براجع مع ميرا في واجب العلوم؛ وكان في سؤال عن أول زول شرح الجاذبية (نيوتن طبعا)
قمت سألتها السؤال التقليدي:
لو حجر وريشة فكيناهم في فراغ، الحيصل الأرض فيهم منو الأول؟
قمت سألتها السؤال التقليدي:
لو حجر وريشة فكيناهم في فراغ، الحيصل الأرض فيهم منو الأول؟
وكما هو متوقع قالت الحجر، ولما ابتسمت وقلت ليها بصلوا مع بعض، قالت لي ده ما منطقي! فكانت فرصة انو الكشرها عن ان (المنطق) هنا هو مجرد حدسك المتكون من خبرتك، وانو براهو من غير تجربة ما دليل على الحقيقة 😌 (الغلطة اللي وقعت فيها البشرية مع أرسطو لمدة ألفين سنة)
المهم شغلت ليها الفيديو ده عشان أوريها انو الأجسام بتتسارع بنفس المقدار بالضبط تحت تأثير الجاذبية، وأن مقاومة الهواء هي البتدينا وهم أن الأثقل بسقط أسرع
youtu.be
youtu.be
يلا قمت شرحت ليها انو الجاذبية أصلا ما قوة، وإنما تعبير عن تمدد الزمان بفعل الجاذبية زي ما ورانا آينشتين، واستعملت المثال الشهير عن انو لو اوضتنا دي كانت في مركبة فضائية متسارعه، حنقدر نفرق الوضع ده كيف من كونها في الأرض وتحت تأثير الجاذبية؟ (مبدأ تكافؤ التسارع والجاذبية)
رفعت القلم وفكيتو، قلت ليها لو نحن في مركبة فضائية معناها الأرضية هي الاتسارعت للقلم وهو ما اتحرك من مكانو تحت تأثير قوة موش؟ ولفت نظرها لانو لو وصلنا ميزان زنبركي مع كورة بولينج وفكيناهم، فبما انهم حيقعوا بنفس التسارع، الميزان حيورينا انو ما في قوة شغالة على الكورة!
وأخيرا حضرتها الفيديو ده عشان تفهم كيف انو تمدد الزمان، بتنتج عنو ببساطة ظاهرة الجاذبية 😎
نظرة الدهشة ونص الفهم في وشوش الاطفال عن مدى غرابة وجمال العالم ده، لا تقدر بثمن 🤣
youtu.be
نظرة الدهشة ونص الفهم في وشوش الاطفال عن مدى غرابة وجمال العالم ده، لا تقدر بثمن 🤣
youtu.be
.
جاري تحميل الاقتراحات...