ميت ألف فرصه عشان أسيب مصر ولاعمري سبتها
علشان هى بلادي اللي بجد بحبها،بحبها بكدبها وصدقها
بحب فيها أصالة وندالة أهلها
بحب فيها السهر بحب زيفها وأصلها وبحب فيها طلعة الشمس تنور وشها بحب فيها القمر طالع يغازل حسنها
بحب فيها المشي على شط
نيلها وبحرها بحب فيها بناتها راسمين ملامح

شعبها دي بنت مايصه وحاطه ورده فـشعرها ودي بنت جد ونازله جري لشغلها هتلاقي فين بلد فيها الكنايس والجوامع بتحضن بعضها مسلم مسيحي إخوات راضعين طيبة من صدرها
نبع الحنان ويناموا حاضنين
أرضها هتلاقي فين تاني بلد
كل حاجه فيها تخليك تحبها
هتقولي ظالمه هقولك برضو بحبها هتقولي ضلمه 👇

مهو ده سواد شعرها هتقولي زحمه هقولك علشان بنعشق أرضها
هتقولي فيها فساد هقولك ده من طيبة شعبها جرب كده تسهر لوحدك علي ضف نيلها وحبها جرب تشوف بنت حلوه مع شاب واقف جمبها بيحبها شايل في قلبه هموم الدنيا كلها وبرضو بيحبها جرب كده تاكل دره وترمس علي شطها وتشوف وشوش الناس وإضحك زيها👇

طب وإنت ماشي لوحدك
ووقعت فمشكله
مش بتلاقي ألف واحد
جمبك بيحلها لاتعرفهم ولايعرفوك بس جمعكم حبها
اهي هي دي مصر
زحمه ظالمه فاسده ضلمه مش مهم ده كفايه خفت دمها
هأفضل لمصر أقول وأعيد
أنا أصلي عااااشق ارضها
🌱عمنا صلاح چاهين🌱