أعدت مشاهدة Avengers Infinity War. الفيلم هذا مليان صدمات نفسيّة، يعني الإخفاق والفقدان والتضحيات اللي فيه مأساة! هذي تقريبًا سادس ولا خامس مرّة نشوف فيها الفيلم ومع ذلك بكيت.
طبعًا الفلم مش عميق للدرجة هذي، هو صاير معاه اللي يصير في المسلسلات: أنك ترتبط بشخصيات لسنوات طويلة، فلما تمر الشخصيات بأحداث محزنة تتفاعل معاها أكثر. مش عارف لو هذا غش من مارفل، أفلام بطبيعة مسلسلات (شخصيّات موجودة لسنوات وتتقاطع وإلخ)، لكن المهم، هذا اللي صار يعني.
طبعًا هي الفكرة في الأغلب جت من الكوميكس ذاتها، يعني فكرة إنك عندك شخصيات مستلقة كل شخصية عندها قصصها، وبعدين هذا الشخصيات تتقاطع في حدث كبير أو تلتقي في قصص جانبية إلخ، فالفكرة مش مأخوذة من المسلسلات يعني، لكن التأثير العاطفي يعني في هذا الوسط البصري يتشابه في فعل التلقي يعني…
معش عرفت روحي ناقد أفلام ولا مسلسلات ولا كتب مصوّرة، لله دري سيوطي زماني شكلي في نقد البوب كلطشر، المهم إني ممكن قاعد نحكي واجد لأني قلت إني بكيت وحاب ننسى وننسي اللي قروا الكلام، لكن أظن ذكرتنا كلنا مرة أخرى، والمهم باهي الحياة مستمرة والواحد يشوف له الماعين ولا الغسيل.
بيس أوط!
بيس أوط!
جاري تحميل الاقتراحات...