رتبها

𝐆🧙🏼‍♂️

13 تغريدة 66 قراءة Sep 13, 2021

ثريد | بما ان الجامعات رجعت، سويت ثريد اتكلم فيه عن الآيباد و شلون فادني في الجامعة (برامج + اكسسورات)

١.) نوع الأيباد:
الأيباد الي استخدمه هو iPad pro 11” (2019) و القلم Apple Pencil الإصدار الثاني، الIpad air 2020 بديل ارخص و نفس المواصفات تقريباً + فيه الوان عديده

٢.) البرامج الي استخدمها للدراسة
البرنامج الأول: GoodNotes
برنامج GoodNotes افضل برنامج مُلاحظات بالنسبة لي(جربت كل البدائل).
⁃ تقدرون تختارون نوع الورق، لون الورق، نوع القلم، هايلايت، إنشاء ملفات، و ارسال الملاحظات للأصدقاء عن طريق الأيميل/airdrop

⁃ الملاحظات يصير لها نسخ احتياطي في المنصة الي تفضلونها (google drive, onedrive,icloud) يعني لو الأيباد ينسرق/يخترب كل الملاحظات بتكون موجودة
⁃ احل كل الواجبات على good notes و اسويلها upload على بلاكبورد من الأيباد + تقدرون تطبعون الواجب اذا الدكتور طلب نسخة ورقية

البرنامج الثاني | Google Docs
- برنامج بديل لMicrosoft Word مجاني
⁃ تقدرون ترسلون رابط لزملائكم و كلكم تكتبون و تشتغلون في نفس الوقت
⁃ عندهم موقع و ابلكيشن، يعني يصير تشتغلون على الايباد، الابتوب، والايفون

البرنامج الثالث | Notion
برنامج Notion استخدمه لتنظيم الوقت في الجامعة + إنشاء جداول و خطط

البرنامج الرابع | برنامج Chegg (اشتراك شهري)
البرنامج هذا انقذ حياتي في الجامعة
⁃ فيه اجوبة الأسئلة الي في الكتاب (على حسب الجامعة و المنهج طبعاً)
⁃ تقدرون تصورون سؤال و شخص مُختص بيساعدكم في الحل، عندهم كل المواد

البرنامج الخامس | Canva
برنامج Graphic Design فيه تصاميم جميلة و جاهزة، اغلب الدكاتره ينبهرون اذا سلمت شي من Canva ما يدرون اني ماخذ الtemplate من البرنامج 😌

٣.) اكسسورات الآيباد | Magic Keyboard
اذا تبون الآيباد يكون مُقارب للابتوب، انصحكم في الMagic Keyboard من ابل. عيبه الوحيد انه غالي و بتكلم عن بديل تحت