تخلصت من مخاوف كثير لما قررت
اوصل اقصى مرحله منها..وش اقصى شي ممكن يصير؟
كسرت هالحاجز و تخيلت المخاوف صارت حقيقه ايش اكثر شي ممكن يأذيني؟!
بالاخير اكتشفت انه مافي شي و ان خوفي هو مجرد تخيلات تسلب مني حريتي🤷🏻‍♀️
مخاوفنا افكار نابعه من مشاعر مالها دخل بالشي اللي نخاف منه هي فقط تغذيه

كنت اخاف من الفشل في مجال عملي راجعت مشاعري و فككت الفكرة وش سببها؟!
سببها اني ربطت قيمتي بالعمل و ربطت خسارتي له بخسارة نفسي..خوفي كان نابع من فكره اني فوق الخساره لكن بشكل مرهق..بعدها صرت اقيس كل خوف وش المشاعر اللي تغذيه اكتشفت انها نظرتي لنفسي و ربط قيمتي ب اشياء خارجيه

مخاوف المرض!؟
انا احب الحياة و اتلذذ فيها..المرض وش بيعمل فيني ؟!
اموت ؟! غيرت مفهومي حتى عن الموت و شفته بعيد عن البرمجه اللي تبرمجتها كرعب..صرت اقول الموت نهاية حياة و بداية حياة مختلفه و خوفنا منها لانها غيبيه..ماراح اغادر هالحياة الا و انا اديت رسالتي و عشت كل لحظه مكتوبه لي

مخاوف فشل عملي ؟!
افلاس مثلا! كل نهايه هي بداية شي جديد و طول ما انا عايشه رح اغلط و اصحح غلطي و ابدا من جديد..
تهميش او اقصاء في علاقات!!
فطرة الانسان عدم الكمال ليه اقيس قيمتي في انسان همشني و اعتبره فشل!
هذا درس او رساله او يمكن اصلا و لا شي و اعتبره حدث عابر🤷🏻‍♀️❤️ببساطه يعني

اذا مال او اشخاص او منصب بيصنعني معناها انا هشه..اي ظرف ممكن يطيرني..انا اللي اصنع الاشياء و اتحد و اندمج معها و نكون شي واحد ذات قيمه..ربطنا لقيمنا و هوسنا و مخاوفنا ب فقدها خلانا ننسى اننا احنا اللي نصنع الاشياء و نعطيها قيمه او نسلبها منها✨🤍