screening علشان بس تخطف عين الـ recruiter ويكلمك .. تختصر قدر المستطاع وتركز ع المهم والشغل اللي انت فخور بيه بس، وطبعا مهاراتك والـ summary ٣-٤ سطور بلاش نحكي قصة حياتنا
٣- بعد دا، غالبا بيكون فيه اما culture fit أو technical علي حسب الشركة. خليك دايما فاكر ان الانترفيو مش بس من طرف واحد، لأ انت كمان بتـ انترفيو الشركة ودا هيعزز موقفك ويديك ثقة بنفسك، واسألهم كتير دا هيبين انك ع الاقل مش بتخاف تسأل.
٤- لو اتسألت في حاجه متعرفهاش خالص قول "معرفش، بس ياريت اعرف الاجابة؟"، دا هيبين حاجتين أولهم انك مبتفتيش، تانيهم انك حابب تتعلم وبتقدر أي معلومة جديده تدخلك.
٥- لو اتسألت عايز تسيب شركتك الحالية ليه، وحتي لو كنت انت ومديرك ضاربين بعض بالجزم، أوعي تقول كلمة وحشة عليهم، لأنك لو اتقبلت في المكان الجديد ايه هيضمنلهم ان بعد سنتين مش هتعمل نفس الكلام وتسوء سمعتهم؟ اذكر بس انك بتدور علي مكان أحسن تتعلم فيه اكتر او بتدور علي relocation.
٦- لو اتسألت عن الانجازات اللى حققتها في شركتك، خليك دايما مجهز أرقام أو مشاريع تقولها لان دا هتتسأله غالبا في كل انترفيو. ولو متسألتوش اذكره في المطلق لأنك داخل الانترفيو تبيع نفسك وخبراتك، وياريت لو فيه موقف او اتنين حلوين حصلوا وانك انقذت الـ production قبل ما كارثة تحصل مثلا
٧- أنا شخصيا مش مهتم بالـ algorithms ولا الـ DS واللي كنت فاكرهم عائق قدامي، لكن الحقيقة الاغلب عايزين حد فاهم السوق وقادر يحل مشاكل البرودكت ويفهم الزباين كويس والماركت بتاعه، طبعا لو معاك المذكورين فوق فرصك أعلي بمراحل، انا بس مش مهتم وعندي طريق تاني بعيد عن وجع القلب.
جاري تحميل الاقتراحات...