رتبها

Badly Decayed Mamdouh

12 تغريدة 380 قراءة Sep 11, 2021

وقت ما الكورونا كانت ناهشة مفاصل البلد ومصالح الناس متعطلة والشغل كله واقف،كل رجال الأعمال بما فيهم كبيرهم نجيب ساويرس سرحوا موظفين عشان يخفوا عمالة ورواتب،الحج محمود العربي قعد الناس ف بيوتها مسرحش موظف واحد وصرفلهم فلوس زيادة ع المرتبات كمان عشان الظروف الصعبة دي و قال نصاً(1)

لو مش هيبقي معايا جنيه مش هقطع عيش حد...راجل خد الدنيا سبيل للآخرة، يا بخته الليلة دي و الله نحسبه في مقعد صدقٍ عند مليك مقتدر ❤️

ماذا بينك و بين الله عشان كل الناس دي تعرفك و متعرفكش و لكن مجرد بتسمع عنك فتدعيلك ؟
٢٢ الف موظف كان بيقول عليهم انا ربنا كرمني بيهم و شغالين معايا محدش شغال عندنا، بدأها ان ربنا مأكرموش بالعلم و قال انه وقف تعليم في رابعة ابتدائي و اشتغل في حي الجمالية في الحسين ب ١٢٠ قرش...

واحد بيقول انه كان لسه ملتزم جديد دينياً ونفسه يطلع يعمل عمره فربنا وصله لناس معرفة ف شركة سياحة طلعوه مع فوج طالع بالباخرة،اتفاجئ ع سطح الباخرة ان كلهم عمال بسطاء واهلهم فاستغرب ان كلهم يعرفوا بعض وهو الوحيد الغريب فبدأ يسأل حد منهم عرف منه انهم شغالين ف شركة واحدة وهي" العربي"

و ان سياسة الشركة ان بعد عدد سنين معين تطلع عمرة مع حد من اهلك، وبعد فترة تانية تطلع حج بردو مع حد من اهلك،الأجمل ان الراجل بيقول راحوا في يوم ارتاحوا في فندق 5نجوم و اول مرة ياكل لحم غزال مع الفوج ده مش مجرد مطلعهم عمرة مثلا في سكن تعبان او مكان بعيد عن الحرم او غيره

لا كان لازم يكونوا في مكان مريح و نضيف جداً...الناس دي بتمشي و تسيب الدنيا و نحسبهم علي خير و لكن الحقيقة هتفضل ان السيرة الطيبة و الأخلاق و تعاملاتك مع الناس و جدعنتك و طيبتك هيعيشوا عمر اطول منك بكتير فاشتغل انك لما تموت متتنسيش و كأنك لم تكن

و خلي اللي يفتكرك يترحم عليك زي ما الناس دلوقتي بتعمل مع الراجل الطيب ده.
ربنا يرحم الحاج محمود العربي و يجعل كل عمله في ميزان حسناته و يعامله بالإحسان لا بالميزان يارب 🙏

" فأما الزبد فيذهب جفاء وأما ماينفع الناس فيمكث في الأرض "جنازه المغفور له بإذن الله _ الحاج محمود العربي
عاش لله ف مات في سبيل الله
اللهم ارزقنا حسن الختام