واحد من أهم الدروس اللي اتعلمتها في الشغلانة ان عمرك ما تحرق جسور مع الناس اللي كنت شغال معاهم وانت بتغير الشركة/التييم/مسئولياتك. الناس نادرا ما بيكونوا شر مطلق محتاج تتجنبه للابد، بس سياق الشغل بيخلي العلاقة تختلف ..
سياق الشغل بمعني وجهات النظر، المسئوليات، الضغوطات، العوامل الخارجية الاخرى اللي ممكن تخلي علاقة العمل سيئة. بس اول ما بتشيل كل العوامل دي مع التغيير، ممكن جدا العلاقة تتغير للافضل.
كان عندي كذا علاقة عمل سيئة مع كذا شخص قبل كدة، وانا/هما بنغير الشغل قاومت نفسي بشدة اني اعمل تصرفات سخيفة احرق بيها الجسور للابد، وهما كمان عملوا كدة، النتيجة ان بعد فترة وبعد زوال كل العوامل الخارجية بقى في علاقة مفيدة.
مش هتدعي اننا بقينا صحاب، بس بقى في فرصة لتحقيق مكاسب متبادلة.
حاجات ممكن تعملها ما تضركش وتفيد الطرف التاني، وحاجات ممكن تطلبها تبقى مفيدة ليك وما تضروش، ويبقى في منفعة متبادلة. حد حكيم قالي قبل كدة ان العلاقات تصنع النجاح، وده حقيقي، من غير ما بتبقى بتيجي على حد تاني.
حاجات ممكن تعملها ما تضركش وتفيد الطرف التاني، وحاجات ممكن تطلبها تبقى مفيدة ليك وما تضروش، ويبقى في منفعة متبادلة. حد حكيم قالي قبل كدة ان العلاقات تصنع النجاح، وده حقيقي، من غير ما بتبقى بتيجي على حد تاني.
النصيحة: قاوم الافكار بتاعة "انا هعمل كذا كذا وانا ماشي وما حدش ليه حاجة عندي، وخلصنا منهم خلاص" والكلام ده، دي عادة بتبقى وليدة الضغوطات والحالة الذهنية الحالية، اللي ممكن جدا جدا تتغير مع الوقت. وانت ماشي حتى لو غاضب، خير الكلام ما قل.
وطبعا الكلام ده لا يشمل اي خلافات فيها أذى مادي أو معنوي حصل في علاقة الشغل دي، واى حاجة يعاقب عليها القانون. الكلام ده عن خلافات الشغل اللي دماغنا بتكبرها في ساعتها وتحسسنا انها كوارث :)
جاري تحميل الاقتراحات...