رتبها

🚩 تفكر تسوي اعلان او تسويق عند مشهور ؟؟
🚩 متى يصلح تعلن عند المشاهير ؟؟
🚩 وش الفرق بين اعلان عند مشهور وبين اعلان ممول ؟
✅ تعال نحسبها حبه حبه ونشوف ..
#ثريد لرواد الأعمال المحتارين بين الاعلان عند المشاهير ام لا ..
- ضروري تكون مروق 👌🏽
#تسويق
- تابع معي ..

- ما يختلف اثنين على ان فيه مشهور وفيه مؤثر لكن احنا بنطلق كلمة مشهور على الاثنين ..
- راح نفترض انهم مشاهير سناب شات والمقارنة بين المشهور والاعلان الممول بتكون على نفس السناب شات ..

- وكل الناس لما تفكر بعمل تجاري على طول وبدون تفاهم، الخطة تكون اعلان عند مشهور !!
- والسبب طبعا هو عدد المتابعين اللي عند هذا المشهور ..
- بس فيه شي كذا معلومة سريع سريع بقولها لك ..

- غالبية الناس اللي يبي يبدا في التجارة وش يسوي ..
1- يدور المنتج
2- يغلفه
3- يفتح متجر
4- يحط خطة تسويق
- الخطوة الاخيرة ❌
- المفروض التسويق يبدا قبل شراء المنتج والبدء في اي شي ..
- مالك في الطويلة ..

- جهل التجار بالمنصات الاعلانية هو اللي يخليهم يروحون للمشاهير ..
- او ممكن تجاربهم السيئة مع حملات اعلانية فاشلة !!
- عموما اذا المشهور يتابعه 4 مليون مثلا ممكن ما يكونون فئتك المستهدفة !!
- يعني هل متابعين المشهور هم الناس اللي تتوقع بيشترون منتجك والا لا ؟

- الزبدة :
- متى تعلن عند المشاهير ؟
- حالة وحده فقط اقولك رح عند مشاهير !!
- إذا كان عندك منتج واسع الانتشار ويباع في نقاط بيع كثيرة ..
- مثلا منتج زي تويكس او كتكات او مثلا كلوركس او شامبو… الخ

- تقدر انت تسوي علامة تجارية مسجلة وترسلها لمصنع في الصين يحفرونها على المنتج اللي تختاره..
- وتجيب كميات وترسلها لنقاط بيع متعددة وياخذون عليك نسبة ..
✔️ في هذي الحالة اقولك رح للمشاهير !
- ومشهور واحد احياناً غير كافي، احيانا لازم اكثر من مشهور عشان تخلق زخم واسع ..

- وهذي الطريقة يسوونها الدول والمنظمات الكبيرة زي ببسي وكوكا كولا … الخ
- اذا انت متجر صغير ليش تروح لمشهور ؟
- اذا نجح الاعلان بتتدمر سمعتك ! لانك ما تقدر تغطي حجم الطلب الهائل !!
- راح تستقبل الفلوس من الناس وبتتاخر عليهم في التوصيل وبتبلش بلشة ما قبلها ولا بعدها ..

- ولو فشل الاعلان - وهذا معظم اللي يصير - بتصير طيرت مبلغ محترم تقدر تسوي فيه اشياء كثييييييرةً..
- وهذا بياخذنا للسؤال التالي :
- وش الفرق بين اعلان عند مشهور وبين اعلان ممول ؟
- تعال خل نشوف الفروقات ثم نحسبها انا وياك ..

- الاعلان الممول تقدر تحدد منطقة معينة وعمر وجنس معين وناس عندهم اهتمامات معينة، كل ذولي تخليهم يشوفون اعلانك … وتقدر تخلي الاعلان يتكرر ظهوره في اليوم الواحد 3 مرات مثلا لمدة شهر ..
- اما المشهور والله ان تبطي عظم 😂
- المشهور بيعطيك احصائيات بسيطة مالها ذاك التأثير القوي ..

- والمشهور بيسوي اعلانك مره وحده وتأثيرة بيمتد يومين ثلاثة وعقبها ينتهي كل شي .. هذا اذا أثّر !
- المشاهير ياخذون مبالغ ضخمة مقارنة بالمنصات الاعلانية ..
- مثلا : انا مره تواصلت مع مشهورة ..

- تدرون كم بتاخذ عشان تحط صورة الاعلان في سنابها .. بس صورة !
- طلبت 7500 ريال 😳
- لمدة 24 ساعة فقط !
- والمشاهدات من 400 الى 700 الف !!!!!
- هل تعلم 😂
- انك بـ 5250 تقريبا تقدر توصل لمليون ظهور طوال 30 يوم 😂
- لا وتطلع كل يوم لهم 😂😂😂

- تخيلت الفرق !
- طيب تعال نحلل المبلغ اللي بتعطيه مشهور، وش تقدر تسوي فيه لو بتحطه في سناب شات !!
- اللي يتابعه 4 مليون بيطلب منك مبلغ لن يقل عن 70 الف ريال ووصل بعضهم الى 100 الف
- خلنا نفترض انه 70 الف تمام

- حنا الان بنسوي حملة لمدة 6 اسابيع ..
- وكل اسبوع بيطلع اعلانك للناس 5 مرات ..
- نهاية الحملة بيشوفون اعلانك 30 مرة 😂
- 4 مليون لمدة 6 اسابيع بتكلفك تقريبا 30 الف 👍🏼
- حط 5000 ريال على حملة بحث على قوقل لان الناس بعدين بتبحث باسمك على قوقل ضروري تكون مستعد هناك

- كذا صرفنا 35 الف ..
- باقي 35 الف يمديك تصور فيها مسلسل عن منتجك 😂
- اقصد يمديك تسوي مقاطع اعلانية مرة رهيبة فيها ناس يمثلون وموسيقى وحركات ..
- لازم تراعي مراحل العميل في كل مقطع من التوعية الى الاهتمام ثم الشراء ..

- تقدر تقلص المشاهدات من 4 مليون الى مليونين ..!!
- الـ 15000 الباقية تستخدمها في بقية مراحل الفنل البيعي ..
- ترى هذي دراسة مش حالك والا لو تقعد عليها مضبوط تراك بتعين خير من ذا الـ 70 الف ..
- يارب اني قدرت اغير نظرتك عن المشاهير وانه مهوب اي اعلان تقول مشهور ..

وصلنا للنهاية 💔 ..
استمتعت بصحبتك 😘
☝🏼لا تنسى المتابعة👈🏼 @khattaf1
لايك + رتويت لا هنت يا صديقي❤️
🙏🏼 عشان يستفيد غيرك ✔️
وعشان تدعم حسابي 🌹
🔽 جميع ثريداتي هنا 🔽
bit.ly
❤️ نلتقي قريباً إن شاء الله في ثريد آخر

bit.ly/3yPkfpx

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد