عايزة اتكلم عن مرض ال MS من واقع تجربتى ،انا بقالى ٦ سنين عندى ام اس اخدت ٣ سنين من عدم رؤية مؤقت يوميا و عدم القدرة على المشى وألم فى كل الجسم، كنت باخد ادوية مناعة و الكورتيزون واى دوا حيران كنت باجربه، مع ان جميع الادوية مش هتمنع الهجمات و لكن هتقلل اثر الهجمات وتقلل حدوثها +
الحياة مع ال MS متشائمة و حزينة فى البداية وبتفقد اى احساس بالاستمرار ف الحياة بالشكل ده.. ومع الألم ده !خصوصا مع تغيرات المرض الشديدة وبيجى عليك لحظة بتستسلم وفكرة انه مافيش امل للعلاج بتحبط اكتر وانك هاتعيش باقى حياتك بتصارع حاجة مالهاش نهاية ++
بس بعد شوية لما بتهدى ودكتور شاطر يشجعك على انك ممكن تسيطر على مرضبشكل كبير (it can be controlled) اه مافيش علاج لسه دائم لكن ممكن جدا تتغلب على الألم المستمر ، ودى تجربتى اللى ياريت افيد بها حد بيعانى من نفس المرض! من سنتين و نص بدأت نظام غذائى وعلاج طبيعى و اى رياضة تحبوها +
النشاط الرياضي المنتظم مع الاكل السليم بيعمل نشاط ذهنى و مع الوقت ابتدت كل اعراض ال ms تقل بشكل كبير !الدوخة ،التنميل و عدم التركيز بقيت امشي مش بقع ، بنام ساعات منتظمة و مش كتيرة سبع ساعات كفاية جدا حالتى النفسية اتحسنت كتير ++
تعبت كتير في البداية اني انزل واواصل ،كان دكتورى اكتر واحد بيشجعنى و حقيقي خلانى اقف على رجلى حاليا انا مستمتعة بالحياة بنزل و اخرج وبطلت اقفل على نفسى، لأنى امنت بقضاء ربنا وتقبلت المرض !و شخصيتى قبل المرض و بعد المرض اختلفوا، لأن فى النهاية السعادة والإرادة قرار ++
اتمنى تبصوا بتفاؤل انكم تقدروا تحققوا نجاح و تتغلبوا على اى مرض خدوا قرار لحياتكم ابتدوا علاج طبيعى ونشاط رياضى بس غير مرهق،النجاح مش هيتحقق بسهولة،انا تعبت و بكيت و فشلت لكن بدأت أنجح أولها انى حاليا مش باخد ادوية ال MS القوية اللى ليها آثار جانبية لعينة، ++
إللى لسة جديد واتشخص MS نصيحة مهمةانى استنيت هجمات كتير خلال ال٦ سنين ومعملتش نظام غذائى و رياضى ارجوكم ابتدوا اهتموا بحياتكم الصحية، اخرجوا من الاكتئاب ابعدوا عن كل مصدر بيحبطكوا حتى لو اعتزلتوا ناس قريبة منكم هيجى وقت وتعرفوا ان الامور اللى كانت مدمرة نفسيا هتصبح عادية ++
وده مركز لعلاج طبيعى اللى حابب علاج طبيعى فى البيت وبيجى بجميع الاجهزة "Physio home care " واتمنى لكم دوام الصحة والعافية .
END Of Text ❤🙏
END Of Text ❤🙏
وبناءً على طلب الجماهير انى افتح الريتويت، تم تفعيل خاصية الريتويت للساعة ١٢ اليوم ✋ وماشربش الشاى اشرب ازوزة انا 💃
جاري تحميل الاقتراحات...