انا محتاجة شديد اقعد فترة مع ناس متدينة شديد ، ناس ما بتبطل ذكر الله ومستمتعه بيه وكل اما اعاين ليهم افتكر ذكر الله سبحانه وتعالي ، ناس بتحب كتاب الله وبتكلموا عنو كتير في وسط كلامهم ، واشيل جزء كبير من يومهم واهتمامهم ، ناس مستمتعة بمعاني القرآن وتفسيره وتنفيذو !💙

في أشد الحاجة لناس تصحيني انو دي الحياة الدنيا الفانية ، واشوف ده ف حياتهم وفي زُهدهم ، وعدم جريهم ورا الدنيا ومتاعها الزائل ، ناس اتعرض عليها متاع الدنيا و شالوا منو بس البحتاجوا ليه وخلو ما استغنوا عنه لوجه الله الكريم 🌸
ناس ما عايزة حاجة من الدنيا عشان مدركين حقيقتها 🥲

نفسي اقعد مع الناس الما بقولو ( هو اليوم بمشي وين ) '!
أستغفر الله العظيم ما بنلحق نعمل حاجة لآخرتنا ومقصرين في حق الله ، زي ما انا على طول بقول ...
لا ناس شايفة هدفها الحقيقي وحياتها الأبدية فبتنفذ المهمة بحذافيرها إلي أن أن يلقوا الله وهم علي عهده ووعده ما استطاعوا ...💔

ناس بتعرف سنة الحبيب بما يرضي الله وبنفذوها علي نفسهم قبل غيرهم ، ما يؤمنون ببعض الكتاب ويكفرون ببعض
ناس بستحي اغلط وسطهم من نقائهم وطهر مجلسهم
ناس ما بتجيب سيرة زول بالسوء وبيتمنوا للجميع الخير لإيمانهم بأنو ( وفي السماء رزقكم وما توعدون) ، ناس مؤمنة انو ماف زول بشيل رزقها

ولا هم حيشيلوا رزق زول فقلوبهم مطمئنة !
انا عاملة زي الطفل البقى محتاج قدوة يعاين ليها ويقلدها لانو الدنيا شالت الواحد اكتر من اللازم واكتر مما تستحق ")