في سنة ١٨٤٨ كان في عامل في السكة حديد اسمه فينيس قيج. أثناء شغله احد الايام بالديناميت، اتفجرت عبوة قبل ما يمشي مسافة آمنة، ودخل في راسه قضيب من الحديد من خده الشمال وطلع من راسه فوق واستقر على بعد ١٥ متر منه 😲
القضيب الحديدي ازال كتلة كاملة من مخ فينيس وسبحان الله فينيس ما فقد حتى وعيه ساعتها.
ولكن فقد عينه وشخصيته بالكامل من يومها.
ولكن فقد عينه وشخصيته بالكامل من يومها.
فينيس الكان دايماً مبسوط ومحبوب بين الناس فجأة أصبح مزاجي ومشكلجي وفجأة بيشتم الناس. واشتكى اصحابه انه دا ما فينيس الكانو بيعرفوه.
كحال الأشخاص البيتصابو في منطقة الfrontal lobe او الفص الجبهي، الناس دي ما بكون عندها علم انها اتغيرت بس فجأة الناس بتنفر منها.
كحال الأشخاص البيتصابو في منطقة الfrontal lobe او الفص الجبهي، الناس دي ما بكون عندها علم انها اتغيرت بس فجأة الناس بتنفر منها.
فينيس مات وحيد في عمر ٣٦ سنة بسبب نوبة من نوبات الصرع.
والحصل لي فينيس دا كان اول اثبات لي انه الاصابة في المخ ممكن تغير الشخصية.
والحصل لي فينيس دا كان اول اثبات لي انه الاصابة في المخ ممكن تغير الشخصية.
في سنة ١٨٨٠ في طبيب سويسري شال جزء من الفص الجبهي لي امرأة مضطربة وحسب كلامه من شخصية خطرة ومجنونة لي شخصية هادئة.
الطبيب جرب عمليته مع ٥ مرضى تانين. ٣ من المرضى ديل اتوفوا و٢ جاهم صرع وقرر يوقف العملية.
الطبيب جرب عمليته مع ٥ مرضى تانين. ٣ من المرضى ديل اتوفوا و٢ جاهم صرع وقرر يوقف العملية.
بعد خمسين سنة في البرتغال في طبيب اسمه مونيز قرر يجرب العمليات دي تاني وبدأ يشيل في الفص الجبهي من مرضى الشيزوفرينيا ويشوف اذا حيخفوا. وهنا كانت بداية عملية الfrontal lobotomy او ازالة الفص الجبهي الحنتكلم عنها الليلة.
مونيز قرر يعمل عملياته دي بدون ما يفهم الضرر البتسببه وبدون ما يجرب في الحيوانات. الكلام دا في سنة ١٩٣٠ يا شباب اتخيلوا!!
ما كان بيختار مرضاه بعناية وكان ما بتابع معاهم بعد العملية وكان بخلي مساعدينه يعملوها.
ما كان بيختار مرضاه بعناية وكان ما بتابع معاهم بعد العملية وكان بخلي مساعدينه يعملوها.
العملية نجحت الي حد ما والمرضى فعلا بيصبحوا غير عدوانيين وبيهدوا وشوية ولكن كانو بيخسروا شخصيتهم بي شكل دائم.
على الرغم من العشوائية بتاعت الدكتور وانعدام اي شي من صفات البحث العلمي والتجارب في شغله، الا وانه فاز بي جائزة نوبل للطب في عام ١٩٤٩.
متخيلين قبل اقل من مية السنة!!
على الرغم من العشوائية بتاعت الدكتور وانعدام اي شي من صفات البحث العلمي والتجارب في شغله، الا وانه فاز بي جائزة نوبل للطب في عام ١٩٤٩.
متخيلين قبل اقل من مية السنة!!
بعدها في امريكا في طبيب اسمه وولتر اعجب جداً بالعملية وقرر يشتغلها.
هل في تدريب وكدا عشان يبدا؟ لا طبعا تجرب طوالي في الناس!
في خلال ٤٠ سنة ولغاية ١٩٧٠، وولتر عمل العملية دي لي اي شخص جاه العيادة. وكان بيسافر يعملها في اي مكان. في واحدة مم سفراته عمل اكتر من ٢٢٥ عملية في ١٢ يوم!!
هل في تدريب وكدا عشان يبدا؟ لا طبعا تجرب طوالي في الناس!
في خلال ٤٠ سنة ولغاية ١٩٧٠، وولتر عمل العملية دي لي اي شخص جاه العيادة. وكان بيسافر يعملها في اي مكان. في واحدة مم سفراته عمل اكتر من ٢٢٥ عملية في ١٢ يوم!!
بعض مرضاه كانو في عمر ٤ سنين. اشتغل على ناس عندهم فوبيا، ناس سكارى من الشارع، ناس مثليين🏳️🌈، او اي زول شايفين انه عنده مشكلة عقلية.
عملية وولتر كانت سريعة جداً ومفزعة لي درجة انه الدكاترة نفسهم كانو بيتقززوا منها. كان بيدخل اداة بيكسروا بيها التلج للمخ عن طريق العين.
وبعدين عن طريق مطرقة بيضربها لغاية ما توصل للمخ بعدين بيحركها بقوة في عدة اتجاهات عشان يقطع المخ والاتصالات العصبية.
العملية كانت مرعبة لدرجة انه طبيب استشاري مخ اغمى عليه وهو بيتفرج فيها.
وبالمناسبة دي تعالو احكي ليكم كيف كان بيشتغل وولتر دا. كان اول شي بيشتغل بدون جونتيات، وبدون ماسك ومرات بهدوم الشارع، وحولينه بكونوا في ناس ملمومة بتتفرج.
الكلام دا في قبل ٥٠ سنة بس متخيلين؟!🙆🏽♂️
وبالمناسبة دي تعالو احكي ليكم كيف كان بيشتغل وولتر دا. كان اول شي بيشتغل بدون جونتيات، وبدون ماسك ومرات بهدوم الشارع، وحولينه بكونوا في ناس ملمومة بتتفرج.
الكلام دا في قبل ٥٠ سنة بس متخيلين؟!🙆🏽♂️
على الرغم من بشاعة العملية ولكن كانت سريعة والمرضى عادة بيمشوا بيتهم في خلال ساعة.
أحياناً الأداة البيشتغل بيها بتتكسر داخل مخ المرضى ولازم يطلعوها بي عملية اذا المريض ما مات.
أحياناً الأداة البيشتغل بيها بتتكسر داخل مخ المرضى ولازم يطلعوها بي عملية اذا المريض ما مات.
الحاجة المفاجأة فعلاً! انه وولتر كان طبيب نفسي اصلا وما عنده اي علاقة بالمخ والجراحة🤣 متخيلين معاي ٥٠ سنة بس الناس دي كانت بتعمل شنو!؟؟
المهم، حوالي ثلثين من مرضى وولتر ما حصل ليهم اي فائدة من العملية او حالتهم ساءت. ٢٪ اتوفوا. وواحدة من مرضاه كانت روزماري كينيدي اخت الرئيس الامريكي، كان عمرها ٢٣ سنة وفتاة جميلة بس عنيدة. عنيدة طوالي وداها ابوها تتعالج عند ميين؟ عند اخونا وولتر بدون حتى ما يستشير امها.
العملية دمرت روزماري وقضت ال٦٤ سنة البعدها في دور عناية غير قادرة على الكلام وبدون اي شخصية عبارة عن زومبي بياكل وبيشرب وبيخش الحمام اكرمكم الله. امها ما قدرت تزورها ل٢٠ سنة كاملة وتشوفها بالمنظر دا.
تدريجياً ولما بدت تظهر النتائج لعمليات وولتر وكيف انه سبب ضرر ودمار لي مئات و آلاف الأشخاص. ما سجنوه لا. بس الناس خفت شوية🤣 وكمل هو يعمل العملية دي لغاية ما اتقاعد في ١٩٦٧.
الفص الجبهي مسؤول عن الحركة، والشخصية والتخطيط والكلام. فكونوا بي كل بساطة تمشي لواحد يدمر كل الحاجات دي من عمر صغير جداً زي عمر ٤ سنين. بيوريك انه كيف عقليات الناس دي كانت مختلة وانه احنا كيف محظوظين اننا اتولدنا بعد مع الطب اتنظم ومستحيل زول يعمل الحصل زمان في زمننا الحالي.
حاجة مخيفة انه الكلام دا بنفتكروا حصل قبل مئات السنين ولكن ممكن جزء منكم يكون عايش اثناء ما حصل. اتخيلوا يقولوا ليك امشي الدكان تقول ليهم لا، يودوك للدكتور دا وحياتك تنتهي في اللحظة ديك.
الحمد لله حمدًا كثيييراً على نعمة ما كانت في بالنا خالص.
الحمد لله حمدًا كثيييراً على نعمة ما كانت في بالنا خالص.
إلى الآن في مصحات عقلية كثيرة حول العالم مليئة بعدد كبير من الأشخاص اللي اتعملت عليهم العملية دي في الفترة ما بين ١٩٤٠ لغاية ١٩٧٠. كان وبدون استثناء كائنات مطيعة خالية من الحياة.
من كتاب
The body: guide for occupants.
كتاب بيفهمك اي شي عن جسمك ومكتوب بطريقة بسيطة وساهلة للعامة وليس للقطاع الطبي فقط. انصحكم بيهوا حتستفيدوا كتير.
لو استفدتوا من الثريد دا يا ريت تعملوا ريتويت، وتتابعوا الحساب عشان حانزل ليكم قصص كتيرة من الكتاب.
ويوماً سعيداً💙
The body: guide for occupants.
كتاب بيفهمك اي شي عن جسمك ومكتوب بطريقة بسيطة وساهلة للعامة وليس للقطاع الطبي فقط. انصحكم بيهوا حتستفيدوا كتير.
لو استفدتوا من الثريد دا يا ريت تعملوا ريتويت، وتتابعوا الحساب عشان حانزل ليكم قصص كتيرة من الكتاب.
ويوماً سعيداً💙
جاري تحميل الاقتراحات...