عندي موضوع رياضي مهم ودي أدردش فيه باستفاضة .. اللي نفسه طويل و حاب يشاركنا يتفضل.. خذ لك كاسة شاهي يا عم و طول بالك علينا شوي .. (١)
انت نادي على قد حالك و ما عندك مصادر دعم مثل الأندية الكبرى الحيتان اللي حواليك ؟، طيب لازم تستخدم البيانات و الذكاء الاصطناعي عشان تحافظ على وجودك بينهم في هذي الفترة بالذات اللي مسموح فيها ب ٧ لاعبين أجانب أكثر من نصف الفريق .. (٢)
يعني المجال مفتوح لك بعيدا عن تضخم الأسعار بالسوق المحلي.. تبقى اقتصاديًا و كمان تكون منافس كويس في الملعب .. البيانات تقريبًا نجحت في كل تجاربها ليش أنديتنا ما تستخدمها ؟.. بعلمك البيانات بتفيدك في إيش ؟.. (٣)
تخليك تجيب لاعبين كويسين بتكاليف منخفضة يعني لو ميزانيتك ضعيفة .. حتى اللاعب المحلي الصغير تقدر تنتقيه بعناية باستخدام الأرقام لأنها تعطي صورة شبه مكتملة للمواقف بعيدًا عن عنتريات فلان كشاف كويس و أبو فلان عينه سمّ في اللعيبة و و و … (٤)
فيه مدربين حققوا مراكز متقدمة في جدول العام الماضي بالدوري، و لو كان فيه تحليل بيانات دقيق بأنديتهم كان ما قعدوا دقيقة واحدة فضلًا عن تجديد عقودهم .. لأن أنديتهم كانت تتعرض لمخاطر أكبر من المحتمل بكثير و كانوا بلا استراتيجيات واضحة يعني حققوا إنجازات مزيفة بالحظ.. (٤)
مثلا اللي كان ٤ كان ممكن يكون عاشر في الطبيعي لولا الحظ و سوء تصرف لعيبة الخصم و وقفة القوائم و العارضة .. فمن الحكمة إني أبني مشروعي الرياضي على أساس منطقي و أحجز للمدرب هذا نفرين حنيذ و تذكر على بلاده .. (٥)
التنفيذ سهل بلدنا مليانة شباب زي الورد يقدرون يعملون أنظمة بيانات محترمة و يديرونها تقنيًا زي الحلاوة .. لكن الأمر يحتاج وجود رئيس نادي قلبه جامد يؤمن بالكلام هذا عشان يدعمه و يصبر حتى يلقى نتايجه .. (٦)
بدلًا من سياسة ما أشتري إلا اللاعب اللي يتألق في مباراته ضدي، أو أشتري اللاعب اللي يلعب كم مباراة كويسة، أو اللي منافسي يفاوضه، أو اللي مدربي كان يدربه بفريقه القديم، أو أنتظر الوكلاء يعرضون لي الكويسين اللي ما وجدوا مقاعد بالأندية .. (٧)
فيه خواجات يعلقون رهانات و يكسبونها بكل ثقة عشان هم يعتمدون فيها على البيانات، يا جماعة ارحموا جيوبكم و خزاين أنديتكم و الله العلم نور .. عشان توقف في وجه الأندية الكبرى الدفيعة لازم تعتمد على أسلوب غير عنهم لأن سلاح قوتهم الفلوس و ماهو عندك مثلهم… (٨)
جدول الدوري ممكن يكون كاذب في بعض المرات فيه ناس بتحصل على مواقعها بالحظ و بفعل ظروف خارجية، لا تعتمد عليه .. اعتمد على التقييم الضمني اللي يخصك و تعرف على ضوئه أداءك كيف؟ انت ماشي في الاتجاه و لا لا .. (٩)
البيانات حبة حبة بتخليك متمرس و بتعرف فين تلقى ضالتك سواء في السعودية أو خارجها .. يا كثر اللعيبة اللي عندهم إمكانيات و يبغون يثبتون أنفسهم، فتش عنهم خذ اللي عنده إمكانيات و اعمل له تحليل سياق و استنتج ليش ما وصل لذروته.. (١٠)
زي يوم تشتري سهم بأقل من قيمته الحقيقية بعدين يتصاعد و تستفيد انت .. فيه لعيبة عندهم مشكلات بسيطة توقف في وجيه تصاعدهم بدنية-فنية حاجات بسيطة تنحل في كم ودية و معسكر إعدادي أو موسم تهيئة .. (١١)
روح بنفسك دور على اللي ينقصك و القطع اللي تركب على مقاسك، لا تعتمد على السيرة الذاتية فلان لعب لنادي كبير يعني متأسس صح باخذه.. كذا ما عمرك حتكون كويس.. في أفضل أحوالك بتكون صديق للأندية الكبيرة فقط.. مش منافس أو ند و بقائك بينهم بيصبح على كف عفريت… (١٢)
الموضوع سهل و تطبيقه أسهل، لكن نحتاج أولًا لنقلة معرفية عشان نوصل لمرحلة إنه رئيس نادي عندنا ممكن يقبل بالكلام هذا و يؤمن فيه و يفتح المجال لتطبيقه عنده…
(١٣)
بس كذا خلاص ..
(١٣)
بس كذا خلاص ..
جاري تحميل الاقتراحات...