مين اخترع عدم استحقاق سولشاير لتدريب مانشستر يونايتد مع ان الراجل نجح يرفع انقاض صرح وقع من سنين واكتسح تقريبا كل المواجهات المباشرة مع كل المدربين اللي بيتصنفوا علي انهم فلاسفة؟! مين اول واحد طلعها يعني والناس كلها رددتها؟!
ليه حاسس ان تعريف الفحولة الظاهرة، وكاريزما المتنمر كانت ممكن تلعب دور انها تغير رؤية الجمهور العربي بالاخص في الراجل؟! ليه كون الراجل هادي وبيشتغل منغير صياح وشغله اوضح من الشمس الظاهرة يفضل معيوب لمجرد انه مبيقصفش جبهة ولا بيطلع يتفلسف بلا داعي ولا بيقف يهاوش بأيده ع الخط كمدعي
الراجل تكتيكياً دخل علي فرقة معندهاش حلول هجومية اصلاً، حلول الخروج بالكورة كانت معتمدة علي تركبيات من عينة الكورة الطويلة لفيلايني او ثنائية الكورة الطويلة ع الجنب بين اشلي يونج ولوكاكو فاكرين؟! جه وبقا يخرجك بالكورة من تحت وشغل الاجنحة الدفاعية والهجومية، هو دا مش شغل تكتيكي؟!
دخل علي اموات "كروياً" واحياهم، صفقات مدروسة تخدم افكاره الكروية، هو دا مش تكتيك؟! هو التكتيك شوية التهويش اللي بالايد اللي بيعملهم جوارديولا؟! هو التكتيك لازم يخليه صيوحة وقصفجي زي مورينو والا يبقا معيوب؟! تعالي احكيلك ابرز ملامح شغل الراجل اللي اخد منه طول الوقت دا:
التحولات المباشرة، ثنائيات الاطراف والاجنحة، مثلثات الجبهات، تغيير مركز بوجبا لجناح في سابقة محصلتش لبوجبا رغم انه اتدرب علي ايد اليجري والسير اليكس، الthird man runner، التنافس ع المراكز، الدبل بيڤوت، كل دا جديد في اليونايتد، هو دا مش شغل تكتيكي ؟!
ياجماعة اقسم بالذي رفع السموات بغير عمد وانه لقسم لو تعلمون عظيم، ان الاراء اللي بتتقول بعدم استحقاق سولشاير تدريب اليونايتد معظمها بين الشخصي والمعيب والمشوه بافكار العاب الفيديو والرغبات الشخصية في مدرب بعينه، سولشاير اصاب اكتر بكتير من اخطاءه وماشي بخطي ثابتة تجاه مصير محتوم
مصير الانجاز عاجل او اجل، ربنا مبيضيعش عمل مجتهد ومدروس وشاطر، الكون مش عبثي، والراجل اشتغل واشتغل واشتغل، كادر اداري وفني وتكتيكي علي اعلي مستوي، شخص متواضع ومعندوش جنون عظمة وعارف انه انسان بيغلط ويصيب ومعندوش حرج يصلح اخطاءه ويتطور، سولشاير هدية القدر لمانشستر يونايتد
جاري تحميل الاقتراحات...