رتبها

السلام عليكم 😊✋ قد سمعتم بطريقة مذاكرة تخليكم ما تنسون المعلومة لفترات أطول و الطريقة ذي مثبتة علميا🤩📃. تعرف شعور لما تذاكر محاضرة اليوم وبعد اسبوع ما تتذكر منها الا القليل. شي يقهر صح؟ باذن الله الثريد ذا راح يحل مشكلتك👍

هذي الطريقة بتساعدكم على تذكر المعلومات الي ذاكرتوها لأطول وقت ممكن وتساعدكم بعد على سرعة استرجاعها.. ملاحظة الطريقة هذي تنفع لكل التخصصات وكل المراحل الدراسية 😍👍
.
.
قبل كل شي لا تنسون تسوون لايك ورتويت علشان يوصل لاكبر عدد ممكن 😊 🙏 وتابعني لاني دايما اسوي ثريدات كذا 🙃

الطريقة اسمها Spaced repetition ( التكرار المتباعد) الطريقة هذي طرحها العالم هيرمان ايبينجهوس. و قال : "يتبع فقدان المعلومات بمرور الوقت منحنى النسيان ، ولكن يمكن إعادة تعيين هذا النسيان مع التكرار بناءً على الاسترجاع النشط." طيب وش يعني ذا الكلام انا أقول لكم.

اذا ذاكرت المحاضرة لأول مرة راح يرتفع معدل استرجعك للمعلومة بشكل عالي جدا بس مع مرور الوقت راح ينزل معدل تذكرك لها بشكل تدريجي لين ما عاد تتذكرها وهذا يسمى منحنى النسيان تقريبا راح تنسى 50% من المعلومات الي ذاكرتها اليوم بعد 24 ساعة

والحل انك تراجع المعلومات الي ذاكرتها بأوقات محددة وتكسر منحنى النسيان عشان تقلل من حدة المنحنى وكذا راح يقلل معدل نسيانك للمعلومة ويزيد كفاءة استرجاعك لها ويقلل الوقت المستغرق لمراجعتها

طيب كيف نسويها؟ انا أقول لكم ... قبل ما نبدأ حبيت أوضح شي مهم. طريقة التكرار المتباعد لها اكثر من خوارزمية وكل باحث يحط طريقه معينة.. و يعتمد بعد اذا اختبارك قريب أو لا . فمثلا بعضهم يقول كذا 1:7:16 و الثاني يقول 1:3:7:14:21 والثالث 1:7:16:35 شوف الطريقة الي تناسب واختارها

لكن الفكرة واحدة انك تراجع الموضوع اكثر من مرة بفترات زمنية محسوبة عن نفسي افضل ذي الطريقة 1:3:7:14:21 كثير ناس يستخدموا ومن بينهم Ali Abdal الاول على دفعتة في كامبردج. بمعنى تراجع المحاضرة بكرة و بعد 3 أيام وبعد أسبوع و بعد 14 يوم وبعد 21 يوم من تاريخ اخذك للمحاضرة م

ممكن تقلل عدد مرات المراجعة بما يناسبك ويناسب تخصصك لان كثير ممكن يفكر كيف اقدر اوفق بين المحاضرات الجديدة و المراجعة.. السر انك لا تطول بالمراجعة. ابحث عن اي طريقة توفر عليك وقت مثل الفلاش كارد او الملخصات الخ حاول لا تتعدى اكثر من ساعة بالمراجعة او قسمها على مدار اليوم

المراجعة في كل جلسة راح تقل بشكل كبير عن الجلسة الي قبلها لو افترضنا المراجعة الأولى اخذت منك 30د فالمراجعة الثانية بتاخذ 15د والثالثة 7 د وهكذا كل مراجعة بتقل مدتها عن الي قبلها

من افضل الطرق للمراجعة هي FLASH CARDS وكثير ينصحوا ببرنامج ANKI لأنه مصمم على مبدأ التكرار المتباعد. فيه برامج كثيرة للفلاش كارد لكن ذا اشهرهم. او ممكن انت تسويها بنفسك بورقة وقلم. بس المميز بذي التطبيقات ان بطاقاتك معك وين ما تروح. او ممكن تسوي ملخصات وتراجعها بدل الفلاش كارد

وتكلمت قبل عن تطبيق osmosis بهذا الثريد وقلت عندهم فلاش كارد وعلى فكرة برضو مبنية على مبدأ التكرار المتباعد والمميز فيها ان الفلاش كارد تكون جاهزه ما يحتاج تسويها بنفسك 👌

ومن الطرق المشهورة لاستخدام التكرار المتباعد هو طريقة طرحها العالم الألماني سباستيان لايتنر وسمها Leitner system هي طريقة تستخدم الفلاش كارد مع مبدأ التكرار المتباعد
الفكرة بسيطة.. بالبداية تجيب مجموعة صناديق وتقسمها ل A B C او ملفات مو شرط صندوق

بالبداية كل البطاقات الجديدة تبدأ من A.. المجموعة A تراجعها كل يوم و B تراجعها كل ٣ ايام و C كل ٧ ايام.. اذا جاوبت على البطاقة بالصندوق A صح تنقلها للصندوق B وبعد ٣ ايام لما تراجعها من الصندوق B اذا قدرت تتذكرها تنقلها للصندوق C واذا غلطت ترجعها للصندوق A وتبدا من جديد

الهدف من ذي الطريقة
1- تخليك تركز على المعلومات الي انت تغلط فيها كثير وتحتاج اهتمام اكثر بدال تضييع الوقت بمذاكرة كل المعلومات بنفس المستوى
2- تعطيك نفس فوائد التكرار المتباعد.

وهذي فديوهات ممكن تفيدكم في موضوع ال التكرار المتباعد – spaced repetition
1-youtube.com
2-youtube.com
3-youtube.com
4-
youtu.be

أتمنى الي ما جرب ذي الطريقة يجربها و يورينا نتائجه هنا بما اننا لسة في بداية الدراسة💪🏻🔥.
أتمنى الثريد نال على اعجابكم واستفدتم منه. الثريد اخذ مني جهد كبير فلا تنسون اللايك والرتويت يا جماعة ♥️🙏
وشكرا لكم❤️

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

نسخ سلسلة